25-May-2024

ସାଲେଭଟା(ପ୍ରେରଣା ଖବର):ବଲାଙ୍ଗିର ଜିଲ୍ଲା ଆଗଲପୁର (ଡୁଡୁକା) ପଟୁଆପାଲି ଗ୍ରାମର ଶିକ୍ଷକ ଶୁଶିଳକୁମାର ଆଚାର୍ଯ୍ୟ ନିର୍ବାଚନ ଡିୟୁଟିରେ ଥିବା ସମୟରେ ଅକାଳ ମୃତ୍ୟୁ ଯୋଗୁଁ କ୍ଳଷ୍ଟର ସ୍ତରୀୟ ଶୋକ ସଭା ଅନୁଷ୍ଠିତ ହୋଇଛି । କୁଟାସିଂହା କ୍ଳଷ୍ଟର ସିଆରସିସି ନିରଞ୍ଜନ ପଧାନଙ୍କ ସଭାପତିତ୍ୱରେ ପଟୁଆପାଲି ଗ୍ରାମରେ ଥିବା ସରକାରୀ ପ୍ରଥମିକ ବିଦ୍ୟାଳୟ ଠାରେ ଏକ ଶୋକ ସଭା ଅନୁଷ୍ଠିତ ହୋଇଥିଲା । ଏଥିରେ ପଟୁଆପାଲ ଗ୍ରା.ପ ସରପଂଚ ରବିଚନ୍ଦ୍ର ବସ୍ତିଆ,ହାଇସ୍କୁର ପ୍ରଧାନ ଶିକ୍ଷକ ପ୍ରଶାନ୍ତ କୁମାର ପଧାନ, ଅବସରପ୍ରାପ୍ତ ଶିକ୍ଷକ ମହେନ୍ଦ୍ର କାଲସାଏ, ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ରାମଚନ୍ଦ୍ର ବାଗ ସମେତ କୁଟାସିଂହା କ୍ଳଷ୍ଟର ଅନ୍ୟ ସମସ୍ତ ଶିକ୍ଷକ ବୃନ୍ଦ ଯୋଗଦାନ କରିଥିଲେ । ସ୍ୱର୍ଗତ ଆଚାର୍ଯ୍ୟଙ୍କ ଆତ୍ମାର ସତ୍‌ଗତି ପାଇଁ ନିରବ ପ୍ରାର୍ଥନା କରାଯାଇଥିଲା । ଏଥିରେ ଉପସ୍ଥିତ ଶିକ୍ଷକ ମାନେ ମୃତ୍ୟୁବରଣ କରିଥିବା ଶିକ୍ଷକଙ୍କ ସୃୃତିଚାରଣ କରିଥିଲେ । ସରକାରଙ୍କ ତରଫରୁ ପରିବାର ବର୍ଗଙ୍କୁ ସମସ୍ତ ସୁବିଧା ସୁଯୋଗ ତୁରନ୍ତ ଯୋଗାଇଦେବାପାଇଁ ଦାବି କରାଯାଇଥିଲା । ଏସଂପର୍କରେ ରାଜ୍ୟପାଲଙ୍କ ଉଦେଶ୍ୟରେ ଆଗଲପୁର ଶିକ୍ଷାଅଧିକାରୀଙ୍କ ଜରୀଆରେ ଏକ ଦାବିପତ୍ର ପ୍ରଦାନ କରିବାକୁ ସ୍ଥିରିକୃତ ହୋଇଛି । ଏଠାରେ ସୁଚନା ଯୋଗ୍ୟଯେ ଟିଟିଲାଗଡରେ ମୃତ୍ୟୁବରଣ କରିଥିବା ଶ୍ରୀଯୁକ୍ତ ଆଚାର୍ଯ୍ୟ ବକଟୀ ଗ୍ରାମର ବାସିନ୍ଦା ଅଟନ୍ତି । ପଟୁଆପାଲି ପ୍ରାଥମିକ ବିଦ୍ୟାଳୟ ରେ ସହକାରୀ ଶିକ୍ଷକ ଭାବରେ କାର୍ଯ୍ୟକରିଆସୁଥିବା ବେଳେ କି଼ିଛିବର୍ଷ ହେଲା ଲୋଇସିଂହାରେ ରହି ଆସୁଥିଲେ ।