29-May-2024

ସିନ୍ଧେକେଲା(ଦୀନେଶ ଜୈନ): ବଲାଙ୍ଗିର ଜିଲ୍ଲା କଣ୍ଟାବାଞ୍ଜି ନିର୍ବାଚନ ମଣ୍ଡଳୀରେ ଭୋଟ ଗ୍ରହଣ ଶେଷ ହେବାକୁ ସପ୍ତାହରୁ ଅଧିକ ଦିନ ବିତି ଯାଇଥିଲେ ମଧ୍ୟ ଉକ୍ତ ନିର୍ବାଚନ ମଣ୍ଡଳୀ ଅନ୍ତର୍ଗତ ସିନ୍ଧେକେଲା ଅଞ୍ଚଳର ସବୁଆଡେ ଚାଲିଛି ହାରଜିତ ର ହିସାବ କିତାବ । ସବୁ ସ୍ଥାନରେ ଗୋଟିଏ ଚର୍ଚ୍ଚା କିଏ ଜିତିବ କିଏ କେତେ ଭୋଟ ପାଇବ କିଏ କେଉଁ ସ୍ଥାନରେ ରହିବ । କାହା ମୁଣ୍ଡରେ ହାତୀ ସୁନା କଲସ ଢାଳିବ । ନେତା ଓ କର୍ମୀଙ୍କ ତ ଦୂରର କଥା ସାଧାରଣ ଲୋକେ ମଧ୍ୟ ବିଭିନ୍ନ ସ୍ଥାନରେ ଅଙ୍କକଷା ଦେଖିବାକୁ ମିଳୁଛି । ରାଜନୀତି ସହ କୌଣସି ସମ୍ପର୍କ ନଥିବା ତଥା ଭୋଟର ମଧ୍ୟ ନ ହୋଇଥିବା ସାଧାରଣ ଲୋକେ ଆଗ୍ରହ ସହକାରେ ନିର୍ବାଚନ ଫଳାଫଳ କଣ ହେବ ତାକୁ ପାନ ଦୋକାନ , ଚା ଦୋକାନ ହୋଟେଲ ତଥା ବିଭିନ୍ନ ସ୍ଥାନରେ ଗଣନା କରୁଛନ୍ତି । ସେହିପରି ନେତା ଓ କର୍ମୀମାନେ ବୁଥ ୱାଇଜ ସମୀକ୍ଷା କରିବାରେ ଲାଗିଛନ୍ତି । ଯେଉଁ ଦଳର ନେତା ଓ କର୍ମୀଙ୍କୁ ପଚାରିଲେ ତାଙ୍କ ଦଳ ବହୁ ଭୋଟରେ ବିଜୟୀ ହେବେ ବୋଲି କହୁଛନ୍ତି । ଗତ କିଛିଦିନ ତଳେ

ସିନ୍ଧେକେଲା ଅଞ୍ଚଳ ଚାର୍ଜ ରେ ଥିବା ବିଜେଡି ବରିଷ୍ଠ ନେତା ଅଜୟ ଦାସ ସିନ୍ଧେକେଲା ପହଞ୍ଚି ଦଳୀୟ ନେତା ଓ କର୍ମୀଙ୍କ ସହ ସମୀକ୍ଷା ବୈଠକ କରିଥିଲେ । ସେଥିରେ ମଧ୍ୟ ତାଙ୍କ ଦଳର ବିଧାୟକ ଖୋଦ ନବୀନ ପଟ୍ଟନାୟକ ରହିଥିବାରୁ ବିଜୟ ସୁନିଶ୍ଚିତ ବୋଲି ଆଶା ବାନ୍ଧିଥିଲେ । ବୈଠକରେ ଅନ୍ୟମାନଙ୍କ ମଧ୍ୟରେ ବିଜେଡି ଜିଲ୍ଲା ଉପ ସଭାପତି ଉମାକାନ୍ତ ସାହୁ, ପୂର୍ବତନ ଜିଲ୍ଲା ପରିଷଦ ସଦସ୍ୟ ସନ୍ତୋଷ ନାଏକ,  ବରିଷ୍ଠ ନେତା ମୁନିରାମ ଜୈନ , ରୂପେଶ ବେହେରା, ବାବୁଲାଲ ଅଦା, ବଙ୍ଗୋମୁଣ୍ଡା ବ୍ଲକ ଅଧ୍ୟକ୍ଷ ପ୍ରତିନିଧି ତଥା ସିନ୍ଧେକେଲା ସମିତି ସଭ୍ୟ ଭୋଳାନାଥ ବେହେରା , ପୂର୍ବତନ ସମିତି ସଭ୍ୟ ବିସମ୍ବର ସାହୁ, ବୁଲୁ ସିଂଦେଓ , ଫୁଲଚନ୍ଦ ଜୈନ, ବିରଞ୍ଚି ଜାଳ , ଯୁବ ବିଜେଡି ବ୍ଲକ ସଭାପତି ଭକ୍ତବନ୍ଧୁ ବେହେରା, ଫକୀର ତ୍ରିପାଠୀ , ପବିତ୍ର ରଣା, ଭିକାରୀ ବେହେରା, ସୁଶାନ୍ତ ଥନାପତି, ଝରିଆଲ ପୂର୍ବତନ ସରପଞ୍ଚ ଗୋପୀନାଥ ସାହୁ, ରମେଶ ସାହୁ , ଭଗବାନ ଜୈନ, ଅଖିଳ ପଣ୍ଡା ପ୍ରମୁଖଙ୍କ ସହ ଶତାଧିକ କର୍ମୀ ସାମିଲ ହୋଇଥିଲେ ।