18-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ):  ସିନ୍ଧୁଗୋରା -ମନମୁଣ୍ଡା  ୪୧ନଂ ରାଜ୍ୟ ରାଜପଥର ଘଣ୍ଟାପଡ଼ା ଠାରେ ଶନିବାର ୨ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି  l ଏହି ଦୁର୍ଘଟଣାରେ ଦୁଇ ବାଇକ ଚାଳକ ଗୁରୁତର ଆହତ ହୋଇଛନ୍ତି l ବିଧାୟକ ମହିଧର ରଣା ଘଟଣା ସ୍ଥଳରେ ପହଞ୍ଚି ଆମ୍ବୁଲାନ୍ସ ସାହାଯ୍ୟରେ ଦୁଇ ଗୁରୁତରଙ୍କୁ ପଠାଇ ଡାକ୍ତରଖାନାରେ ଭର୍ତି କରିଛନ୍ତି l ସୂଚନା ପ୍ରକାରେ ଖମନମୁଣ୍ଡା ଗ୍ରାମର ଜଣେ ବ୍ୟକ୍ତି ପମ୍ପରୁ ତେଲ ଭରି ଫେରିବା ସମୟରେ କଣ୍ଟାମାଳ ପଟୁ ଆସୁଥିବା ଅନ୍ୟ ଏକ ବାଇକ ସହ ମୁଂହାମୁହିଁ ଧକକା

ହୋଇଥିଲା l ଆହତ ଦୁଇ ବାଇକ ଚାଳକ ହେଲେ ଖମନମୁଣ୍ଡା ଗ୍ରାମର ରମେଶ ସାଣ୍ଢ ଓ ସିଲେଟପଡ଼ା ଗ୍ରାମର ଭଗବାନ ଝାଙ୍କର l ନିକଟରେ ଥିବା ବିଧାୟକ ମହିଧର ରଣା ଘଟଣା ସ୍ଥଳରେ ପହଞ୍ଚି ସହଯୋଗର ହାତ ବଢାଇଥିଲେ । ଦୁଇ ଗୁରୁତରଙ୍କୁ କଣ୍ଟାମାଳ ଡାକ୍ତରଖାନାରେ ଭର୍ତି କରାଯାଇଥିଲା l  ପରେ ଭଗବାନ ଝାଙ୍କରଙ୍କୁ ସୋନପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।