28-May-2024

ଟିଟିଲାଗଡ(ପ୍ରେରଣା ଖବର ): ଟିଟିଲାଗଡ ସହରରେ ଗତ ଶନିବାର ଦିନ ଭୋର ୪ ଟା ରେ ଘଟିଥିବା ଅଗ୍ନିକାଣ୍ଡ ଘଟଣାରେ ପୁଲିସ ସୋମବାର ଜଣେ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଆହୁତ ସାମ୍ବାଦିକ ସମ୍ମିଳନୀ ପୁଲିସ ସୂଚନା ଦେଇଛି।ସୂଚନା ଅନୁଯାୟୀ ଗତ ୨୫ ତାରିଖ ଭୋର ୪ ଟା ରେ କେହି ଦୁର୍ବୃତ୍ତ ଓଭାର ବ୍ରିଜ ତଳେ ଥିବା ଦୋକାନ ଗୁଡିକରେ ନିଆଁ ଲଗାଇ ଦେଇ। ଏ ନେଇ ବ୍ୟବସାୟୀ ଅବଦୁଲ ୱାହିଦ୍ ଥାନାରେ ଲିଖିତ ଅଭିଯୋଗ କରିଥିଲେ।ଅଭିଯୋଗ କୁ ଭିତ୍ତିକରି ପୁଲିସ ତଦନ୍ତ କୁ ବ୍ୟାପକ କରିଥିଲା।ପୁଲିସ ତଦନ୍ତରେ ଜାଣିବାକୁ ପାଇଥିଲା ଯେ ଉକ୍ତ ଦିନ ରାଜେଶ କୁମାର ଓ ସାଥୀ ମନୋଜ କୁମାର ଏହି ରାସ୍ତା ଦେଇ ରେଳ ଷ୍ଟେସନ କୁ ଯାଇ ଫେରୁଥିବା ବେଳେ ରାଜେଶ କୁମାର ବିଡି ଟାଣି ଉକ୍ତ ରାସ୍ତାଦେଇ ଯାଇଥିଲା।ବିଡି ଟାଣି ଦୋକାନ ଉପରକୁ ଦୋକାନ ଉପରକୁ ଜଳନ୍ତା ମାଚିସ ଫିଙ୍ଗି ଦେଇଥିଲା।ଫଳରେ ସେଠାରେ ଥିବା ୩୬ ଗୋଟି ଦୋକାନ ପର୍ଯ୍ୟାୟ କ୍ରମେ ନିଆଁରେ ପୋଡ଼ି ୨୦ ଲକ୍ଷ ରୁ ଅଧିକ ଟଙ୍କା ର ସାମଗ୍ରୀ ପାଉଁଶ ହୋଇଯାଇଥିଲା।ପୁଲିସ ଗିରଫ କରି ଜେରା କରିବା ସମୟରେ ଅଭିଯୁକ୍ତ ନିଜ ଅପରାଧ ସ୍ବୀକାର କରିଥିଲା।ଆହୁତ ସାମ୍ବାଦିକ ସମ୍ମିଳନୀ ରେ ଏସଡିପିଓ ଅଙ୍କିତା କୁମ୍ଭାର ଓ ଥାନାଧିକାରୀ ଅବନୀ ସାହୁ ସୂଚନା ଦେଇଛନ୍ତି।