20-Feb-2024

ଧର୍ମଗଡ଼( ଜ୍ୟୋତିରଞ୍ଜନ ବେମାଲ )
 ଓଡିଶା ରାଜ୍ୟ ରାଜସ୍ୱ କ୍ଷେତ୍ର ଅଧିକାରୀ ସଂଘ ର ଆହ୍ୱାନ କ୍ରମେ ସୋମବାର ଦିନ ଠାରୁ ଅନିର୍ଦ୍ଦିଷ୍ଟ କାଳ ପଯ୍ୟନ୍ତ ଆନ୍ଦୋଳନ କୁ ଓଲ୍ହାଇଛନ୍ତି ରାଜସ୍ୱ ନିରୀକ୍ଷକ ଓ ପରିଦର୍ଶକ କର୍ମୀ।କଳାହାଣ୍ଡି ଜିଲ୍ଲା ବିଭିନ୍ନ ତହସିଲ କାର୍ଯ୍ୟାଳୟ ସମ୍ମୁଖରେ ୬ଦଫା ଦାବି ନେଇ ସାମୂହିକ କାର୍ଯ୍ୟ ବନ୍ଦ ଆନ୍ଦୋଳନ କରୁଥିବା ଦେଖିବାକୁ ମିଳିଛି।ଏହିପରିପେକ୍ଷିରେ ଧର୍ମଗଡ ତହସିଲ କାର୍ଯ୍ୟାଳୟ ଠାରେ ଧର୍ମଗଡ ଅନ୍ତର୍ଗତ ସମସ୍ତ ରାଜସ୍ୱ ନିରୀକ୍ଷକ ଓ ପରିଦର୍ଶକ ମାନେ ଆନ୍ଦୋଳନ ରେ ବସିଛନ୍ତି।ଧର୍ମଗଡ କ୍ଷେତ୍ର ଅଧିକାରୀ ସଂଘ ର ସଭାପତି ଜିତେନ୍ଦ୍ର ନାଏକ ଙ୍କ ନେତୃତ୍ୱରେ ସମସ୍ତ କର୍ମକର୍ତ୍ତା ଉପସ୍ଥିତ ରହି ୬ଦଫା ଦାବୀ ନେଇ ଆନ୍ଦୋଳନ ଜାରି ରଖିଛନ୍ତି।୬ଦଫା ଦାବୀ ମଧ୍ୟରେ ରାଜସ୍ୱ କର୍ମଚାରୀ ଙ୍କ କ୍ୟାଡ଼ର ପୁନଃ ଗଠନ,ସହକାରୀ ରାଜସ୍ୱ ନିରୀକ୍ଷକ ଙ୍କ ବେତନ ସଂରଚନାରେ ପରିବର୍ତ୍ତନ, ରାଜସ୍ୱ ପରିଦର୍ଶକ ଙ୍କ ନାମ କରଣ ରେ ପରିବର୍ତ୍ତନ ପ୍ରମୁଖ ଦାବୀ ରହିଛି।ଦୀର୍ଘଦିନ ରୁ ଏସବୁ ଦାବି  ସରକାର ଙ୍କ ନିକଟରେ ଉପସ୍ଥାପନ ହୋଇଥିଲେ ମଧ୍ୟ ଆଜିଯାଏ ସରକାର ଏଥିପ୍ରତି ଦୃଷ୍ଟି ଦେଇ ନ ଥିବା ସଂଘ କ୍ଷୁବ୍ଧ ପ୍ରକାଶ କରଛି।ତେବେ ସରକାର ଉପସ୍ଥାପନ ଦାବୀ ଗୁଡିକୁ ପୂରଣ ନ କଲେ ଅନିର୍ଦ୍ଦିଷ୍ଟ କାଳ ପଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଅମର କାନ୍ତ ମଙ୍ଗରାଜ ପ୍ରକାଶ କରିଛନ୍ତି।ଆନ୍ଦୋଳନ ରେ ଧର୍ମଗଡ ରାଜସ୍ୱ ପରିଦର୍ଶକ ରଞ୍ଜିତ ରାଉତ,ରାଜସ୍ୱ ନିରୀକ୍ଷକ ସନ୍ତୋଷ ପଣ୍ଡା, ରତନ୍ଦ୍ର ନିଆଲ, କିଶୋର ବୋଡ଼କିଆ,ଜେମା ମାଝୀ,ପ୍ରେମା ବାଣୁଆ,ସୁନୀଲ ପଟ୍ଟନାୟକ,ସହକାରୀ ନିରୀକ୍ଷକ ଆକବର ଶବର ଓ ରବି ଜାନି ପ୍ରମୁଖ ଉପସ୍ଥିତ ରହିଥିଲେ।ତେବେ ଆନ୍ଦୋଳନ ଯୋଗୁଁ ସାଧାରଣ ଲୋକ ବିଭିନ୍ନ କାର୍ଯ୍ୟ ନେଇ ହଇରାଣ ହରକତ ହେଉଥିବା ଦେଖା ଦେଇଛି।ସାଧାରଣ ଭାବେ ସାର୍ଟିଫିକେଟ, ଜମି ଚିହ୍ନଟ, ମଣ୍ଡି କାମ ,ଜନ୍ମ ମୃତ୍ୟୁ ପ୍ରମାଣ ପତ୍ର ଇତ୍ୟାଦି କାମ ରେ ବ୍ୟାଘାତ ଦେଖା ଦେଇଥିବା ଜଣାପଡିଛି।ରାଜସ୍ୱ କ୍ଷେତ୍ର ଅଧିକାରୀ ଙ୍କ ଆନ୍ଦୋଳନ କୁ ଧର୍ମଗଡ ଏନ ଏ ସି ଅଧ୍ୟକ୍ଷ ଅଶୋକ ମହାନ୍ତି ସମର୍ଥନ ଜଣାଇ ଥିବା ବେଳେ ସରକାର ତାଙ୍କ ଦାବୀ କୁ ପୂରଣ କରିବା ଆବଶ୍ୟକ ଥିବା ମତ ରଖିଥିବା ବେଳେ  ସାଧାରଣ ଲୋକ ବିଭିନ୍ନ କାର୍ଯ୍ୟ ରେ ଅସୁବିଧାର ସମ୍ମୁଖୀନ ହେବେ -ବୋଲି ପ୍ରକାଶ କରିଛନ୍ତି।