22-Apr-2024

ବଲାଙ୍ଗୀର(ପ୍ରେରଣା ଖବର) : ବାଣିଜ୍ୟକର ସ୍ଥିତ ଜିଲ୍ଲା ଟେକ୍ସ ବାର ଓକିଲ ସଂଘ କାର୍ଯ୍ୟାଳୟ ଠାରେ ସଭାପତି ଶାନ୍ତନୁ କୁମାର ଭୋଇଙ୍କ ସଭାପତିତ୍ୱରେ ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଅଛି । ସର୍ବ ଭାରତୀୟ ପ୍ରସାସନିକ ସେବା ପରୀକ୍ଷାରେ ସଫଳତା ପାଇଥିବା ବଲାଙ୍ଗିର ମାଟିର ଗର୍ବ ଓ ଗୌରବ ସାଇରାଜ ମିଶ୍ରଙ୍କୁ ପୁଷ୍ପଗୁଚ୍ଛ ଓ ଉପଢୈାକନ ଦେଇ ସମ୍ବର୍ଦ୍ଧିତ କରାଯାଇଥିଲା । ପ୍ରକାଶ ଥାଉ କି ସାଇରାଜ ଙ୍କର ପିତା ସଞ୍ଜୟ ମିଶ୍ର ମଧ୍ୟ ଉପସ୍ଥିତ ଥିଲେ । ସମ୍ପାଦକ ପ୍ରଭଞ୍ଜନ ହୋତା ଶ୍ରୀ ମିଶ୍ରଙ୍କ ବିଷୟରେ ସମ୍ୟକ ସୁଚନା ପ୍ରଦାନ କଲେ । ଉଭୟ ଶ୍ରୀ ମିଶ୍ର ବାପା ଓ ପୁଅ ତାଙ୍କର ସଫଳତାର ବିଭିନ୍ନ ସୋପାନ ବିଷୟରେ ବିସ୍ତୃତ ଭାବରେ ବକ୍ତବ୍ୟ ରଖିଥିଲେ । ପରିଶ୍ରମ, ଏକାଗ୍ରତା, ସଂସ୍କାର, ଗୁରୁଜନମାନଙ୍କର ଦିଗ ଦର୍ଶନ ହିଁ ସଫଳତାର ମୂଳମନ୍ତ୍ର ବୋଲି କହିଥିଲେ । ଏହି ସମ୍ବର୍ଦ୍ଧନା ସଭାରେ ଜିଲ୍ଲା ଟେକ୍ସ ଓକିଲ ସଂଘର ସମସ୍ତ ସଭ୍ୟମାନେ ଉପସ୍ଥିତ ଥିଲେ ।