14-Jul-2024

(ମିହିର ଶଙ୍କର ପାତ୍ର,)
‌ନବରଙ୍ଗପୁର ମହାବିଦ୍ୟାଳୟ ର ଯୁବ ରେଡକ୍ରସ, ଜାତୀୟ ସେବା ଯୋଜନା,ଏନ୍ ସି ସି, ସବୁଜ ବାହିନୀ ର ମିଳିତ ତତ୍ତ୍ଵାବଧାନରେ ରେ  ନବରଙ୍ଗପୁର ମହାବିଦ୍ୟାଳୟ ପରିସରରେ ବୃକ୍ଷ ରୋପଣ ସହ ନିଆରା ଢ଼ଙ୍ଗରେ ଜିଲ୍ଳାର ସର୍ବପୁରାତନ ନବରଙ୍ଗପୁର ମହାବିଦ୍ୟାଳୟ ର ୫୪ତମ ପ୍ରତିଷ୍ଠା ଦିବସ ପାଳନ ହୋଇ ଯାଇଛି । ଏହି ଅବସରରେ ନବରଙ୍ଗପୁର ନିର୍ବାଚନ ମଣ୍ଡଳୀର ମାନ୍ୟବର ବିଧାୟକ ଶ୍ରୀଯୁକ୍ତ ଗୌରୀ ଶଙ୍କର ମାଝୀ ମୁଖ୍ୟ ଅତିଥି ତଥା ନବରଙ୍ଗପୁରର ଜିଲ୍ଲାପାଳ ଡ଼ଃ କମଳ ଲୋଚନ ମିଶ୍ର ଏବଂ ଅତିରିକ୍ତ ଜିଲ୍ଲାପାଳ ଓ ମହାବିଦ୍ୟାଳୟ ପରିଚାଳନା କମିଟି ସଭାପତି ଶ୍ରୀଯୁକ୍ତ ମହେଶ୍ୱର ଚନ୍ଦ୍ର ନାୟକ, ପ୍ରଥମ ଛାତ୍ର ଭାବେ ପୁରାତନ ଛାତ୍ର ଶ୍ରୀଯୁକ୍ତ ସତ୍ୟବାଦୀ ଷଡ଼ଙ୍ଗୀ ସମ୍ମାନିତ ଅତିଥି ଭାବେ ଯୋଗଦେଇ ପ୍ରଥମେ ମହାବିଦ୍ୟାଳୟ ପରିସରରେ ଅଧ୍ୟାପକ , ଅଧ୍ୟାପିକା,କର୍ମଚାରୀମାନଙ୍କ ସହିତ ବୃକ୍ଷରୋପଣ କରିଥିଲେ ।  ଆୟୋଜିତ ସଭାରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ଡି . ଗୋବିନ୍ଦା ରାଓ ସ୍ବାଗତ ଅଭିଭାଷଣ ଦେଇଥିଲେ । ନବରଙ୍ଗପୁର  ମାନ୍ୟବର ବିଧାୟକ ଶ୍ରୀଯୁକ୍ତ ଗୌରୀ ଶଙ୍କର ମାଝୀ ମହୋଦୟ ମୁଖ୍ୟ ଅତିଥି ଭାବରେ ଯୋଗ ଦେଇ ବିଧାୟକ ହେବା ପରେ ନିଜର ପ୍ରଥମ ପତ୍ର ମହାବିଦ୍ୟାଳୟକୁ ସରକାର ହାତକୁ ନେବାପାଇଁ ମାନ୍ୟବର ଉଚ୍ଚଶିକ୍ଷା ମନ୍ତ୍ରୀଙ୍କ  ନିକଟରେ ଦାଖଲ କରିଥିଲେ ବୋଲି ପ୍ରକାଶ କରିଥିଲେ।  