25-Feb-2024

ଡୁଙ୍ଗୁରିପାଲି, ତା ୨୫/୨ ( ପ୍ରେରଣା ଖବର ) :  ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଳକ ଅନ୍ତର୍ଗତ  ସାଧପାଲି ପ୍ରାଥମିକ ବିଦ୍ୟାଳୟର ଶିକ୍ଷୟିତ୍ରୀ ସୁଶ୍ରୀ ତପସ୍ଵିନୀ ଦାଶ ଜିଲ୍ଲାସ୍ତରୀୟ ଭବ୍ୟ ଉତ୍ସବରେ  ମୁଖ୍ୟମନ୍ତ୍ରୀ ଶିକ୍ଷକ ଶିକ୍ଷା ପୁରସ୍କାର ପ୍ରାପ୍ତ କରିଛନ୍ତି। କାର୍ଯ୍ୟକ୍ରମରେ ସୁବର୍ଣ୍ଣପୁର ଜିଲ୍ଲା ସ୍ତରୀୟ ଉତ୍ସବରେ ମୁଖ୍ୟଅତିଥି ଭାବରେ  ବୀରମହାରାଜପୁର ବିଧାୟକ ପଦ୍ମନାଭ ବେହେରା, ଜିଲ୍ଲାପରିଷଦ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅଶ୍ୱିନୀ ମେହେର, ଜିଲ୍ଲା ଶିକ୍ଷଧିକାରୀ ଲକ୍ଷ୍ମଣ ଭୋଇ, ଅତିରିକ୍ତ ଜିଲ୍ଲା ଶିକ୍ଷଧିକାରୀ ଡ. ରାଧାକାନ୍ତ ଗଡତିଆ, ଏଡିଇଓ ମଞ୍ଜୁଲତା ଭୋଇ ପ୍ରମୁଖ ଉତ୍ସବରେ ମଞ୍ଚାସୀନ ଥିଲେ । 

ଶିକ୍ଷା କ୍ଷେତ୍ରରେ ଅଭିନବ ପ୍ରୟାସ ଏବଂ ଉପଲବ୍ଧି ନିମନ୍ତେ  ୨୦୨୩-୨୪ ବର୍ଷ ପାଇଁ ଶିକ୍ଷୟିତ୍ରୀ ତପସ୍ଵିନୀ ଦାଶଙ୍କୁ ଅତିଥିବୃନ୍ଦ ସାର୍ଟିଫିକେଟ ଓ  ଟ୍ରଫି ସହ ୨୫ ହଜାର ଟଙ୍କାର ପ୍ରୋତ୍ସାହନ ମୂଳକ ଅର୍ଥରାଶି ଦେଇ ପୁରସ୍କୃତ କରିଛନ୍ତି।   ପ୍ରକାଶ ଥାଉ କି,  ଓଡ଼ିଶାର ପୂର୍ବତନ ମହାମହିମ ରାଜ୍ୟପାଳ  ପ୍ରଫେସର ଗଣେଶେ ଲାଲ ଓ ପୂର୍ବତନ ମାନ୍ୟବର ଗଣଶିକ୍ଷା ମନ୍ତ୍ରୀ  ସମୀର ଦାସଙ୍କ ଠାରୁ ତପସ୍ଵିନୀ ଦାଶ   ୨୦୨୨ ମସିହାରେ ଗୁରୁବ୍ରହ୍ମା ସମ୍ମାନରେ ସମ୍ମାନିତ ହୋଇଥିଲେ ।

ମୁଖ୍ୟମନ୍ତ୍ରୀ ଶିକ୍ଷକ ଶିକ୍ଷା ପୁରସ୍କାର ପ୍ରାପ୍ତ କରିଥିବାରୁ  ଡୁଙ୍ଗୁରିପାଲି ବିଇଓ ଗଣେଷ କିସାନ, ସୁବର୍ଣ୍ଣପୁର ଜିଲ୍ଲା ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ,  ଜିଲ୍ଲା ସ୍କାଉଟ ତାଲିମ  କମିସନର ଦୀନବନ୍ଧୁ ପ୍ରଧାନ,ରାଜ୍ୟ ପୁରସ୍କାର ପ୍ରାପ୍ତ ସମାଜସେବୀ ଶିକ୍ଷକ  ରାମ ନାରାୟଣ ଦାଶ, ବିଜ୍ଞାନ ଶିକ୍ଷକ  ଦୁଷ୍ମନ୍ତ ପ୍ରଧାନ, ପଣ୍ଡକିଟାଲ ଅପର ପ୍ରାଇମେରୀ ସ୍କୁଲ ପ୍ରଧାନଶିକ୍ଷକ ହେମସାଗର ବାଘ, ଶାହାଜବାହାଲ ସ୍କୁଲର ପ୍ରଧାନ ଶିକ୍ଷକ ମେରୁଧର ପାତ୍ର, ସାଧପାଲି ସ୍କୁଲର ପ୍ରଧାନ ଶିକ୍ଷୟିତ୍ରୀ  ଶୋଭାବତୀ ସେଠୀ,  ଛାତ୍ରଛାତ୍ରୀ , ଶିକ୍ଷକ,ଗ୍ରାମବାସୀ, ଅଭିଭାବକ ତଥା  ବୁଦ୍ଧିଜୀବୀ ମାନେ  ତପସ୍ଵିନୀ ଙ୍କୁ ଶୁଭେଚ୍ଛା ଜଣାଇଛନ୍ତି । ଶିକ୍ଷୟିତ୍ରୀ ତପସ୍ଵିନୀ ସାହାଜବାହଲ ଗ୍ରାମର ଅଶୋକ କୁମାର ଦାଶ ଓ ନଳିନୀ ଦାଶଙ୍କ ସୁକନ୍ୟା ଅଟନ୍ତି ।