04-Jul-2024

ଭୁବନେଶ୍ବର (ବିଶ୍ୱରଞ୍ଜନ ବିଶ୍ଵାଳଙ୍କ ରିପୋର୍ଟ ): ବଦଳିବ ‘ମୋ ବସ୍‌’ର ନାଁ ! ମୁଖ୍ୟମନ୍ତ୍ରୀଙ୍କ ସହ ଆଲୋଚନା ପରେ ନିଆଯିବ ନିଷ୍ପତ୍ତି ପ୍ରଥମେ ମୋ ବସ୍‌ର ବ୍ୟବସ୍ଥା ବଦଳିବ ତା’ ପରେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ମୋ ବସ୍‌ର ନାମ ଓ ରଙ୍ଗ ବଦଳିବ । ଲୋକଙ୍କ ଦାବି ଅଛି ବସ୍‌ ସେବା ଚାଲୁ ରହୁ ଏବଂ ଅଧିକ ବସ୍‌ ଚାଲୁ। ତେଣୁ ବସ୍‌ ସେବା ଜାରି ରହିବ ଏବଂ ଅଧିକ ବସ୍‌ ଚାଲିବ ।ରାଜଧାନୀରେ ଚାଲୁଥିବା ମୋ ବସର ନାମ ପରିବର୍ତ୍ତନ ହୋଇ ‘ଆମ ବସ୍‌’ ହୋଇପାରେ । ମୁଁ କିମ୍ୱା ‘ମୋ’ରେ କିଛି ହୁଏ ନାହିଁ । ଆମ ସରକାର ଏବଂ ଲୋକଙ୍କ ସରକାର । ତେଣୁ ‘ଆମ ବସ୍‌’ ନାମ ରହିଲେ ଭଲ ହେବ । ଏଭଳି ସୂଚନା ଦେଇଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ।
 ଲକ୍ଷ୍ମୀ ବସ୍‌ର ନାମ ଓ ରଙ୍ଗ ବଦଳିବା ପ୍ରସଙ୍ଗରେ ସେ କହିଛନ୍ତି ପ୍ରଥମେ ମୋ ବସର ବ୍ୟବସ୍ଥା ବଦଳିବ ତା ପରେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରି ମୋ ବସର ନାମ ଓ ରଙ୍ଗ ବଦଳିବ । ଲୋକଙ୍କ ଦାବି ଅଛି ବସ୍‌ ସେବା ଚାଲୁ ରହୁ ଏବଂ ଅଧିକ ବସ୍‌ ଚାଲୁ। ତେଣୁ ବସ୍‌ ସେବା ଜାରି ରହିବ ଏବଂ ଅଧିକ ବସ୍‌ ଚାଲିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୪ ଶହ ବିଦ୍ୟୁତ ଚାଳିତ ବସ୍‌ ଓଡ଼ିଶାକୁ ଦେଉଛନ୍ତି । ଅତିଶୀଘ୍ର ଓଡ଼ିଶାରେ ପହଂଚିବ ବୋଲି ମନ୍ତ୍ରୀ କହିଛନ୍ତି । ଏହି ୪୦୦ ବସ୍‌ ମଧ୍ୟରୁ ଭୁବନେଶ୍ୱର ଓ କଟକରେ ଶହେ ଲେଖାଏଁ ବସ୍‌ ରହିବ ବୋଲି କହିଛନ୍ତି ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ସୂଚନା ଅନୁସାରେ ଆଜି ମାଷ୍ଟରକ୍ୟାଣ୍ଟିନ ଠାରୁ ମୋ ବସରେ ବସି ମନ୍ତ୍ରୀ ପ୍ରେସ୍‌ ଛକ ପର୍ଯ୍ୟନ୍ତ ଆସିଲେ ଏବଂ ଯାତ୍ରୀଙ୍କ ସହ ସୁଖ ଦୁଃଖ ହେଲେ ଏବଂ ଷ୍ଟାଫଙ୍କ ସୁବିଧା ଅସୁବିଧା ମଧ୍ୟ ବୁଝିଥିଲେ।