02-May-2024

ବୋଡ଼େନ(ରାମନାଥ ପଣ୍ଡା)- ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ରୋକାଲ ସାପ୍ତାହିକ ବଜାର ପାଖ ପଡ଼ିଆରେ ଖରିଆର ବିଧାନସଭା ମଣ୍ଡଳୀର ବି ଜେ ଡି ପ୍ରାର୍ଥୀ ଅଧିରାଜ ମୋହନ ପାଣିଗ୍ରାହିଙ୍କ ପ୍ରତ୍ୟକ୍ଷ ଦିଗଦର୍ଶନକ୍ରମେ ଓ ବ୍ଲକ ମହିଳା ସଭାନେତ୍ରୀ ମିନତୀ କାଣ୍ଡଙ୍କ ତତ୍ତ୍ଵାବଧାନରେ ତଥା ମହା ପ୍ରୟାସ ବଳରେ ଆୟୋଜିତ ବି ଜେ ଡି ମହିଳା ଦଳର ମହିଳା ସମାବେଶରେ ୩୦୦୦ ରୁ ଉର୍ଦ୍ଧ୍ବ ମହିଳା ଯୋଗଦାନ କରି ନବୀନ - ଅଧିରାଜ୍ ଓ ହୁଳହୁଳି ଶବ୍ଦରେ ସମାବେଶକୁ ପ୍ରକମ୍ପିତ କରିଦେଇଥିଲେ । ଆୟୋଜିତ ସଭାରେ ବିଧାୟକ ବର୍ତ୍ତମାନର ବି ଜେ ଡି ପ୍ରାର୍ଥୀ ଅଧିରାଜ ମୋହନ ପାଣିଗ୍ରାହୀ, ଦଳୀୟ ରାଜ୍ୟ ନିର୍ବାଚନ

ପର୍ଯ୍ୟବେକ୍ଷିକା ସରୋଜିନୀ ରାଜ,ରାଜ୍ୟ ସଂଯୋଜକ ଦେବେସ ଦାସ,ରାଜ୍ୟ ମହିଳା ସଭାନେତ୍ରୀ ଶେଫାଳୀ ସଲମା,ରାଜ୍ୟ ମହିଳା ସମ୍ପାଦିକା ଯସୋବନ୍ତୀ ମେହେର,ଜିଲ୍ଲା ମହିଳା ସଭାନେତ୍ରୀ ସରସ୍ଵତୀ ବାଗ,ଜିଲ୍ଲା ବି ଜେ ଡି ସଭାପତି ମନୋଜ ମିଶ୍ର,ନୂଆପଡ଼ା ଜିଲ୍ଲା ପରିଷଦ ଅଧ୍ୟକ୍ଷା ଡଲି ମାଝୀ,ଜିଲ୍ଲା ପରିଷଦ ଯାଜ୍ଞସେନି କଟା,ବୋଡ଼େନ ବ୍ଲକ ଅଧ୍ୟକ୍ଷା ପ୍ରେମ ଶିଳା ନାଗ,ସିନାପାଲି ବ୍ଲକ ଉପା ଧ୍ୟକ୍ଷା ମୀନା ଘିଭେଲା,ସରପଂଚ ମିନତୀ ନନ୍ଦ,ସରପଂଚ ମୁକ୍ତା ରାଉତ,ସରପଂଚ ଜୟଶ୍ରୀ ପଟେଲ,ମଦନା ବତି ବିଶ୍ଵାଳ ପ୍ରମୁଖ ମଞ୍ଚାଷିନ ଥିଲେ । ସମସ୍ତ ଅଧିକାରୀ ନିଜ ନିଜ ବକ୍ତବ୍ୟରେ ନବୀନ ସରକାରଙ୍କ ବିଭିନ୍ନ ଯୋଜନା ମାଧ୍ୟମରେ ଲୋକ ଲାଭବାନ ହୋଇଥିବା ତଥା ରାଜ୍ୟର ବିକାଶ କଥାକୁ ଉପସ୍ଥାପନ କରିଥିଲେ ।ବିଶେଷକରି ନାରୀ ସଶକ୍ତିକରଣ ଓ ନାରୀଙ୍କ ପାଇଁ ପ୍ରତ୍ୟେକ କ୍ଷେତ୍ରରେ ସଂରକ୍ଷଣ ବ୍ୟବସ୍ଥା ତଥା ସ୍ଵୟଂ ସହାୟକ ଗୋଷ୍ଠୀ ମାଧ୍ୟମରେ ନାରୀଙ୍କୁ ସ୍ୱାବଲମ୍ବୀ କରିବାରେ ନବୀନ ସରକାରଙ୍କ ଭୂମିକା ଅତୁଳନୀୟ ବୋଲି ପ୍ରକାଶ କରିଥିଲେ ।ଏଥର ଡବଲ ଶଙ୍ଖରେ ଭୋଟ ଦେବା ପାଇଁ ନିଜେ ବିଧାୟକ ପ୍ରାର୍ଥୀ ଉପସ୍ଥିତ ସମସ୍ତ ମହିଳା ଓ ଅନ୍ୟାନ୍ୟ ସାଧାରଣ ଜନତାଙ୍କୁ ହାତ ଯୋଡ଼ି ଅନୁରୋଧ କରିଥିଲେ ।ମଞ୍ଚରେ ଉପବେଶନ କରିଥିବା ସମସ୍ତ ମହିଳା ନେତ୍ରୀ ତଥା ଉପସ୍ଥିତ ମହିଳା ସମାବେଶକୁ ଦେଖିବାପରେ ଜଣାପଡ଼ୁଥିଲା ନବୀନଙ୍କ ମାଆକୁ ସମ୍ମାନ ନୀତି ଓ ମହିଳାଙ୍କ ପାଇଁ ସଂରକ୍ଷଣ ନୀତି । ସମାବେଶରେ ଜିଲ୍ଲା, ବ୍ଲକ ଓ ପଞ୍ଚାୟତ ସ୍ତରର ସମସ୍ତ ବି ଜେ ଡି ପଦାଧିକାରୀ ଉପସ୍ଥିତ ରହିବା ସହିତ ସହଯୋଗ କରିଥିଲେ ।କର୍ମୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।ସମଗ୍ର କାର୍ଯ୍ୟକ୍ରମର ଶ୍ରେୟ ବ୍ଲକ ମହିଳା ସଭାନେତ୍ରୀ ମିନତୀ କାଣ୍ଡଙ୍କୁ ପ୍ରଦାନ କରିଥିଲେ ରାଜ୍ୟ ନେତ୍ରୁମଣ୍ଡଳୀ ।ମିନତୀ କାଣ୍ଡ ସୁନ୍ଦର ଭାବରେ ଆଜିକାର ସମାବେଶ ଆୟୋଜନ ସହିତ ମଞ୍ଚ ପରିଚାଳନା କରିଥିଲେ ।