29-Dec-2020

ନୟାଗଡ଼:(ପ୍ରଦୀପ କୁମାର ପଣ୍ଡା)- ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଦେଖିବାକୁ ମିଳିଛି ଏକ ଆଶ୍ଚର୍ଯ୍ୟତ୍ମକ ଦୃଶ୍ୟ | ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଏବେ ଉନ୍ନୟନମୂଳକ କାର୍ଯ୍ୟ ଚାଲୁରହିଛି | ଏହି କାର୍ଯ୍ୟରେ ଖଣ୍ଡପଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଚିକିତ୍ସାଧିକାରୀ ଡ଼ଃ ଅଭିସାର ପଣ୍ଡା ନିଜେ କରଣୀ ଧରି ରାଜମିସ୍ତ୍ରୀ ସାଜିଥିବାର ଦୃଶ୍ୟ ବୁଦ୍ଧିଜୀବୀ ମହଲରେ ବେଶ ଚର୍ଚ୍ଚା ର ବିଷୟ ପାଲଟିଛି | କାର୍ଯ୍ୟରତ ରାଜମିସ୍ତ୍ରୀଙ୍କ କାର୍ଯ୍ୟକୁ ଦେଖିବା ପରେ ଡ଼ଃ ପଣ୍ଡା ନିଜେ କରଣୀ ଧରି ଅକ୍ଷର ଗୁଡିକୁ ଅଧିକ ସୌନ୍ଦର୍ଯ୍ୟପୂର୍ଣ୍ଣ କରିବାର ପ୍ରୟାସ କରିଛନ୍ତି | ଶ୍ରୀଯୁକ୍ତ ପଣ୍ଡା ଜଣେ ସାହାଯ୍ୟାତ୍ମକ ମନୋଭାବାପର୍ଣ୍ଣ ଦକ୍ଷ ଡାକ୍ତର ହୋଇଥିବା ବେଳେ ଜଣେ ସୁନ୍ଦର ଆର୍ଟିଷ୍ଟ ହୋଇଥିବା ନେଇ ସାଧାରଣରେ ଚର୍ଚ୍ଚା ହେଉଛି | ଏପରିକି ତାଙ୍କର ଚିକିତ୍ସାରେ ଅଞ୍ଚଳବାସୀ ତାଙ୍କୁ ଭଗବାନ ସଦୃଶ ପୂଜା କରିବା ସହିତ ତାଙ୍କୁ ଆଶୀର୍ବାଦର ବର୍ଷା କରୁଛନ୍ତି | ଖଣ୍ଡପଡା ଅଂଚଳରେ କୌଣସି ସମାଜସେବାତ୍ମକ କାର୍ଯ୍ୟକ୍ରମ ହେଲେ ସେ ସାହାଯ୍ୟର ହାତ ବଢାଇବା ସହିତ ଆଗଧାଡିର ନେତୃତ୍ୱ ନେବାପାଇଁ ରହିଥିବା ମନୋଭାବ ପାଇଁ ସେ ବେଶ ଚର୍ଚ୍ଚିତ |