30-May-2024

ବଲାଙ୍ଗିର(ଦେବାଶିଷ ବହିଦାର): ଚଳିତ ଏକକାଳୀନ ସାଧାରଣ ନିର୍ବାଚନରେ ସମସ୍ତ ଆଶାୟୀ ଲୋକସଭା ଓ ବିଧାନସଭା ପ୍ରାର୍ଥୀଙ୍କ ପାଇଁ ଭୋଟଗ୍ରହଣ ୨୦ ମଇରେ ହୋଇଥିବା ବେଳେ ଆସନ୍ତା ଜୁନ ୪ ରେ ହେବାକୁ ଥିବା ଭୋଟଗଣତି ପାଇଁ ଜିଲ୍ଲା ନିର୍ବାଚନ କାର୍ଯ୍ୟାଳୟ ତରଫରୁ ଅଧିକାରୀଙ୍କ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।ବଲାଙ୍ଗୀର ସହର ସ୍ଥିତ ସରକାରୀ ମହିଳା ମହାବିଦ୍ୟାଳୟରେ ସମସ୍ତ ଭୋଟ ଗଣତି କେନ୍ଦ୍ର ପାଇଁ ଏହି ତାଲିମ ଶିବିର ଅନୁଷ୍ଠିତ ହୋଇଛି । ଉଭୟ ଲୋକସଭା ଓ ବିଧାନସଭା ଭୋଟ ଗଣନା ନିମନ୍ତେ ଅଣୁପର୍ଯ୍ୟବେକ୍ଷକ, କାଉଣ୍ଟିଂ ସୁପରଭାଇଜର ଏବଂ ଆସିଷ୍ଟାଣ୍ଟ ମାନଙ୍କୁ ନେଇ କାଉଣ୍ଟିଂ ଦଳ ଗୁଡିକୁ ଗଠନ ହୋଇଛି l ଭୋଟ୍ ଗଣନା ସହ 

ଇଭିଏମ,ଭିଭିପାଟ, ଭୋଟର ସ୍ଲିପ୍ ଏବଂ ବ୍ୟବହାର ହୋଇନଥିବା ପୋଷ୍ଟାଲ ବାଲାଟ ଗୁଡିକୁ ସିଲ କରିବା ପ୍ରଣାଳୀ ବାବଦରେ ତାଲିମ ଦିଆଯିବ। ସମସ୍ତ ରିଟର୍ଣ୍ଣିଙ୍ଗ ଅଧିକାରୀ ଦ୍ୱାରା କାଉଣ୍ଟିଂ ଦଳଗୁଡିକୁ ୨ ପର୍ଯ୍ୟାୟରେ ୨ ଦିନ ତାଲିମ ଦେବେ। ଏହି ତାଲିମ ୧୧ ଜଣ ମାଷ୍ଟର ଟ୍ରେନର ଙ୍କ ଦ୍ଵାରା ୧୧ ଟି କକ୍ଷରେ ଜିଲ୍ଲାର ବିଭିନ୍ନ ପଦାଧିକାରୀଙ୍କ ଦ୍ଵାରା ତାଲିମ ଦିଆ ଯାଉଛି । ପ୍ରଥମେ ପୋଷ୍ଟାଲ ବାଲାଟ ଗୁଡିକର ଗଣତି ହେବ । ପରେ ଇଭିଏମ ରେ ଭୋଟ ଗଣନା କରାଯିବ । ଶେଷରେ ଭିଭିପାଟ ଚିରକୁଟ ଗୁଡିକ ଗଣନା ହେବ । ଏହି ପ୍ରକ୍ରିୟାରେ ପ୍ରାର୍ଥୀଙ୍କ ଏଜେଣ୍ଟ , ଅଣୁପର୍ଯ୍ୟବେକ୍ଷକ, କାଉଣ୍ଟିଂସୁପରଭାଇଜର ଏବଂ ସହାୟକ ଉପସ୍ଥିତି ରହିବେ । ନିର୍ବାଚନ ଅଧିକାରୀଙ୍କ ଦ୍ଵାରା ନିଯୁକ୍ତ ଇଞ୍ଜିନିୟରମାନେ ମଧ୍ୟ ଗଣନାସ୍ଥଳରେ ରହିବେ । ଡେମୋ ତଥା ସଚେତନତା ଇଭିଏମ,ଭିଭିପାଟ ଦ୍ଵାରା ଶୃଙ୍ଖଳିତ ଗଣନା ପାଇଁ ତାଲିମ ଶିବିରରେ 

ସମସ୍ତ ଗଣନା କେନ୍ଦ୍ର ପାଇଁ ନିୟୋଜିତ ଅଧିକାରୀମାନେ ଉପସ୍ଥିତ ଥିଲେ। ପୋଷ୍ଟାଲ ବାଲାଟ ଗଣନା ଦଳରେ ପ୍ରତ୍ୟେକ ଟେବୁଲରେ ଜଣେ ଏଆରଓ , ଜଣେ ଅଣୁପର୍ଯ୍ୟବେକ୍ଷକ, ଜଣେ କାଉଣ୍ଟିଂ ସୁପରଭାଇଜର ଏବଂ ଦୁଇ ଜଣ ଆସିଷ୍ଟାଣ୍ଟ ଏବଂ ଇଭିଏମ ଗଣନାରେ ଜଣେ ଅଣୁପର୍ଯ୍ୟବେକ୍ଷକ, ଜଣେ କାଉଣ୍ଟିଂ ସୁପରଭାଇଜର ଏବଂ ଜଣେ ଆସିଷ୍ଟାଣ୍ଟ ଏବଂ ଜଣେ ଚତୁର୍ଥ ଶ୍ରେଣୀ କର୍ମଚାରୀ ରହିବେ । ସମସ୍ତ ଗଣନା କେନ୍ଦ୍ରରେ ସମୁଦାୟ ୧୩୨ ଟି ଟେବୁଲରେ ଏବଂ ପୋଷ୍ଟାଲ ବାଲାଟ ପାଇଁ ୩୩ ଟି ଟେବୁଲରେ ଭୋଟଗଣତି ହେବ । ଏଠି ନିମନ୍ତେ ୨୦୩ ଜଣ ଅଣୁପର୍ଯ୍ୟବେକ୍ଷକ, ୨୦୩ ଜଣ କାଉଣ୍ଟିଂ ସୁପରଭାଇଜର, ୧୬୧ ଜଣ କାଉଣ୍ଟିଂ ଆସିଷ୍ଟାଣ୍ଟ ଏବଂ ପୋଷ୍ଟାଲ ବାଲାଟ ଗଣତି ପାଇଁ ୮୪ ଜଣ ସମୁଦାୟ ୬୫୧ ଜଣ ନିଯୁକ୍ତ ହୋଇଛନ୍ତି ।