11-May-2024

(ମନୋରଞ୍ଜନ ତ୍ରିପାଠୀ )
ସୋନପୁର- ସମ୍ବଲପୁର ରାଜ୍ୟ ରାଜପଥର ଉଲୁଣ୍ଡା ନିକଟସ୍ଥ ଡୁଡୁପାଲି ଠାରେ ଦୁଇଟି ଘରୋଇ ବସ ମଧ୍ୟରେ ମୁହାଁମୁହି ଧକ୍କା ହୋଇଥିଲା। ସମ୍ବଲପୁର ପଟୁ ଆସୁଥିବା ଚକାଡୋଳା ବସ ଓ ସୋନପୁର ପଟରୁ ସମ୍ବଲପୁର ଯାଉଥିବା କରିଶ୍ମା (ପତି) ନାମକ ବସ ମୁହାମୁହିଁ ଧକ୍କା ହେବା ଫଳରେ ଚକାଡୋଳା ବସ ଚାଳକଙ୍କ ମୃତ୍ୟୁ ଘଟିଛି ଓ କରିସ୍ମା ବସ ର ପ୍ରାୟ ୨୫ ଜଣ ଯାତ୍ରୀ ଆହତ ହୋଇଛନ୍ତି। ମୃତ ଚାଳକ ପ୍ରଦୀପ (୫୩)ଙ୍କ ଘର ସମ୍ବଲପୁର ମୁଦିପଡା ବୋଲି ସୂଚନା ମିଳିଛି। ତେବେ  ଆହତ ମାନଙ୍କୁ ସୋନପୁର ସଦର ଡାକ୍ତରଖାନା ଓ ଗୁରୁତର ଙ୍କୁ ବୁର୍ଲା ଭୀମସାରକୁ ସ୍ଥାନାନ୍ତର କରା ଯାଇଥିଲା। ସୂଚନା ଅନୁସାରେ କଳାହାଣ୍ଡି ଜିଲ୍ଲାର ନିର୍ବାଚନ କାର୍ଯ୍ୟ ପାଇଁ ସନ୍ଧ୍ୟାରେ ଚକାଡୋଳା ବସ ନେଇ ଚାଳକ ପ୍ରଦୀପ ସୋନପୁର- ବଲାଙ୍ଗୀର ସଡ଼କ ମାର୍ଗରେ କଳାହାଣ୍ଡିର ଧର୍ମଗଡକୁ ଯାଉଥିଲେ।ଚକାଡୋଳା ବସର ଡ୍ରାଇଭର ଘଟଣା ସ୍ଥଳରେ ଚାପି ହୋଇ ମୃତ୍ୟୁ ବରଣ କରିଥିବା ବେଳେ ଆହତ ମାନେ ହେଲେ ସମ୍ବଲପୁର ର ଉମେଶ ଦାସ(୩୫) , ମାନସିଂ ନାୟକ(୪୦) , ଅତାବିରା ର ଅମିତ ବାଗ(୩୭), ଉଲୁଣ୍ଡା ଲସତଲା ର ଇନ୍ଦ୍ର ହରିପାଳ, କଲିକତା ର ମିଳନ ସେକ(୨୦), ମନମୁଣ୍ଡା ଗୁହିପିଟା ର ଆଶୁତୋଷ ବେହେରା(୨୧), ବରଗଡ଼ ର ବେଦମତି ବେହେରା(୬୦), ଅନଗୁଳ ର ରଜନୀ ବେହେରା, ଉଲୁଣ୍ଡା ର କର୍ପୁର ଖେତୀ (୬୦), ଡ଼ାଲଡ଼ବା ର କୁମାରୀ ଭଇନ, କେଶବ ବେହେରା, ଚନ୍ଦ୍ର ବେହେରା, ସୋନପୁର ମଝିପଡା ର ପଦ୍ମିନୀ ଦାସ, ରେଙ୍ଗାଲି ର ଗୋବିନ୍ଦ ଦାସ ଏବଂ ମନମୁଣ୍ଡା ଭାଳିଆପଦର ର ସୁମନ୍ତ ଖଣ୍ଡଗିରି ଏବଂ ଅନ୍ୟମାନେ ଅଛନ୍ତି ।