27-Feb-2024

 ଡେଲାଙ୍ଗ(ଦିଲୀପ କୁମାର ଧାଉଡିଆ): ପୁରୀ ଜିଲ୍ଲା ଡେଲାଙ୍ଗ ବ୍ଲକ ଅନ୍ତର୍ଗତ ଗୁଆଳିପଡ଼ା ପଞ୍ଚାୟତ ହୁମର ଗ୍ରାମରେ ଏକ ଦୁଃଖଦ ଘଟଣା ଘଟି ଯାଇଛି ! ସେହି ଗ୍ରାମର ଶଙ୍କର୍ଷଣ ରାଉତଙ୍କ ୧୦ବର୍ଷର ପୁଅ ଶୁଭେନ୍ଦୁ ରାଉତ  ଏବଂ ୭ବର୍ଷର ଝିଅ ଶୁଭଲକ୍ଷ୍ମୀ ରାଉତଙ୍କ ର ପୋଖରୀରେ ବୁଡି ମୃତ୍ୟୁ ବରଣ ଘଟିଛି !ସୂଚନା ମୁତାବକ ଦୁହେଁ ଶୌଚ ହେବା ପାଇଁ ଘର ପୋଖରୀ କୁ ଯାଇଥିଵା ବେଳେ ଅସାବଧାନତା ବଶତଃ ଗୋଡ଼ ଖସିଯିବାରୁ ଦୁଇ ଜଣ ଯାକ ପୋଖରୀ ରେ ବୁଡ଼ିଯାଇଥିଲେ ! ଘରକୁ ଫେରିବା ବିଳମ୍ବ ହେବାରୁ ପରିବାର ଲୋକେ ବହୁ ଖୋଜା ଖୋଜି ପରେ ଦୁଇ ଜଣକୁ ପୋଖରୀରୁ ଉଦ୍ଧାର କରି ସ୍ଥାନୀୟ ଡେଲାଙ୍ଗ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ! ସେଠାରେ ଡାକ୍ତର ଦୁଇ ଜଣକୁ ମୃତ ଘୋଷଣା କରିଥିଲେ ! ଖବର ପାଇଁ ଡେଲାଙ୍ଗ ଥାନା ପୋଲିସ ଦୁଇ ଶିଶୁଙ୍କ ମୃତ ଶରୀରକୁ ଜବତ କରିବା ସହ ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ପୁରୀ ପଠାଯାଇଥିବା ସୂଚନା ମିଳିଛି ! ଏହି ଅଭାବନୀୟ ଦୁଃଖଦ ଘଟଣାଟି ହୁମର ସମେତ ସମଗ୍ର ଡେଲାଙ୍ଗ ଅଂଚଳରେ ଶୋକର ଛାୟା ଖେଳି ଯାଇଛି!