02-Jan-2024

ଲୋଇସିଂହା, (ପ୍ରେରଣା ଖବର) ଆଜି ସକାଳୁ ଲୋଇସିଂହା ବ୍ଲକ ଅନ୍ତର୍ଗତ ବୁର୍ଡl ବ୍ରିଜ଼ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି  l ଲୋଇସିଂହା ବ୍ଲକ ବାଦିବାହାଲ ପଂଚାୟତ ଅନ୍ତର୍ଗତ ଚୌହାନପାଲି ଗ୍ରାମର ବିନୋଦ ବାରିକ (45) ପି. ନୀଳମଣି ବାରିକ କୌଣସି କାମରୁ ଆଜି ସକାଳୁ ଲୋଇସିଂହା ରୁ ବାଇକ ଯୋଗେ ଘରକୁ ଫେରୁଥିବା ସମୟରେ ବୁର୍ଡl ବ୍ରିଜ଼ ନିକଟରେ ଏଜ ଅଜଣା ଗାଡି ବିନୋଦ ବାରିକ କୁ ଧକ୍କା ଦେବା ଫଳରେ ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକେ ଲୋଇସିଂହା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ ଭର୍ତ୍ତି କରିଥିଲେ l ଚିକିତ୍ସାଧିନ ଅବସ୍ଥାରେ ବିନୋଦ ଙ୍କ ଆଜି  ମୃତ୍ୟୁ ଘଟିଛି l

ଡାକ୍ତର ବଲାଙ୍ଗୀର ଭୀମଭୋଇ ମେଡିକାଲ କୁ ଶବ ବ୍ୟବଚ୍ଛେଦ ପାଇଁ ପଠାଇଲେ l ଏ ବାବଦରେ ଲୋଇସିଂହା ଥାନାରେ ଏ ବର୍ଷ ର କେଶ ନ. ୨ ମାମଲା ରୁଜୁ ହୋଇଛି l ଜାଣିବାକୁ ମିଳିଛି ଯେ ବିନୋଦ ବାରିକ ଙ୍କ ସ୍ତ୍ରୀ ସହ ଏକ ପୁତ୍ର ସନ୍ତାନ ରହିଛି l ପରିବାର ବର୍ଗ ଲୋଇସିଂହା ବୁର୍ଡl ଛକ ନିକଟରେ ଶବ କୁ ରଖି 26 ନମ୍ବର ଜାତୀୟ ରାଜପଥ ଅବରୋଧ କରିବା ସହ ପ୍ରଶାସନ ତରଫରୁ ଯେ ପର୍ଯ୍ୟନ୍ତ ସରକାରୀ ସହାୟତା ନ ମିଳେ ସେ ପର୍ଯ୍ୟନ୍ତ ରାସ୍ତା ଅବରୋଧ ଜାରି ରହିବ ବୋଲି ଚେତାବନୀ ଦେଇଛନ୍ତି l ପୋଲିସ ଦଳ ଓ ତହସିଲ୍ଦାର ଉକ୍ତ ସ୍ଥାନକୁ ପହଂଚି ପରିବାର କୁ ବୁଝାଇଛନ୍ତି l ପ୍ରକୃତ ଘଟଣା ପୋଲିସ ତଦନ୍ତ ପରେ ଜଣାପଡିବ l ରାସ୍ତା ଅବରୋଧ ଯୋଗୁଁ ଅନେକ ଯାନବାହାନ ଜାମ ହୋଇ ରହିଥିବା ଦେଖିବାକୁ ମିଳିଲା l