13-Dec-2023

ବଲାଙ୍ଗୀର(ଚିତ୍ରସେନ ବେହେରା) ଡାକବିଭାଗରେ କାର୍ଯ୍ୟରତ ଗ୍ରାମୀଣ ଡାକସେବକମାନଙ୍କର ସମସ୍ୟାଗୁଡିକୁ ସମାଧାନ କରାଯାଉନଥିବାରୁ ଗତକାଲି ଠାରୁ ଅନିର୍ଦ୍ଦିଷ୍ଟକାଳ ଧର୍ମଘଟ ଆଜି ଦ୍ୱିତୀୟ ଦନିରେ ପହଞ୍ଚିଛି ।  ଅଖିଲଭାରତ ଗ୍ରାମୀଣଡାକ ସେବକସଂଘ,ବଲାଙ୍ଗୀର ମଣ୍ଡଳ ପକ୍ଷରୁ ବଲାଙ୍ଗୀର ମୁଖ୍ୟଡାକଘର ସମ୍ମୁଖରେ ଧାରଣା ଆରମ୍ଭ କରାଯାଇଛି । ସଂଘର ସଭାପତି ଦଶରଥ ଦାସ ଓ ସଂପାଦକ ଜୟକୃଷ୍ଣ ସାହୁଙ୍କ ନେତୃତ୍ୱରେ ଅନୁଷ୍ଠିତ ଏହି ଧାରଣାରେ ଶତାଧିକ ଡାକସେବକ ସାମିଲ ହୋଇ ମୁଖ୍ୟଡାକଘର ଗେଟରେ ତାଲା ପକାଇ ଧାରଣା ଦେଇଛନ୍ତି । ସେମାନଙ୍କର ଅଭିଯୋଗ ହେଲା ଯେ,୨୦୧୭ ସପ୍ତମ ବେତନ କମିଶନ ରିପୋର୍ଟ ଦେବାପରେ ଡାକବିଭଗକୁ କମଳେଶଚନ୍ଦ୍ର କମିଟି ରିପୋର୍ଟ ଦେଇଥିଲେ । କିନ୍ତୁ ଡାକବିଭାଗ ଏହାକୁ ଗ୍ରହଣ କରିନାହାଁନ୍ତି । ଯେମିତି ୧୨,୨୪,୩୬ ଆର୍ଥିକ ପଦୋନ୍ନତି,ଗ୍ରାଚ୍ୟୁଟି(୫ଲକ୍ଷ),ଗ୍ରୁପଇନସ୍ୟୁରାନ୍ସ(୫ଲକ୍ଷ),ମେଡିକାଲ ଭତ୍ତା,୧୮୦ଦିନର ଛୁଟିଜମା,ସମାନ କାମକୁ ସମାନ ଦରମା,ସେବକମାନଙ୍କ ପାଇଁ ଅବସରକାଳିନ ପେନସନ ପ୍ରଦାନ ଇତ୍ୟାଦି ଦାବିକୁ ଗ୍ରହଣ କରୁନାହାଁନ୍ତି । ଏହିସବୁ ଦାବିକୁ ନେଇ ସଂଘ ଅନେକଥର ଧାରଣା,ଧର୍ମଘଟ ଇତ୍ୟାଦି କରାଯାଇଛି । ତେଣୁ ପୁଣିଥରେଏହି ଧାରଣା ଆରମ୍ଭ କରାଯାଇଛି । ଏହି ଧର୍ମଘଟକୁ ରାଜ୍ୟସଭା ସାଂସଦ ନିରଞ୍ଜନ ବିଶି ମଧ୍ୟ ସମର୍ଥନ କରିଛନ୍ତି ।