ଜିଲ୍ଲାପାଳ ଡକ୍ଟର ମିଶ୍ର ଏହି ଅବସରରେ ନିଜର ବକ୍ତବ୍ୟରେ ଛାତ୍ରଛାତ୍ରୀ ମାନଙ୍କୁ ମହାବିଦ୍ୟାଳୟର ଉନ୍ନତି ପାଇଁ ନିଜର ପଢାପଢ଼ିରେ ଅବହେଳା ନ କରି ସବୁଦିନ ପାଇଁ କଲେଜ ପାଇଁ ନିଜର ଅବଦାନ ପ୍ରଦାନ ପାଇଁ ପ୍ରସ୍ତୁତ ରହିବାକୁ ଆହ୍ବାନ ଦେଇଥିଲେ। ଅନ୍ୟତମ ସମ୍ମାନିତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀ ନାୟକ  ଛାତ୍ର ଜୀବନର ଗୁରୁତ୍ବ ଉପରେ ଆଲୋକ ପାତ କରିଥିଲେ ଓ ନିଜର ଭବିଷ୍ୟତ ପାଇଁ ଛାତ୍ର ଜୀବନର ଏହି ଗୁରୁତ୍ବପୂର୍ଣ୍ଣ ପର୍ଯ୍ୟାୟ ର ସଦୁପଯୋଗ ପାଇଁ ଉପଦେଶ ଦେଇଥିଲେ। ପୁରାତନ ଛାତ୍ର ଶ୍ରୀ ସତ୍ୟବାଦୀ ଷଡ଼ଙ୍ଗୀ ମହାବିଦ୍ୟାଳୟ ସହ ଥିବା ନିଜର ଅନୁଭୂତି ପ୍ରକାଶ କରିବା ସହ ଆଗାମୀ ଦିନରେ ମହାବିଦ୍ୟାଳୟର ଉନ୍ନତି ପାଇଁ ବ୍ରତୀ ହେବାପାଇଁ ଅନୁରୋଧ କରିଥିଲେ।

ଅଧ୍ୟାପକ ଡଃ ରୁଦ୍ର ମାଝୀ, ଶ୍ରୀ ଅଶ୍ଵିନୀ ବେହେରା ଓ ଶ୍ରୀ ଦିଲ୍ଲୀପ କୁମାର ହୋତା ମହାବିଦ୍ୟାଳୟ ର ଇତିହାସ ଉପରେ ଏକ ବୃତ୍ତଚିତ୍ର ଉପସ୍ଥାପନ କରିଥିଲେ। ପ୍ରାୟ ଏକ ବର୍ଷ ଭିତରେ ଅବସର ପ୍ରାପ୍ତ ଅଧ୍ୟକ୍ଷ, ଅଧ୍ୟାପକ ଓ କର୍ମଚାରୀଙ୍କୁ ସମ୍ମାନିତ କରାଯାଇଥିଲା।ଏହି ଅବସରରେ ଆୟୋଜିତ ବିଭିନ୍ନ ପ୍ରତିଯୋଗିତାରେ କୃତୀ ପ୍ରତିଯୋଗୀ ଏବଂ +୨ & +୩ ରେ ଟପ୍ପର ହୋଇଥିବା ଛାତ୍ରଛାତ୍ରୀଙ୍କ ମାନଙ୍କୁ ପୁରସ୍କୃତ କରାଯାଇଥିଲା। ମହାବିଦ୍ୟାଳୟ ର ଛାତ୍ରୀ ସୁଶ୍ରୀ ପ୍ରଜ୍ଞା ଜୈନ ଓଡିଶୀ ନୃତ୍ୟ ପରିବେଷଣ କରିଥିଲେ। ଶ୍ରୀ ଆଶୋକ ପାତ୍ରଙ୍କ ନିର୍ଦ୍ଦେଶନା ରେ ସାଂସ୍କୃତିକ କାର୍ଯ୍ୟକ୍ରମ ରେ ଛାତ୍ର ଛାତ୍ରୀ ମାନେ ନୃତ୍ୟ ପରିବେଷଣ କରିଥିଲେ। ଅଧ୍ୟାପକ ଶ୍ରୀ ଶମ୍ଭୁ ପ୍ରସାଦ ହୋତ୍ତା ଏବଂ ଶ୍ରୀ ଦିଲ୍ଲୀପ କୁମାର ହୋତା ମଞ୍ଚ ପରିଚାଳନା କରିଥିଲେ। ଶେଷରେ ଅଧ୍ୟାପିକା ଶ୍ରୀମତୀ ସଙ୍ଗୀତା ତ୍ରିପାଠୀ କାର୍ଯ୍ୟକ୍ରମ ର ସଫଳତା ପାଇଁ ସମସ୍ତଙ୍କୁ ଧନ୍ୟବାଦ ଦେଇଥିଲେ