29-Jun-2024

ଭୁବନେଶ୍ବର(ବିଶ୍ୱରଞ୍ଜନ ବିଶ୍ଵାଳଙ୍କ ରିପୋର୍ଟ): ସରକାର ବଦଳିଛି ୨୪ ବର୍ଷରେ । ଏହା ଲୋକଙ୍କ ଉପରେ ନିର୍ଭର କରେ । କିଏ ସରକାରରେ ରହିବ, କିଏ ବିରୋଧୀ ଦଳରେ ରହିବେ । କିନ୍ତୁ ଜଣେ ବାବୁ ଗୋଟିଏ ପଦରେ ସର୍ବାଧିକ ୩ ବର୍ଷ ରହିପାରିବାର ନିୟମ ରହିଛି । ଆପଣ କିନ୍ତୁ ଜାଣିଲେ ଆଶ୍ଚର୍ଯ୍ୟ ହେବେ ଲୋକସେବା ଭବନରେ ଗୋଟିଏ ବିଭାଗରେ ଦୀର୍ଘ ବର୍ଷ ହେବ ଗୋଟିଏ ପଦରେ ଜଣେ ଜଣେ ରହିଛନ୍ତି । ପୂର୍ବରୁ ଆଇଏଏସ ଅଧିକାରୀଙ୍କ ନାମରେ ଏପରି ଅଭିଯୋଗ ରହିଥିଲା । ଏବେ କିନ୍ତୁ ଅଭିଯୋଗ ଆସିଛି ଓଏଏସ୍ ଅଧିକାରୀଙ୍କ ନାମରେ । ରାଜ୍ୟ ସରକାରଙ୍କ ଗେହ୍ଲା ପୁଅ, ଝିଅ ଭଳି ଏମାନେ ଗୋଟିଏ ପଦରେ ରହିଛନ୍ତି । ଏବେ ଆମେ ଆପଣଙ୍କ ସାମ୍ନାରେ ଗୋଟିଏ ଗୋଟିଏ ତଥ୍ୟ ରଖୁଛୁ ।

ପୂର୍ବତନ ଯାଜପୁର ସାଂସଦ ଶର୍ମିଷ୍ଠା ସେଠୀଙ୍କ ସ୍ୱାମୀ

୨୦୧୬ରୁ ସାଧାରଣ ପ୍ରଶାସନ ବିଭାଗରେ ଦାୟିତ୍ୱ ମିଳିଛି, ଅନୌପଚାରିକତା ଭାବରେ ମୁଖ୍ୟମନ୍ତ୍ରୀଙ୍କ ଅଫିସରେ କାମ କରି ଆସୁଥିଲେ ।ଏବେ ଓଏସଡି ଭାବରେ ସାଧାରଣ ପ୍ରଶାସନ ବିଭାଗର ଦାୟିତ୍ୱରେ

ନିବେଦିତା ପୃଷ୍ଟି:ଗୃହ ବିଭାଗରେ ୨୦୧୮ରୁ ଅଛନ୍ତି

ଗୋଟିଏ ପଦରେ ଯୁଗ୍ମ ସଚିବରୁ ସ୍ୱତନ୍ତ୍ର ସଚିବ ପଦୋନ୍ନତି ହେଇଛି ହେଲେ ପଦବୀ ପରିବର୍ତ୍ତନ ହେଉନି

ସୁମିତ୍ରା ସେନାପତି:

ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗରେ ୭ ବର୍ଷ ହେଲା ନିୟୋଜିତ

ଶୁଭାନନ୍ଦ ମହାପାତ୍ର:

ବିଗତ ୧୦ ବର୍ଷ ହେବ ସ୍ୱାସ୍ଥ୍ୟ ବିଭାଗରେ ଡାକ୍ତରଙ୍କ ପୋଷ୍ଟିଂର ତଦାରଖ କରନ୍ତି

ବବିତା ମହାନ୍ତି:

ଗ୍ରାମ୍ୟ ଉନ୍ନୟନ ବିଭାଗର ଅତିରିକ୍ତ ସଚି, ବବିଗତ ୭ ବର୍ଷ ହେବ ଗୋଟିଏ ବିଭାଗରେ ଅଛନ୍ତି

ସ୍ୱୟଂପ୍ରଭା ମହାନ୍ତି:

ପଂଚାୟତରାଜ ବିଭାଗର ବିଗତ ୧୦ ବର୍ଷ ହେବ ରହିଛନ୍ତି

କୂଳମଣି ମିଶ୍ର:

୨୦୧୩ରୁ ଏପର୍ଯ୍ୟନ୍ତ ଅର୍ଥାତ୍ ୧୧ ବର୍ଷ ହେବ ପଂଚାୟତରାଜ ବିଭାଗରେ ରହିଛନ୍ତି

ଶାନ୍ତନୁ କୁମାର ସାହୁ:

୨୦୧୬ରୁ ଅର୍ଥ ବିଭାଗରେ ରହିଛନ୍ତି

ସାରଦା ପଣ୍ଡା:

ଗୃହ ଏବଂ ନଗର ଉନ୍ନୟନ ବିଭାଗରେ ୮ ବର୍ଷ ହେଲା ଗୋଟିଏ ବିଭାଗରେ

ଆଦିତ୍ୟ କୁମାର ମହାପାତ୍ର:

୨୦୧୯ରୁ ମୁଖ୍ୟମନ୍ତ୍ରୀଙ୍କ ବାସଭବନ (ନବୀନ ନିବାସ)ରେ କାର୍ଯ୍ୟରତ ଓଏଏସ୍