29-Dec-2020

ବଲାଙ୍ଗୀର, (ସନ୍ତୋଷ କୁମାର ଠାକୁର)-୪୯୦ ବର୍ଷର ସଂଘର୍ଷ ପରେ ପ୍ରଭୁ ଶ୍ରୀ ଜଗନ୍ନାଥଙ୍କ କୃପାରୁ ଶ୍ରୀ ରାମଙ୍କ ଜନ୍ମଭୂମିରେ  ଭଗବାନ ରାମଙ୍କ ବବ୍ୟ ମନ୍ଦିର ନିର୍ମାଣ ହେବାକୁ ଯାଉଛି । ରାଷ୍ଟ୍ରୀୟ ମର୍ଯ୍ୟାଦାର ପ୍ରତୀକ ଏହି ମନ୍ଦିର ୨ଠ୨୪ ମସିହା ଶେଷ ଆଡକୁ ଶେଷ ହୋଇ ଯିବ ଏବଂ ଏହାର ଶିଖର ଉପରେ ଗୈରିକ ପତାକା ଉଡିବାରେ ଲାଗିବ । ଏହି ମନ୍ଦିର ବିଶ୍ୱର ସମସ୍ତ ରାମଭକ୍ତଙ୍କୁ ଜୋଡିବା ପାଇଁ ଏକ ସେତୁ ଭାବରେ କାମ କରିବ ବୋଲି ଆଜି ବଲାଙ୍ଗୀର ସାମ୍ବାଦିକ ଭବନ ଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମତପ୍ରକାଶ ପାଇଛି । ମକର ସଂକ୍ରାନ୍ତି ଠାରୁ ମାଘ ପୂର୍ଣ୍ଣିମା ପର୍ଯ୍ୟନ୍ତ ସଂପୂର୍ଣ୍ଣ ଦେଶକୁ ଜୋଡିବା ପାଇଁ ଏକ ବ୍ୟାପକ ବିଧିର ସମର୍ପଣ ଓ ସଂପର୍କ ଅଭିଯାନ କରାଯିବ ଏବଂ ବଲାଙ୍ଗୀରର ୧୭୬୪ ଗ୍ରାମର ସମସ୍ତ ପରିବାରକୁ ସଂପର୍କ କରାଯିବ ବୋଲି ସାମ୍ବାଦିକ ସମ୍ମିଳନୀରେ ମତପ୍ରକାଶ ପାଇଛି । ଓଡ଼ିଶାର ସନ୍ଥ ମାନଙ୍କର ଏକ ମାଗଦର୍ଶନ ମଣ୍ଡଳ ଗଠନ କରାଯାଇଚି । ବଲାଙ୍ଗୀର ଜିଲ୍ଲାରେ ସ୍ୱାମୀ ଶ୍ରୀ ତେଜୋମୟନନ୍ଦ ସରସ୍ୱତୀଙ୍କ ଅଧ୍ୟକ୍ଷତାରେ ଜିଲ୍ଲାର ସମସ୍ତ ବର୍ଗ ପ୍ରମୁଖଙ୍କୁ ଏହି ସମିତିରେ ନିଆଯାଇଛି । ଏହି ଅଭିଯାନ ବିଶ୍ୱ ଇତହାସରେ ସବୁଠୁ ବଡ ଅଭିଯାନ ହେବ । ଏହାର ପରିଣାମ ସ୍ୱରୂପ ହିନ୍ଦୁତ୍ୱର ଏକ ବଡ ଜୁଆର ଆସିବ । ଏହି ସମ୍ମିଳନୀରେ ବିଶ୍ୱ ହିନ୍ଦୁ ପରିଷଦ, ଓଡ଼ିଶା(ପଶ୍ଚିମ)ର ସଭାପତି ନିଳାଦ୍ରି ବିହାରୀ ଯୋଷୀ,ଜିଲ୍ଲା ସଭାପତି ଗୋବିନ୍ଦ ଚନ୍ଦ୍ର ମି୍‌ର, ଶ୍ରୀରାମ ମନ୍ଦିର ନିଧି ସମର୍ପଣ ସମିତି ଅଧ୍ୟକ୍ଷ ସ୍ୱାମୀ ଶ୍ରୀ ତେଜୋମୟନନ୍ଦ ସରସ୍ୱତୀ, କିଲ୍ଲା ଅଭିଯାନ ପ୍ରମୁଖ ପବିତ୍ର କୁମାର ଦାସ, ସହ ପ୍ରମୁଖ ଦତ୍ତାନନ୍ଦ ପଣ୍ଡା, ବିଧି ପ୍ରମୁଖ  ପ୍ରମୁଖ ଜତୀନ୍ଦ୍ର କୁମାର ପାଠି ପ୍ରମୁଖ ଉପସ୍ଥିତ ଥିଲେ ।