10-May-2024

ଭୁବନେଶ୍ବର (ମଧୁସ୍ମିତା ତ୍ରିପାଠୀ ): ସାଧାରଣ ନିର୍ବାଚନକୁ ନେଇ ରାଜନୈତିକ ମଇଦାନ ସରଗରମ ହୋଇଥିବା ବେଳେ ପ୍ରଚାର ମଧ୍ୟ ଜୋରଦାର ହୋଇଛି । ତେବେ ବିଜେପିର ବିଧାୟକ ପ୍ରାର୍ଥୀ ଡଃ ଅରବିନ୍ଦ ଢ଼ାଲି ନିର୍ବାଚନ ପ୍ରଚାରରେ ଛୋଟ ଛୋଟ ପିଲାଙ୍କୁ ବ୍ୟବହାର କରୁଥିବା ଅଭିଯୋଗ ହୋଇଛି ; ଯାହା ନିର୍ବାଚନ ଆୟୋଗଙ୍କ ନିର୍ଦ୍ଦେଶକୁ ଅବମାନନା କରୁଛି। ନିର୍ବାଚନୀ ପ୍ରଚାରରେ ଶିଶୁଙ୍କ ସମ୍ପୃକ୍ତିକୁ ନିଷିଦ୍ଧ କରିବାର ନିର୍ବାଚନ ଆୟୋଗଙ୍କ ନିର୍ଦ୍ଦେଶ ସ୍ବତ୍ତେ ଭାରତୀୟ ଜନତା ପାର୍ଟିର ଜୟଦେବ ବିଧାୟକ ପ୍ରାର୍ଥୀ ଡଃ ଅରବିନ୍ଦ ଢ଼ାଲି ତାଙ୍କ ନିର୍ଦ୍ଦେଶକୁ ଖୋଲାଖୋଲି ଉଲଂଘନ କରୁଥିବା ଦେଖିବାକୁ ମିଳିଛି। 

ଏହା ନିର୍ବାଚନ ଆୟୋଗଙ୍କ ନିର୍ଦେଶ ଅନୁଯାୟୀ ଶିଶୁ ଶ୍ରମିକ ନିୟମାବଳୀ ସଂଶୋଧନ ଅଧିନିୟମ ୨୦୧୬କୁ ଉଲଂଘନ କରୁଛି । ଗତକାଲି ଜୟଦେବରେ ବିଜେପି ତରଫରୁ କର୍ମୀ ସମ୍ମିଳନୀ ହୋଇଥିଲା ଏଥିରେ ବିଧାୟକ ପ୍ରାର୍ଥୀ ଡଃ ଅରବିନ୍ଦ ଢ଼ାଲିଙ୍କ ବହୁ ବ୍ୟକ୍ତି ବିଶେଷ ଉପସ୍ଥିତ ଥିଲେ ; ହେଲେ ଦଳୀୟ ପ୍ରଚାର ନିମନ୍ତେ କୋମଳମତି ପିଲା ମାନଙ୍କୁ ବ୍ୟବହାର କରାଯାଉଥିବାର ଦେଖିବାକୁ ମିଳିଛି। ଏହି କାର୍ଯ୍ୟକ୍ରମରେ କିଛି ଛୋଟ ଛୋଟ ପିଲା ବିଜେପିର ଦଳୀୟ ପତାକା ଓ ଦଳୀୟ ଉତ୍ତରୀ ଧରି ଢ଼ାଲିଙ୍କ କାର୍ଯ୍ୟକ୍ରମରେ ସାମିଲ ସୋଇଥିବା ତାଙ୍କ ସହ ବୈଠକରେ ବସିଥିବା ଦେଖିବାକୁ ମିଳିଛି। ନିର୍ବାଚନ

ପ୍ରକିୟାର ଅଖଣ୍ଡତା ରକ୍ଷା କରିବା ଓ ପିଲାମାନଙ୍କ ଅଧିକାରକୁ ସୁରକ୍ଷିତ ନରଖି ରାଜନୀତିରେ ଭେଟେରାନ ଥିବା ଡଃ ଢ଼ାଲି ନିର୍ବାଚନ ଆୟୋଗଙ୍କ ନିର୍ଦ୍ଦେଶନାମାକୁ ଖୋଲାଖୋଲି ଚ୍ୟାଲେଞ୍ଜ କରୁଛନ୍ତି ବୋଲି କୁହାଯାଉଛି। ଏଭଳି ଘଟଣାକୁ ନେଇ ସ୍ଥାନୀୟ ଅଞ୍ଚଳର ବୁଦ୍ଧିଜିବୀ ମହଲରେ ଉଦବେଗ ପ୍ରକାଶ ପାଇବା ସହ ଏହାକୁ ରୋକିବା ଓ ନିର୍ବାଚନ ପ୍ରଚାର ସମୟରେ ପିଲା ମାନଙ୍କ ସୁରକ୍ଷାକୁ ସୁନିଶ୍ଚିତ କରିବା ପାଇଁ ସ୍ଥାନୀୟ ଅଂଚଳର ବୁଦ୍ଧିଜୀବୀ ମାନେ ଦାବି କରିଛନ୍ତି।