02-May-2024

ବୌଦ୍ଧ (ଜୟାନନ୍ଦ ମିଶ୍ର ) ଆଜି ବୌଦ୍ଧ ଜିଲ୍ଲାର ଉଭୟ ବିଧାନସଭା ନିର୍ବାଚନ ମଣ୍ଡଳିରୁ ବିଜେପି ଦଳ ପକ୍ଷରୁ ପ୍ରାର୍ଥୀପତ୍ର ଦାଖଲ କରାଯାଇଛି । ବୌଦ୍ଧ (୮୬)ନିର୍ବାଚନ ମଣ୍ଡଳିରୁ ବିଜେପି ବିଧାୟକ ପ୍ରାର୍ଥୀଭାବରେ ସରୋଜ କୁମାର ପ୍ରଧାନ ସବ କଲେକ୍ଟର ଶ୍ରୀ ପ୍ରଭାସ ଚନ୍ଦ୍ର ଦଣ୍ଡସେନାଙ୍କ ପାଖରେ ନାମାଙ୍କନ ପତ୍ର ଦାଖଲ କରିଥିବା ବେଳେ କଣ୍ଟାମାଳ(୮୫)ନିର୍ବାଚନ ମଣ୍ଡଳିର ବିଧାୟକ ପ୍ରାର୍ଥୀ ଭାବରେ କହ୍ନେଇ ଡlଙ୍ଗ ଅତିରିକ୍ତ ଜିଲ୍ଲାପାଳ ଶ୍ରୀ ଦାରିଦ୍ର୍ୟ ଭଞ୍ଜନ ମଦନ ମୋହନ ପାତ୍ରଙ୍କ ପାଖରେ ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରଥମେ ବୌଦ୍ଧ ବିଧାନସଭା ପ୍ରାର୍ଥୀ ଶ୍ରୀ ସରୋଜ କୁମାର ପ୍ରଧାନ, କଣ୍ଟାମାଳ ପ୍ରାର୍ଥୀ ଶ୍ରୀ କହ୍ନେଇ ଚରଣ ଡlଙ୍ଗ ଓ କନ୍ଧମାଳ ଲୋକସଭା BJP ପ୍ରାର୍ଥୀ ଶ୍ରୀ ସୁକାନ୍ତ ପାଣିଗ୍ରାହୀଙ୍କ ସହିତ ବୌଦ୍ଧର ସୁପ୍ରସିଦ୍ଧ ଶ୍ରୀ ରଘୁନାଥ ମନ୍ଦିରରେ ଶ୍ରୀ ରଘୁନାଥଙ୍କ ଦର୍ଶନ କରି ତଥା ଆଶିର୍ବାଦ ନେଇ ସେଠାରୁ ବିଶାଳ ଜନସମୁଦ୍ରର ସମର୍ଥନରେ ଏକ ବିଶାଳ ଶୋଭାଯାତ୍ରାରେ ବାହାରି ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ଉଭୟ ନିର୍ବାଚନ ମଣ୍ଡଳିର ଦାୟିତ୍ବରେ ଥିବା ରିଟନିଂ ଅଫିସରଙ୍କ ନିକଟରେ ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି । ହଜାର ହଜାର ସମର୍ଥକ ଜୟ ଶ୍ରୀ ରାମ, ଭାରତ ମାତା କି ଜୟ, ନରେନ୍ଦ୍ର ମୋଦୀ ଜିନ୍ଦାବାଦ, BJP ଜିନ୍ଦାବାଦ, ଇସ୍ ବlର୍ ଚlର୍ ସୋ ପାର୍, ଯୋଡ଼ି ଫୁଲ ଭାରି ଭଲ, ଆଦି ସ୍ଲୋଗାନ ଦେଇ ଆଗେଇ ଚାଲିଥିବା ବେଳେ ଏକାଧିକ DJ ଓ band ବାଜା ର ଶବ୍ଦରେ ସାରା ସହର କମ୍ପି ଉଠିଥିଲା l ଶ୍ରୀଯୁକ୍ତ ସରୋଜ ପ୍ରଧାନଙ୍କ ପୂର୍ବରୁ ତାଙ୍କ ବଡ଼ଭାଇ ଶ୍ରୀ ସୁଶାନ୍ତ ପ୍ରଧାନ BJP ରୁ ବୌଦ୍ଧ ପ୍ରାର୍ଥୀ ଭାବେ ଲଢ଼ି ଥିବା ବେଳେ ଏଥର ପ୍ରଥମ ଥର ପାଇଁ ଶ୍ରୀ ସରୋଜ କୁମାର ପ୍ରଧାନ ବିଜେପି ଦଳ ପକ୍ଷରୁ ପ୍ରାର୍ଥୀପତ୍ର ଦାଖଲ କରି ନିର୍ବାଚନ ମୈଦାନକୁ ଓହ୍ଲାଇ ଛନ୍ତି l ତେବେ କଣ୍ଟାମାଳ ନିର୍ବାଚନ ମଣ୍ଡଳିରୁ ଦ୍ଵିତୀୟ ଥର ପାଇଁ ଦଳରୁ ବିଧାୟକ ପ୍ରାର୍ଥୀ ଭାବରେ ଶ୍ରୀ ଡlଙ୍ଗ ପ୍ରାର୍ଥିପତ୍ର ଦାଖଲ କରି ନିର୍ବାଚନ ମୈଦାନକୁ ଓହ୍ଲାଇଛନ୍ତି । ଚଳିତ ୨୦୨୪ ସାଧାରଣ ନିର୍ବାଚନ ବୌଦ୍ଧରେ ତ୍ରିମୁଖି ଲଢେଇ ହେବାର ସମ୍ଭାବନା ରହିଥିବା ବେଳେ ଉଭାୟ ବୌଦ୍ଧ ଓ କଣ୍ଟମାଳରେ ବିଜେଡି ଓ ବିଜେପି ମଧ୍ୟରେ କଡା ମୁକାବିଲା ହେବ ବୋଲି ସାଧାରଣରେ ମତ ପ୍ରକାଶ ପାଉଛି l