13-Dec-2023

ବଲାଙ୍ଗିର(ଚିତ୍ରସେନ ବେହେରା)- ବଲାଙ୍ଗିର ର ଦଳିତ ସାହିତ୍ୟିକ ତଥା ସମାଜସେବୀ ଜନ୍ମଜେୟ ବାରିକଙ୍କୁ ଜାତୀୟ ସ୍ତରର ସମ୍ମାନ ଦିଲ୍ଲୀ ଠାରେ ପ୍ରଦାନ କରାଯାଇଛି । ସୂଚନାଯୋଗ ଯେ ନୁଆଦିଲ୍ଲୀର ଜରୋଦା ଗ୍ରାମସ୍ଥିତ ପଞ୍ଚଶୀଳ ଆଶ୍ରମରେ ଦଳିତ ସାହିତ୍ୟ ଏକାଡେମୀ ତରଫରୁ ଡିସେମ୍ବର ୧୦ ଓ ୧୧ ତାରିଖ ଦୁଇ ଦିନ ଧରି ୩୯ ତମ ଜାତୀୟ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମ୍ମିଳନୀରେ ଦଳିତ, କଳା, ସାହିତ୍ୟ ଓ ସଂସ୍କୃତି କ୍ଷେତ୍ରରେ ଅନନ୍ୟା ଅବଦାନ ରଖିଥିବା ବିଶିଷ୍ଟ ବ୍ୟକ୍ତିମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।ଏହି କାର୍ଯ୍ୟକ୍ରମରେ ଜନ୍ମ ଙ୍କୁ ଦଳିତ ସାହିତ୍ୟ ଓ ସମାଜସେବା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ଆମ୍ବେଦକର ସମ୍ମାନ ରେ ସମ୍ବର୍ଦ୍ଧିତ କରାଯାଇଥିଲା । ଶ୍ରୀ ବାରିକଙ୍କୁ ଜିଲ୍ଲା ଦଳିତ ସମାଜ ତଥା ଅନ୍ୟନ୍ୟ ସଂଗଠନ ତରଫରୁ ଶୁଭେଚ୍ଛା ଓ ଅଭିନନ୍ଦନ ଜ୍ଞାପନ କରାଯାଇଛି ।