21-Dec-2023

ସୋନପୁର(ମନୋରଞ୍ଜନ ତ୍ରିପାଠୀ):  ଆଜି  ସୋନପୁର ଶ୍ରୀ ରାମେଶ୍ବର ଷ୍ଟାଡିୟମ ଠାରେ  ନୁଆ ଓଡିଶା ଯୁବ ଓଡିଶା ସାଂସ୍କୃତିକ ମହୋତ୍ସବ ପାଇଁ ଏକ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇ ଯାଇଛି l ସୁବର୍ଣ୍ଣପୁର ଜିଲ୍ଲାପାଳ ବିମଳେନ୍ଦୁ ରାୟଙ୍କ ଅଧ୍ୟକ୍ଷତାରେ ଅନୁଷ୍ଟିତ ଏହି ସମ୍ମିଳନୀରେ ଏସପି ଅମରେଶ ପଣ୍ଡା, ଏଡିଏମ୍ ସୂର୍ଯ୍ୟ ନାରାୟଣ ଦାଶ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ଅଶ୍ଵିନୀ ମେହେର, ଜିଲ୍ଲା କ୍ରିଡ଼ା ଅଧିକରୀ ଚିତ୍ତରଂଜନ ମିଶ୍ର, ସୂଚନା ଓ ଲୋକ ସଂପର୍କ ଅଧିକାରୀ ଅଶ୍ଵିନୀ ଭୋଇ ଯୋଗ ଦେଇଥିଲେ l କ୍ରିଡ଼ା, ସାଂସ୍କୃତିକ,  ସାମାଜିକ କ୍ଷେତ୍ରରେ  ଛାତ୍ରଛାତ୍ରୀ ଯୁବକ ଯୁବତୀଙ୍କ ପାରଦର୍ଶିତା ବୃଦ୍ଧି ଓ ଆଗ୍ରହ ସୃଷ୍ଟି କରିବା ଲକ୍ଷ୍ୟରେ ଆସନ୍ତାକାଲିର ଏହି ନୁଆ ଓଡିଶା ଯୁବ ଓଡ଼ିଶା ସଂlସ୍କୃତିକ ମହୋତ୍ସବର ଅୟୋଜନ କରାଯାଉଛି l ଜିଲ୍ଲାର ୩୫ ଗୋଟି କଲେଜରୁ ୧୦ ହଜlର ଛାତ୍ରଛାତ୍ରୀ ଏଠାରେ ଯୋଗ ଦେଇ ବିଭିନ୍ନ କ୍ରୀଡା, ସାଂସ୍କୃତିକ ଅନେକ ଇଭେଣ୍ଟର ପ୍ରତିଯୋଗିତାରେ ଭାଗ ନେବେ ବୋଲି ଜିଲ୍ଲାପାଳ ଶ୍ରୀ ରାୟ ମତ ରଖି ଥିଲେ l ଉଦ୍ଘାଟନୀ ଉତ୍ସବ ପରେ ପରେ ଡଃ ବି . ବି ସ୍ୱାଇଁ ଛାତ୍ରଛାତ୍ରୀଙ୍କୁ ମୋଟିଭେଶନ କରିବl କାର୍ଯ୍ଯକ୍ରମ ରହିଥିବା ବେଳେ ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ବିଭିନ୍ନ କଳାକାର ଟ୍ରୁପ ଙ୍କ ଦ୍ଵାରା ଦିନ ସାରା ସାଂସ୍କୃତିକ କାର୍ଯ୍ୟକ୍ରମ ପାରମ୍ପରିକ ନାଚଗୀତର ବ୍ୟବସ୍ଥା ରହିଛି ବୋଲି ଶ୍ରୀ ରାୟ କହିଥିଲେ l ପ୍ରବଳ ଭିଡକୁ ଦୃଷ୍ଟିରେ ରଖି ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଟ୍ରାଫିକ ଓ ସୁରକ୍ଷାର ସୁବ୍ୟବସ୍ଥା କରାଯାଇଛି l ଛାତ୍ରଛାତ୍ରୀଙ୍କ ବିଭିନ୍ନ ପ୍ରତିଯୋଗିତା ପ୍ରଥମ ବିଜେତା ଗ୍ରୁପ କୁ ୩୦ ହଜlର  ଟଙ୍କା କେସ୍ ପ୍ରାଇଜ, ଦ୍ଵିତୀୟ ବିଜେତା ଗ୍ରୁପ କୁ ୨୦ ହଜାର ଓ ତୃତୀୟ ଗ୍ରୁପ କୁ ୧୦ ହଜାର ଟଙ୍କା ପୁରସ୍କାର ପ୍ରଦାନ କରାଯିବ ବୋଲି ସୂଚନା ମିଳିଛି l