14-Apr-2024

ଲାଞ୍ଜିଗଡ (ଅଜିତ ମାଝୀ ) ସରକାର ଛାତ୍ର ଛାତ୍ରୀ ମାନଙ୍କ  ମଧ୍ୟାହ୍ନ ଭୋଜନ ପାଇଁ ପ୍ରତ୍ୟେକ ସ୍କୁଲରେ ବ୍ୟବସ୍ଥା କରିଛନ୍ତ ହେଲେ ଏଠି ବାଡ଼ ଯଦି ଫସଲ ଖାଏ ତାହାହେଲେ କହିବା କାହାକୁ l ଏଠି ଖୁଦ୍ ସ୍କୁଲ ପ୍ରଧାନ ଶିକ୍ଷକଙ୍କ ବିନି ଭୋଗଦରେ ଚାଲିଛି ମଧ୍ୟାହ୍ନ ଭୋଜନ ଚାଉଳ ହେରଫେର  l ଏହି ଭଲି ଚହଳ ପଡିଛି କଳାହାଣ୍ଡି ଜିଲ୍ଲା ଲାଞ୍ଜିଗଡ ବ୍ଲକ ଭୁର୍ଟିଗଡ଼ ପଞ୍ଚାୟତ ସ୍ଥିତ ଭୁର୍ଟି ଗଡ଼ ସରକାରୀ ଉଚ୍ଚ ବିଦ୍ୟାଳୟରେ l ପ୍ରଧାନ ଶିକ୍ଷକ ବାରମ୍ବାର ଏହି ଭଲି ଚାଉଳ ହେରଫେର କୁ ନେଇ ଗ୍ରାମ ବାସି ଅନେକ ଥର ଶିକ୍ଷକଙ୍କୁ ଦେଖିଥିଲେ ଓ ସନ୍ଦେହ ପ୍ରକଟ କରି ଚାତକ ପକ୍ଷୀ ଭଲି ଅନେଇ ରହିଥିଲେ ଓ ନିଜଗାଡ଼ିରେ ଚାଉଳ ଲୋଡ଼ କରୁଥିବା ଦେଖି ପିଛାକରୀଥିଲେ ଶିକ୍ଷକଙ୍କୁ l ଶିକ୍ଷକ ନିଜ ଘରକୁ ନେଇ ଚାଉଳ ଓଲ୍ଲାଇବା ଦେଖି ଗ୍ରାମ ବାସି ଶିକ୍ଷକଙ୍କୁ ପଚାରିବାରୁ ଶିକ୍ଷକ ସନ୍ତୋଷ ଜନକ ଉତ୍ତର ଦେଇନଥିବା ଯୋଗୁଁ  ଶିକ୍ଷକ ଚାଉଳ ବିକ୍ରି କରଛନ୍ତି ବୋଲି ଅଭିଯୋଗ ଆଣିଥିଲେ l ସୂଚନା ଅନୁସାରେ ଆଗରୁ ମଧ୍ୟ୍ୟ ୧୦ବସ୍ତା ଚାଉଳ ପୁଣି ପରବର୍ତ୍ତୀ ସମୟରେ ସ୍କୁଲରୁ ୮ ବସ୍ତା ଚାଉଳ ନେଉଥିଲେ ବୋଲି ସ୍କୁଲ କମିଟି କହୁ ଥିବା ବେଳେ କିଛି ରାଜନେତା ଓ ମୁଷ୍ଟିମୟ ବ୍ୟକ୍ତି ହେରଫେର ଘଟଣାକୁ ଚାପି ଦେବା ଉଦ୍ୟମ କରୁଥିବା ନେଇ  ନର୍ଲା ଥାନାର ଦ୍ୱାରସ୍ତ ହୋଇଛନ୍ତି ଅବିଭାବକ ଓ ଗ୍ରାମବାସୀ l

ଗ୍ରାମ ବାସୀଙ୍କ ଅଭିଯୋଗ ଆଧାରରେ ନର୍ଲା ପୋଲିସ ପକ୍ଷରୁ  ଆଇପି ଆକ୍ଟ ୧୮୬୦/୩୭୯/୩୪ ସେକସନ ଅଧାରରେ ଏକ ମାମଲା ରୁଜୁ କରି ତଦନ୍ତ କରୁଥିବା ନର୍ଲା ପୋଲିସ ପକ୍ଷରୁ ସୂଚନା ମିଳିଛି l ସେପଟେ ପାଚିକା ମାନେ ମଧ୍ୟ ସ୍କୁଲରେ ରୋଷେଇ କରୁଥିବା ସମୟରେ ଆଖିଆଗରେ ବସ୍ତା ବସ୍ତା ଚାଉଳ ନେଉଥିବା ଦେଖି ପଚାରିବାରୁ ତାଙ୍କୁ ମଧ୍ୟ ସନ୍ତୋଷଜନକ ଉତ୍ତର ନ'ଦେଇ ତମେ ଜାଣିଲେ କଣ କରିବ ମୋ କାମ ମୁଁ କରୁଛି. ଏମିତି ଏଆଡ଼ୁ ସେଆଡ଼ୁ କଥା କହି ଚାଉଳ ନେଉଥିଲେ ବୋଲି ଗଣମାଧ୍ୟମ ସମ୍ମୁଖରେ ପ୍ରକାଶ କରିଛନ୍ତି ପାଚିକା ଓ ତାଙ୍କ ସହଯୋଗୀ l ତେବେ ନର୍ଲା ପୋଲିସ ତଦନ୍ତ କଲାପରେ ଘଟଣା କେଉଁ ମୋଡ଼ ନେଉଛି ତାହା ଦେଖିବାକୁ ବାକି ରହିଲା l