16-May-2024

ତରଭା(କପିଳାସ ସେଠ )ବଲାଙ୍ଗୀର ଲୋକସଭା ଓ ସୋନପୁର ବିଧାନସଭା ନିର୍ବାଚନମଣ୍ଡଳୀ ର ତରଭା ବ୍ଲକ ରେ ବିଭିନ୍ନ ଦଳୀୟ ପ୍ରାଥୀଙ୍କ ନିର୍ବାଚନୀ ସଭା, ପ୍ରଚାର ଜୋରଦାର ହେଉଛି I ପ୍ରାଥୀ ଗାଁ ଗାଁ ବୁଲି ଭୋଟ ଭିକ୍ଷା କରି ନିଜ ସପକ୍ଷ ସମର୍ଥନ ଜୁଟାଇବା ଲାଗି ପଡିଛନ୍ତି  I ପୋଷ୍ଟର ବେନରରେ ଭରପୁର ରହିଥିବା ବେଳେ ପ୍ରଶାସନ ଖୋଲିବାରେ ଲାଗି ପଡିଛି I ସୋନପୁର ନିର୍ବାଚନ ମଣ୍ଡଳୀର ବିଜୁ ଜନତା ଦଳ ବିଧାନସଭା ବିଧାୟକ ପ୍ରାଥୀ ତଥା ମନ୍ତ୍ରୀ ନିରଞ୍ଜନ ପୂଜାରୀ ସୋମବାର ସନ୍ଧ୍ୟାରେ  ହଜାରଧିକ ମହିଳା ଓ ଅଞ୍ଚଳ ର ତୁଙ୍ଗ ନେତା, କର୍ମି, ସ୍ଥାନୀୟ ନିର୍ବାଚିତ ଲୋକ ପ୍ରତିନିଧି ମାନଙ୍କୁ ନେଇ ତରଭା ସହର ର ଉଭୟ  ମୁଖ୍ୟ ରାସ୍ତାରେ ରୋଡ଼ଶୋ  (ଶୋଭାଯାତ୍ରା ) ମାଧ୍ୟମରେ ଲୋକଙ୍କୁ ଭୋଟ ଭିକ୍ଷା କରିଥିଲେ I  ଶଙ୍ଖ ଚିନ୍ହା ଜିନ୍ଦାବାଦ ଧ୍ୱନିରେ ସହର ପ୍ରକମ୍ପିତ ହୋଇ ପଡିଥିଲା  I ସହର ର ମୁଖ୍ୟ ରାସ୍ତା ରେ ଥିବା ବିଭିନ୍ନ ଛକ ମାନଙ୍କୁ ମନ୍ତ୍ରୀ ଙ୍କୁ ଅଞ୍ଚଳ ଓ ପଡା ବାସି ସ୍ୱାଗତ କରିଥିଲେ I ଏହି ଶୋଭାଯାତ୍ରା ସମୟରେ ରାଜ୍ୟ ସରକାର ଙ୍କ ପକ୍ଷରୁ ତରଭା ସହରର 12ଗୋଟି ୱାର୍ଡ ତଥା  ବିଭିନ୍ନ ସ୍ଥାନରେ କାର୍ଯ୍ୟ କ୍ଷମ କରାଯାଇଥିବା ଓ ନିର୍ମାଣ ଧୀନଥିବା 34 ଗୋଟି ବିଭିନ୍ନ ଉନ୍ନୟନ କାର୍ଯ୍ୟ ର ପ୍ରଚାର ପତ୍ର ସହର ବାସି ଙ୍କୁ ବଣ୍ଟନ କରାଯାଉ ଥିବାର ଦେଖା ଯାଇଥିଲା  I ଏହି ଶୋଭାଯାତ୍ରା ସହର ରେ ଥିବା ପେଟ୍ରୋଲ ପମ୍ପ ନିକଟରୁ ବାହାରି ନୁଆଁ ପଡା ଛକ, ରଥଛକ, ମେହେର ପଡା, ସୁନାରି ପଡା, ମାରୱାଡିପଡା, ଥାନା, ଦୂର୍ଗା ମଣ୍ଡପ ଛକ, ଦେଇ ନୁଆଁ ପଡା ମୁଖ୍ୟ ରାସ୍ତା ଦେଇ ମନ୍ତ୍ରୀ ନିରଞ୍ଜନ ଙ୍କ ଶୋଭାଯାତ୍ରା ହୋଇ ଥିଲା I  ଏହି ଶୋଭାଯାତ୍ରା ସମୟରେ ଜିଲ୍ଲା ବିଜୁଜନତା ଦଳ ସଭାପତି ତଥା ବ୍ଲକ ଚେୟାରମ୍ୟାନ ସରୋଜ କମ୍ପ, ପୁର୍ବତନବ୍ଲକ ଚେୟାରମ୍ୟାନ ଶତ୍ରୁଘନ ପୃଷ୍ଟି,, ପୂର୍ଵତନ ନଗରପାଳ ଶୈଳେନ୍ଦ୍ର ସାହୁ, ଙ୍କଉପ ନଗର ପାଳ ଗଗନ ଅଗ୍ରୱାଲ, କାଉନସିଲର ଆକବର ଅଲ୍ଲୀ, ସନ୍ତୋଷ ମେହେର, ସୁଜାତା ରଥଙ୍କ ସହ ସମସ୍ତ କାଉନସିଲର ଓ ସୁବାସ ସେଠୀ, ମଧୁ ସୁଦନ ପାଣ୍ଡେ, ଦୂର୍ଗା ସଡ଼ଙ୍ଗି, ସତ୍ୟ ନାରାୟଣ ପୂଜାରୀ,ସୂର୍ଯ୍ୟ ନାରାୟଣ ସାହୁ, ଜନାର୍ଦ୍ଦନ ଥାନାପତି, ସୁରେନ୍ଦ୍ର ଦଳବେହେରା, ଙ୍କ ସମେତ ହଜାରଧିକ  ନେତା ଓ କର୍ମି ସାମିଲ ଥିଲେ I 

ସେହିପରି ଗତ ରବିବାର ଦିନ ସୋନପୁର ବିଧାନସଭା ନିର୍ବାଚନ ମଣ୍ଡଳୀ ର ସ୍ୱାଧୀନ ବିଧାୟକ ପ୍ରାଥୀ ସୋନାଲି ବିଶି ନିଜ ସହଯୋଗୀ ମାନଙ୍କୁ ନେଇ ତରଭା ରେ ରୋଡ଼ ଶୋ କରିଥିଲେ I