21-Dec-2023

କେସିଙ୍ଗା (କେଶବ ମେହେର): କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅଧିନସ୍ତ ଦ୍ରୋଣାଚାର୍ଯ୍ୟ ଇଂଲିଶ ମିଡ଼ିଅମ ସ୍କୁଲରେ  ସ୍କୁଲ ଅଧ୍ୟକ୍ଷା ଶ୍ରୀମତୀ ଅର୍ଚ୍ଚନା ଅଗ୍ରୱାଲଙ୍କ ସଭାପତିତ୍ୱରେ ଅସ୍ମିତା- ୨୦୨୩ ସାଂସ୍କୃତିକ କାର୍ଯ୍ୟକ୍ରମ  ଅନୁଷ୍ଠିତ ହୋଇଯାଇଛି |ଏହି ସାଂସ୍କୃତିକ କାର୍ଯ୍ୟକ୍ରମ ୬ ଦିନ ଧରି ଚାଲୁଥିବା ବେଳେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ, ବିଜ୍ଞାନ ମେଳା, ଖେଳକୁଦ, ଭଳି ଅନେକ କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିବା ଛାତ୍ରଛାତ୍ରୀ ମାନଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ପଞ୍ଚମ ଦିନର ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କେସିଙ୍ଗା ନଗରପାଳ ନୃପରାଜ ଯାଦବ, ସାଂସ୍କୃତିକ ସ୍କୁଲ ପରିଚାଳନା କମିଟି ସଭାପତି ଜୟନ୍ତ ବେହେରା ଯୋଗଦେଇ ଥିଲେ |ସେହିପରି ସମ୍ମାନିତ ଅତିଥି ଭାବେ  ଜଗଦିଶ ମଣ୍ଡଳ,ଶିକ୍ଷାବିତ ପ୍ରଶାନ୍ତ ପଣ୍ଡା, ଯୋଗଦେଇଥିଲେ |ସେହିପରି କାର୍ଯ୍ୟକ୍ରମକୁ ଆହୁରି ରଙ୍ଗମଞ୍ଚ କରିବା ପାଇଁ ବିଶିଷ୍ଟ କଣ୍ଠଶିଳ୍ପୀ ପଙ୍କଜ ଜାଲ,ବିଶିଷ୍ଟ ସିନେମା ନିର୍ଦେଶକ ଯୁଗଳ ସାହୁ ଉପସ୍ଥିତ ଥିଲେ |ଅନ୍ୟମାନଙ୍କ ମଧ୍ୟରେ  ମହର୍ଷି ଅଗ୍ରୱାଲ, ମୋହନଲାଲ ଅଗ୍ରୱାଲ, ସ୍କୁଲ କାର୍ଯ୍ୟକାରିଣୀ ସଦସ୍ୟଙ୍କ ସମେତ ଦ୍ରୋଣାଚାର୍ଯ୍ୟ ସ୍କୁଲର ଅଧ୍ୟକ୍ଷା  ଶ୍ରୀମତୀ ଅର୍ଚନା ଅଗ୍ରୱାଲ ଉପସ୍ଥିତ ରହି ଉକ୍ତ ସ୍କୁଲରେ ୬ ଦିନ ଜାରିରହିଥିବା କାର୍ଯ୍ୟକ୍ରମ କୁ ସରସ ସୁନ୍ଦରମୟ କରିଥିଲେ |ଓ ସ୍କୁଲ ର ଛୋଟଛୋଟ ଛାତ୍ରଛାତ୍ରୀ ମାନେ ଇଭେଣ୍ଟ ମାନଙ୍କରେ ଉତ୍ତୀର୍ଣ୍ଣ ହୋଇଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କାର ବିତରଣ କରିଥିଲେ ।ସର୍ବ ଶେଷରେ ସମସ୍ତ ଙ୍କୁ ଧନ୍ୟବାଦ୍ ଦେଇ ସଭା ସାଙ୍ଗ କରିଥିଲେ।