19-Jan-2024

ବଲାଙ୍ଗିର, ଓଡ଼ିଶା ଆଦର୍ଶବିଦ୍ୟାଳୟ ପଥରଚେପା ଠାରେ ଜଳବାୟୁ ପରିବର୍ତ୍ତନ   ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ଏଥିରେ ବିଜୟ କୁମାର ସାହୁ ଓବାସର ଜିଲ୍ଲା ସଂଯୋଜକ ଏବଂ ଯୁନିସେଫ ର ଆଇଆରଓ ଅଭିଷେକ ମନି   ପ୍ରମୁଖ  ଜଳବାୟୁ ପରିବର୍ତ୍ତନ  ଓ ବିଶ୍ଵ ଭୂ ତାପନ ଉପରେ ଏକ  ସଚେତନତା ମୂଳକ  କାର୍ଯ୍ୟକ୍ରମ ନେଇ ଆସିଥିଲେ | ଶ୍ରୀ ଅଭିଷେକ ମନି ଜଳବାୟୁ ପରିବର୍ତ୍ତନ ର ପ୍ରଭାବ ବିଷୟରେ ପ୍ରାୟ ଦଶଟି ଦେଶରେ ସଚେତନତା ମୂଳକ କାର୍ଯ୍ୟକ୍ରମ ରେ ଯୋଗ ଦେଇ ସାରିଛନ୍ତି । ନିକଟ ଅତୀତ ରେ ଦୁବାଇ ଠାରେ ଜଳବାୟୁ ପରିବର୍ତ୍ତନର ପ୍ରଭାବ ଉପରେ ଅନୁଷ୍ଠିତ ହୋଇଥିବ। ଏକ କାର୍ଯ୍ୟକ୍ରମ ରେ ଯୋଗ ଦେଇ ଥିଲେ।ସେଠାରେ ଭାରତର ପ୍ରତିନିଧିତ୍ବ କରି ଭାଷଣ ଦେଇଥିଲେ । ଆହୁରି ମଧ୍ଯ ଶ୍ରୀ ମନି ନିଜ ହାଇସ୍କୁଲ ସମୟରୁ ଏଇ ଜଳବାୟୁ  ପରିବର୍ତ୍ତନ ଉପରେ ସଚେତନ କରି ଆସୁଛନ୍ତି । ପ୍ରଥମେ ସେମାନେ   ବିଦ୍ୟାଳୟ ର ଅଧ୍ୟକ୍ଷ କ୍ଷମାନିଧି ଝାଙ୍କର ଙ୍କ ସହ  ପ୍ରାର୍ଥନା ସଭାରେ ଯୋଗ ଦେଇଥିଲେ | ସେଠାରେ  ଛାତ୍ରଛାତ୍ରୀଙ୍କ ସହ ବାର୍ତ୍ତାଳାପ ଏବଂ ବିଭିନ୍ନ ପ୍ରଶ୍ନ ମାଧ୍ୟମରେ ଜଳବାୟୁ ପରିବର୍ତ୍ତନ କଣ? ଓ ତାହା ଶିକ୍ଷା କୃଷି ଓ ଅର୍ଥନୀତି ଉପରେ କିଭଳି ପ୍ରଭାବ ପକାଉଛି ଏବଂ ଆମେ କିଭଳି ଭାବରେ ନିଜର ଛୋଟ ଛୋଟ ଉଦ୍ୟମ ରେ ବା ନିଜର ବ୍ଯବହାରରେ ପରିବର୍ତ୍ତନ ଆଣି ଏହି ବିଶ୍ଵ ଭୂ-ତାପନ ବା ଜଳବାୟୁ ପରିବର୍ତ୍ତନ କୁ ରୋକି ପାରିବା ସେ ବିଷୟରେ ବକ୍ତବ୍ୟ ପ୍ରଦାନ କରିଥିଲେ । ଏ ପରିପ୍ରେକ୍ଷୀରେ ଶ୍ରୀ ବିଜୟ କୁମାର ସାହୁ  ଦୁନିଆରେ ପରିବର୍ତ୍ତନ ଆଣିବା ଆଗରୁ ନିଜ ମଧ୍ୟରେ ପରିବର୍ତ୍ତନ ଆଣିବାକୁ ଆହ୍ବାନ ଦେଇଥିଲେ । ଶ୍ରୀ ଅଭିଷେକ ମନି ମଧ୍ୟ ଛୋଟ ବେଳରୁ ପରିବେଶ ପ୍ରତି ସଚେତନ ହେବା ଆବଶ୍ୟକ ବୋଲି ନିଜର ମତବ୍ୟକ୍ତ କରିଥିଲେ।ପରେ ନବମ ଓ ଅଷ୍ଟମ ଶ୍ରେଣୀ ର ଛାତ୍ର ଛାତ୍ରୀଙ୍କୁ ନେଇ  ସ୍ମାର୍ଟ କ୍ଲାସ ରେ ଭିଡିଓ ଏନିମେସନ ମାଧ୍ୟମରେ ଗ୍ଲୋବାଲ ୱର୍ମିଂ କୁ ନେଇ ଏକ କାର୍ଯ୍ୟକ୍ରମ ହୋଇଥିଲା ।ସେଠାରେ ଅଧ୍ୟକ୍ଷ କ୍ଷମାନିଧି ଝାଙ୍କର ଜଳବାୟୁ ପରିବର୍ତ୍ତନ ଉପରେ ଏକ କବିତା ଆବୃତ୍ତି କରିଥିଲେ । ଶେଷରେ ଅଧ୍ୟକ୍ଷ ମହୋଦୟ ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ ଏବଂ କାର୍ଯ୍ୟକ୍ରମ ରୁ ଶିଖିଥିବା ବିଭିନ୍ନ ତଥ୍ଯ କୁ ନିଜ ଜୀବନ ରେ ଉପଯୋଗ କରିବା କୁ ଉପଦେଶ ଦେଇଥିଲେ ।