19-Jan-2024

ଡୁଙ୍ଗୁରିପାଲି(ଅରବିନ୍ଦ ମିଶ୍ର ): ଗତ ରାତିରେ ଡୁଙ୍ଗୁରିପାଲି ଥାନା ଅନ୍ତର୍ଗତ ବୈଦୁପାଲି  ଥିବା ମିଶ୍ର ଏଣ୍ଡ ମିଶ୍ର ପେଟ୍ରୋଲ ପମ୍ପରେ ୭/୮ ଜଣ ବ୍ୟକ୍ତି ପେଟ୍ରୋଲ ପକାଇ କର୍ମଚାରୀଙ୍କୁ ମାଢ ମାରି ଟଙ୍କା ଲୁଟି ନେଇଥିବା ଥାନାରେ ଅଭିଯୋଗ ହୋଇଛି । ପେଟ୍ରୋଲ ପମ୍ପର କର୍ମଚାରୀ ଧନସିଂହ ବାଗ ଡୁଙ୍ଗୁରିପାଲି ଥାନାରେ କରିଥିବା ଅଭିଯୋଗରେ ଦର୍ଶାଇଛନ୍ତି ଯେ ଗତ ରାଚି ୯.୪୦ରେଏକ ଚାରିଚକିଆ ଆର୍ଟିକା ଗାଡି ଯାହାର ନଂ. ଓଡି ୧୭- ୯୨୮୮ ବଲାଙ୍ଗିର ପଟରୁ ଆସି ତେଲ ଭର୍ତି କରିଥିଲେ । ଉକ୍ତ ଗାଡିରେ ପ୍ରାୟ ୭/୮ଜଣ ବ୍ୟକ୍ତି ଥିଲେ ।ସେମାନଙ୍କ ମଧ୍ୟରୁ ୨/ ୩ଜଣ ସିଗାରେଟ ଟାଣିଥିଲେ । କର୍ମଚାରୀ ଜଣକ ମନାକରିବାରୁ ତାଙ୍କୁ ମାଡ଼ମାରି ସେଠାରୁ କିଛି ଦୂର

ଘୋଷାଡି ନେଇଥିଲେ । ମ୍ୟାନେଜର ଦୌଡି ଆସି ମନା କରିବାରୁ ତାଙ୍କୁ ମଧ୍ୟ ମାଡ଼ ମାରିଥିଲେ । ତାଙ୍କଠାରୁ ୨୦ହଜାଟଙ୍କା ଛଡାଇ ନେଇ ଅଶ୍ଳୀଳ ଭାଷାରେ ଗାଳିଗୁଲଜ କରି ପମ୍ପରେ ନିଆଁ ଲଗାଇ ଉଡାଇ ଦେବାକୁ ଦଧକ ଦେଇସେଠାରୁ ଫେରାର ମାରିଥିଲେ । ଘଟଣା ପରେ କର୍ମଚାରୀମାନେ ମାଲିକଙ୍କୁ ଫୋନରେ ଖବର ଦେଇଥିଲେ । ଡୁଙ୍ଗୁରିପାଲି ପୋଲିସ ଘଟଣା ସ୍କୁଳରେ ଖବର ପାଇ ପହଞ୍ଚି ଥିଲେ । ଏତିକି ସମୟକୁ ସେମାନେ ଫେରାର ମାରିଥିଲେ । ପୁଣି ରାତି ୧୨.୩୦ରେ ସେମାନେ ଏକ ୱାଗନର ଗାଢି ନଂ.ଓଆର ବିଜି-୩୪୩୦ରେ ୬ ଜଣ ବ୍ୟକ୍ତି ଆସିଥିଲେ।ହାତରେ ଧରିଥିବା ଲୁହାରଡ, ବିଭିନ୍ନ ମାରଣାସ୍ତ୍ର ସାହାଯ୍ୟରେ ରେ ପେଟ୍ରୋଲ ପମ୍ପର ବିଭିନ୍ନ

ସାମଗ୍ରୀ, ମେସିନକୁ, ଆସବାବପତ୍ରକୁ  ଭାଙ୍ଗି ଦେଇଥିଲେ । ଭିତରେ ଥିବା କର୍ମଚାରୀ ଦେବେନ, ଲିଟୁ, ଚାଳକ ରାଜୁ ବାଗ ସମସ୍ତେ ଭୟଭିତ ହୋଇ ଅଫିସ ଘରେ ରହି ଯାଇ ମାଲିକ ଜ୍ୟୋତି ମିଶ୍ର ଓ ପ୍ରଦୀପ ମିଶ୍ରଙ୍କୁ ଫୋନ ଯୋଗେ ଜଣାଇଥିଲେ । ଆଜି ସକାଳେ ପମ୍ପର ମ୍ୟାନେଜର ଧନସିଂହ ବାଗ ଡୁଙ୍ଗୁରିପାଲି ଥାନାରେ ଅଭିଯୋଗ କରିଛନ୍ତି ।  ଘଟଣାକୁ ନେଇ ବିଭିନ୍ନ ମହଳରେ ଅଭିଯୁକ୍ତମାନଙ୍କୁ ଧରିବାକୁ ଦାବୀ ଜୋର ଧରିଛି । ଅଭିଯୋଗକୁ ଭିତ୍ତି କରି ଡୁଙ୍ଗୁରିପାଲି ପୋଲିସ ତଦନ୍ତ ଜାରି ରଖୁଥିବା ବେଳେ ଅଭିଯୁକ୍ତ ମାନଙ୍କୁ ଖୁବ ଶିଘ୍ର ଧରାଯିବ ବୋଲି ଥାନାଧିକାରୀ ସଚ୍ୟନାରାୟଣ ପ୍ରଧାନ ପ୍ରକାଶ କରିଛନ୍ତି l