19-Feb-2024

ବଲାଙ୍ଗୀର(ପ୍ରେରଣା ଖବର) -ବଲାଙ୍ଗୀର ସଦର ନିର୍ବାଚନମଣ୍ଡଳୀରେ ରାଜନୈତିକ ବାତାବରଣ ଉଷ୍ମହେବାରେ ଲାଗିଛି । ବିଜେଡି,କଂଗ୍ରେସ ଓ ବିଜେପିଦଳ ପକ୍ଷରୁ ଭୋଟରଙ୍କୁ ଆକର୍ଷିତ କରିବାକୁ ପ୍ରୟାସ ଚଳାଇଛନ୍ତି । ତେବେ ବିଜେଡି ବିଭିନ୍ନ ସରକାରୀ ଯୋଜନାକୁ ଦେଖାଇ କର୍ମୀ ମାନେ ଗାଁମାନଙ୍କୁ ଲୋକଙ୍କ ନିକଟତର ହେବାକୁ ଚେଷ୍ଟାଚଳାଇଛି । ରବିବାର ଦିନ ବଲାଙ୍ଗୀର ସଦରବ୍ଲକର ଶିକାଛିଡା ଠାରେ ବିଜେଡି ପକ୍ଷରୁ ଏକ ବିଶାଳ କର୍ମୀ ସମାବେଶ ଅନୁଷ୍ଠିତ ହୋଇଯାଇଛି । ବ୍ଲକର ପୂର୍ବତନ ଅଧ୍ୟକ୍ଷ ଗୁଲାବ ବାଗଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବତନ ମନ୍ତ୍ରୀ ତଥା ବିଜେଡିଦଳର ବରିଷ୍ଠନେତା ଅନଙ୍ଗଉଦୟ ସିଂଦେଓ,ପୂର୍ବତନ ସାଂସଦ ତଥା ରାଜ୍ୟ ହାଉସିଂବୋର୍ଡ ଅଧ୍ୟକ୍ଷ କଳିକେଶନାରାୟଣ ସିଂଦେଓ,ଯୁବନେତା ଅର୍କେଶନାରାୟଣ ସିଂଦେଓ,ଜିଲ୍ଲାପରିଷଦ ସଭାପତି ଦେବକୀ ସାହୁ,ସଦର ବ୍ଲକର ଅଧ୍ୟକ୍ଷା ସରିତା ବାଗ,ଉପାଧ୍ୟକ୍ଷା ପୁଷ୍ପାଞ୍ଜଳି ହୋତା,ବ୍ଲକ ବିଜେଡି ସଭାପତି

ନୀହାରରଂଜନ ସ୍ୱାଇଁ,ଶିକାଛିଡା ସମିତି ସଭ୍ୟା ବିନିତା ପଧାନ,ବରିଷ୍ଠ ଆଦିବାସୀ ନେତା ସତ୍ୟନାରାୟଣ ଭୋଇ,କୈଳାଶ ମହାନ୍ତି,ଆଶୀର୍ବାଦ ସାହୁ(ଟିଟୁ),ଜିଲ୍ଲା ଯୁବବିଜେଡି ସଭାପତି ରାଜେନ୍ଦ୍ର ହୋତା,ଛାତ୍ରବିଜେଡି ସଭାପତି ସୁମନ ନନ୍ଦ,ପ୍ରଦ୍ୟୁମ୍ନ ହୋତା,ସନ୍ତୋଷ ପଧାନ ପ୍ରମୁଖ ଯୋଗଦେଇ ନବୀନ ସରକାର ଗାଁର ବିକାଶ ପାଇଁ ନେଉଥିବା ବିଭିନ୍ନ ଯୋଜନା ଉପରେ କହିଥିଲେ । ଏହି ସରକାର ଅମଳରେ ବଲାଙ୍ଗୀର ଜିଲ୍କାର ସର୍ବାଙ୍ଗୀନ ବିକାଶ ହୋଇଥିବା ବରିଷ୍ଠନେତାଗଣ କହିଥିଲେ ।

ଏହି ଅବସରରେ ନବୀନ ପଟ୍ଟନାୟକଙ୍କ ଲୋକପ୍ରିୟତା , ଜନହିତକାରୀ ଯୋଜନା ତଥା ବିଜେଡିଦଳର ଆଦର୍ଶରେ ଅନୁପ୍ରାଣୀତ ହୋଇ ଚିକଲବାହାଲ ସରପଞ୍ଚ ସୁରେନ୍ଦ୍ର ବିଶ୍ୱାଳ,ସିକାଛିଡା ସରପଞ୍ଚ ଘନଶ୍ୟାମ ଶତପଥି,ଚିକଲବାହାଲର କଂଗ୍ରେସନେତା ନାରାୟଣ ବେହେରା ଓ ଶଙ୍କର ସାହୁ ତାଙ୍କର ଶତାଧିକ ସମର୍ଥକଙ୍କ ସହ ବିଜେଡିଦଳରେ ଆନୁଷ୍ଠାନିକ ଭାବରେ ଯୋଗଦେଇଥିଲେ । ବିଜେଡିର ବରିଷ୍ଠନେତା ଅନଙ୍ଗଉଦୟ ସିଂଦେଓ ତାଙ୍କୁ ଫୁଲମାଳ ଦେଇ ବିଜେଡିଦଳ ପକ୍ଷରୁ ସ୍ୱାଗତ କରିଥିଲେ ।