22-Apr-2024

ବେଲପଡା (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ସହରରେ ୧୮ ତମ ମାଁ ତାରିଣୀଙ୍କ ପୂଜା ଅନୁଷ୍ଠିତ ହୋଇଯାଇଛି। ୧୭/୪/୨୪  ତାରିଖ ଦିନ କଳସ ଯାତ୍ରା ହୋଇଥିବା ବେଳେ ୧୮ ତାରିଖ ଦିନ ପୂଜାରମ୍ଭ ହୋଇଥିଲା। ପ୍ରଥମ ରାତିରେ ଦଣ୍ଡନୃତ୍ୟ, ଦ୍ବିତୀୟ ରାତିରେ ଦଣ୍ଡନୃତ୍ୟ, ତୃତୀୟ ରାତିରେ ଡ୍ୟାନ୍ସ ପ୍ରତିଯୋଗିତା, ଚତୁର୍ଥ ରାତିରେ ରାଜୁ ନନ୍ଦ ଏବଂ ଗ୍ରୁପ୍ ଅର୍କେଷ୍ଟ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପ୍ରତ୍ୟେକ ଦିନ ମନୋରଞ୍ଜନ ପାଇଁ ବିଶାଳ ମୀନାବଜାର ରଖାଯାଇଥିଲା। ପ୍ରତ୍ୟେକ ଦିନ ମାଁ ତାରିଣୀଙ୍କ ଦର୍ଶନ ପାଇଁ ବେଲପଡା ତଥା ଅନ୍ୟାନ୍ୟ ଅଞ୍ଚଳର ହଜାର ହଜାର ଲୋକ ଯୋଗଦାନ କରି ଯାତ୍ରାର ଉପଭୋଗ କରିଥିଲେ। ମାଁ ଙ୍କ ଆଶିର୍ବାଦ ପାଇଁ ଚତୁର୍ଥ ଦିନରେ ପାଟଣାଗଡ଼ ବିଧାୟକ ସରୋଜ କୁମାର ମେହେର ସର୍ବପ୍ରଥମେ ଦର୍ଶନ କରି ମାଁ ଙ୍କ ଆଶିର୍ବାଦ ନେଇଛନ୍ତି। ଦ୍ବିତୀୟ ପର୍ଯ୍ୟାୟରେ କଂଗ୍ରେସର ସାଂସଦ ପ୍ରାର୍ଥୀ ତଥା ଓଡିଆ ଚଳଚ୍ଚିତ୍ର ଜଗତର ବିଶିଷ୍ଟ କଳାକାର ମନୋଜ କୁମାର ମିଶ୍ର ମାଁ ତାରିଣୀଙ୍କ ଦର୍ଶନ କରି ଆଶିର୍ବାଦ ଭିକ୍ଷା କରିଛନ୍ତି। ବିଧାୟକ ସରୋଜ କୁମାର ମେହେର ସବୁବେଳେ ନିର୍ବାଚନ ମଣ୍ଡଳୀର ପ୍ରତ୍ୟକ କାର୍ଯ୍ୟକ୍ରମ ରେ ଯୋଗଦେଇ ନିଜର ପ୍ରତିଭା ଦେଖାଇ ସାରିଛନ୍ତି। ଅନ୍ୟପକ୍ଷେ କଂଗ୍ରେସ ପ୍ରାର୍ଥୀ ମନୋଜ କୁମାର ମିଶ୍ର ମଧ୍ୟ ଗତକାଲି ମାଁ ଙ୍କ ଦର୍ଶନ କରିଆସିଥିବା ଯୋଗୁଁ ଲୋକେ ଅନେକ ପ୍ରଶଂସା କରୁଥିବା ଜଣାପଡିଛି । ମଙ୍ଗଳବାର ଦିନ ମାଁ ତାରିଣୀଙ୍କ ପୂଜାର ଶେଷ ରାତ୍ରୀ ଥିବା ବେଳେ ଅର୍କେଷ୍ଟ୍ରାର ଆୟୋଜନ ରହିଛି ଏବଂ ଶେଷ ରଜନୀ ରେ ଭକ୍ତଙ୍କ ପ୍ରବଳ ଭିଡ଼ ଜମିରହିବ ବୋଲି ଅନୁମାନ କରାଯାଉଛି । ଆଗାମୀ ଦିନରେ ଆହୁରି ସୁନ୍ଦର ଭାବେ ମାଁ ତାରିଣୀଙ୍କ ପୂଜା ଅନୁଷ୍ଠିତ ହେବ ବୋଲି କମିଟି ସଭାପତି ଜନାର୍ଦ୍ଦନ ସିଂ ସୂଚନା ଦେଇଛନ୍ତି।