20-Feb-2024

କଣ୍ଟାମାଲ( ଜୟ କୁମାର ମହାରଣା )
 ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଆମ୍ବଗାଁ ପଞ୍ଚାୟତ  କୁରୁକୁପା ଗ୍ରାମର ଜଣାଶୁଣା ପୁରୁଖା ରାଜନୈତିକ ତଥା ଅଂଚଳର ଟାଣୁଆ ଆଦିବାସୀ ନେତା ଦାମୋଦର ଭୋଇ ଙ୍କ ଆଜି ପରୋଲୋକ ହୋଇଯାଇଛି  l  ମୃତ୍ୟୁ ବେଳକୁ ତାଙ୍କୁ ୬୩ ବର୍ଷ ହେଉଥିଲl  l  ସ୍ବର୍ଗତ ଭୋଇ ଗତକାଲି  ହଠାତ ଅସୁସ୍ଥ ଅନୁଭବ କଲେ । ଫଳରେ ଗ୍ରାମର ଗୁରୁଦେବ ସା ଓ ପରିବାର ଲୋକେ ତାଙ୍କୁ ସଂଗେ ସଂଗେ ବଲାଙ୍ଗିର ମେଡ଼ିକାଲକୁ ନେଇଥିଲେ। ପରୀକ୍ଷା ପରେ ବ୍ରେନଷ୍ଟ୍ରୋକ ହୋଇଥିବା ଡାକ୍ତର କହିଥିଲେ। ସ୍ୱର୍ଗତ ଭୋଇ ଛାତ୍ର ଜୀବନରୁ ଜଣେ ଫୁଟବଲ ଖେଳାଳୀ ଥିଲେ।ମିଷ୍ଟଭାଷୀ, ପରୋପକାରୀ ରାଜନୈତିକ ବ୍ୟକ୍ତି ଥିଲେ । ବିଶ୍ଵ ହିନ୍ଦୁ ପରିଷଦରୁ ନିଜ କ୍ୟାରିଅର ଆରମ୍ଭ କରି ବାଲିଗୁଡ଼ା ନିର୍ବାଚନମଣ୍ଡଳୀରୁ ବିଜେପି ଟିକେଟରୁ ବିଧାୟକ ଭାବେ ଲଢି ପରାଜିତ ହୋଇଥିଲେ। ତଥାପି ସେ ହାରି ନ ଥିଲେ। ବର୍ତ୍ତମାନ ସେ ବିଜେଡିର ଆଗ ଧାଡି ନେତା ଭାବେ ବେଶ ଜଣାଶୁଣାଥିଲେ  l  ସେ ଦେଢ଼େନମାଳ ଆଦିବାସୀ ଉନ୍ନୟନ ପରିଷଦର ଉପଦେଷ୍ଟା ଥିଲେ  l   ମୃତ୍ୟୁ ଖବର ପାଇ ବିଭିନ୍ନ ରାଜନୈତିକ ବ୍ୟକ୍ତିବିଶେଷ ତାଙ୍କ ନିକଟକୁ ଯାଇ ଶ୍ରଦ୍ଧାଞ୍ଜଳି ଜଣାଇବା ସହ ଶୋକ ସନ୍ତପ୍ତ ପରିବାର ବର୍ଗଙ୍କୁ ସାନ୍ତ୍ୱନା ଦେଇଥିଲେ   l  ତାଙ୍କର ଆକସ୍ମିକ ମୃତ୍ୟୁରେ ଆଦିବାସୀ ସମାଜ ଜଣେ ଦକ୍ଷ ଓ ଟାଣୁଆ ନେତାକୁ ହରାଇ ଥିବା କହନ୍ତି ଅଂଚଳବାସୀ  l   ତାଙ୍କର ମୃତ୍ୟୁରେ ସମଗ୍ର ଅଞ୍ଚଳରେ ଶୋକର ବାତାବରଣ ଖେଳିଯାଇଛି  l