30-May-2024

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଲୋଇସିଂହା ସରସ୍ବତୀ ଶିଶୁ ବିଦ୍ୟା ମନ୍ଦିର ର ଛାତ୍ରୀ ଚଳିତ ମାଟ୍ରିକ ପରୀକ୍ଷା ରେ ୫୫୧ମାର୍କ ରଖି ବିଦ୍ୟାଳୟ ପାଇଁ ଗୌରବ ତଥା ଇତିହାସ ରଚଛନ୍ତି l ଚଳିତ ବର୍ଷ ବିଦ୍ୟାଳୟର ସର୍ବମୋଟ ୪୦ଜଣ ଛାତ୍ରଛାତ୍ରୀ ମାଟ୍ରିକ ପରୀକ୍ଷା ଦେଇଥିଲେ l ଏହା ମଧ୍ୟ୍ୟରେ ଏ ୧ ଗ୍ରେଡ଼ ରେ ୩ ଜଣ, ଏ ୨ ଗ୍ରେଡ଼ ରେ ଜଣେ, ବି୧ ଗ୍ରେଡ଼ ରେ ୮ ଜଣ,ବି୨ ଗ୍ରେଡ଼ରେ ୧୦ ଜଣ, ସି ଗ୍ରେଡ଼ରେ ୦୬ ଜଣ, ଡ଼ି ଗ୍ରେଡ଼ରେ ୧୧ ଜଣ ଓ ଇ ଗ୍ରେଡ଼ରେ ଜଣେ ପିଲା ପାସ କରିଛନ୍ତି l ଚଳିତ ବର୍ଷ ବିଦ୍ୟାଳୟର ପାସ ହାର ୧୦୦% ରହିଛି |ପ୍ରତୀକ୍ଷା ରାଣୀ ପଧାନ ୬୦୦ମାର୍କରୁ ୫୫୧ ମାର୍କ ରଖି ଏ୧ଗ୍ରେଡ଼ରେ ପାସ କରିଛନ୍ତି l ପ୍ରତୀକ୍ଷା ଙ୍କ ଜନ୍ମ ଏକ ମଧ୍ୟବିତ୍ତ ପରିବାରରେ ହୋଇଥିବା ବେଲେ ବାପା ପ୍ରଦୀପ କୁମାର ପଧାନ ବଡ଼ଟିକା ହାଇସ୍କୁଲ ର ବିଜ୍ଞାନ ଶିକ୍ଷକ  ଅଛନ୍ତି ଓ ମା ସଂଗୀତା ପଧାନ ଜଣେ ଗୃହିଣୀ ଅଟନ୍ତି l ପ୍ରତୀକ୍ଷା ଙ୍କ ଏହି ସଫଳତାରେ ତାଙ୍କ ବାପା ମା, ଶିକ୍ଷକ ଶିକ୍ଷୟିତ୍ରୀ ଓ ସହପାଠୀ ସମସ୍ତେ ଶୁଭେଚ୍ଛା ଜଣେଇବା ସହ ପ୍ରତୀକ୍ଷା ଙ୍କ ଉଜ୍ଜଳ ଭବିଷ୍ୟତ କାମନା କରିଛନ୍ତି l ପ୍ରତୀକ୍ଷା ନିଜ ସଫଳତାର ଶ୍ରେୟ ନିଜ ପିତାମାତା ଓ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ଦେଇଛନ୍ତି l ସେହିପରି ଲୋଇସିଂହା ସରସ୍ବତୀ ଶିଶୁ ବିଦ୍ୟା ମନ୍ଦିର ର ଆଉ ଜଣେ ଛାତ୍ରୀ ତୁଳସା କିଷାନ ୫୫୦ ମାର୍କ ରଖି ବ୍ଲକ ରେ ଦ୍ଵିତୀୟ ସ୍ଥାନ ଅଧିକାର କରିଥିବା ବେଳେ  ସିମରନ ସାହୁ ୫୪୨ ମାର୍କ ରଖି ଏ୧ ଗ୍ରେଡ଼ ରେ ପାସ ରଖିଛନ୍ତି l ଯାହାକି ଲୋଇସିଂହା ବ୍ଲକ ପାଇଁ ଗୌରବ ର ବିଷୟ l