11-Dec-2023

ଗୁଡ଼ଭେଲା (ପଞ୍ଚାନନ ନାଏକ ): ବଲାଙ୍ଗୀର ପଶ୍ଚିମ ଓଡ଼ିଶା ସେବା ସଂଘ ଓ ବିଭିନ୍ନ ମହିଳା ସଂଗଠନ ପକ୍ଷରୁ ବଲାଙ୍ଗିର ଜିଲ୍ଲା ଗୁଡଭେଲା ବ୍ଲକ ନୂଆଁପଡା ଗ୍ରାମପଞ୍ଚାୟତରେ ବିଭିନ୍ନ ସମସ୍ୟା ନେଇ  ନୂଆଁପଡ଼ା ଗ୍ରାମପଞ୍ଚାୟତ କାର୍ଯ୍ୟାଳୟ ଠାରେ ସ୍ଥାନୀୟ ସରପଞ୍ଚ କୁଞ୍ଜବିହାରୀ ସାହୁଙ୍କ ଆଲୋଚନା କରିବା ପରେ ତାଙ୍କ  ଜରିଆରେ ଜିଲ୍ଲାପାଳଙ୍କୁ ଏକ ପାଞ୍ଚ ଦଫା ଦାବୀପତ୍ର ପ୍ରଦାନ କରିଛନ୍ତି। ଉକ୍ତ ଦାବୀପତ୍ରରେ ଦର୍ଶାଇଛନ୍ତି ଯେ, ନୂଆପଡ଼ା ଗ୍ରାମ ପଞ୍ଚାୟତରେ ପିଇବା ପାଣି ସମସ୍ୟା, ନଳକୂପ ଗୁଡିକ ଅଚଳ ଅବସ୍ଥାରେ ପଡି ରହିଥିବାରୁ ଲୋକ ବହୁତ ଅସୁବିଧାର ସମ୍ମୁଖ ହେଉଛନ୍ତି । ମହିଳାମାନେ ପ୍ରାୟ ଏକ କିଲୋମିଟର ଯାଇ ପିଇବା ପାଣି ସଂଗ୍ରହ କରିବାକୁ ପଡୁଛି, ବିଭିନ୍ନ ରାସ୍ତାରେ ଥିବା ନଳକୂପ ବାରମ୍ବାର ଖରାପ ହେଉଛି, ଏହାର ମରାମତି ଦିଗରେ କେହି ଦୃଷ୍ଟି ଦେଉ ନାହାନ୍ତି , ନୂଆଁପଡ଼ା ଗ୍ରାମରେ ପାଇପ ଯୋଗେ ପିଇବା ପାଣି ଯୋଗାଇ ଦିଆଯାଉଛି କିନ୍ତୁ ଦାୟିତ୍ବରେ ଥିବା କର୍ମଚାରୀ ମନ ଇଛା ପାଣି ଯୋଗାଣ କରୁଛନ୍ତି। ଏହାକୁ ସକାଳୁ ୨ ଘଣ୍ଟା ଓ ସନ୍ଧ୍ୟା ସମୟରେ ୨ ଘଣ୍ଟା ଦେବା ପାଇଁ ଅନୁରୋଧ, ଏହା ସହିତ ଗାଁର କିଛି ଅଞ୍ଚଳରେ ପାଇପ ପାଣି ଆସୁ ନାହିଁ । ସେହି ସ୍ଥାନଗୁଡିକୁ ତୁରନ୍ତ ଚିହ୍ନଟ କରି ପାଇପ ଜଳ ଯୋଗେଇ ଦେବା ପାଇଁ ଅନୁରୋଧ ଆଦି ଅଭିଯୋଗ ପତ୍ରରେ ଉଲ୍ଲେଖ କରିଛନ୍ତି। ଏହି ଦାବୀ ଗୁଡିକ ପୂରଣ ନହୁଏ ତେବେ ଆଗାମୀ ଦିନରେ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେବା ସହ ରାଜରାସ୍ତାକୁ ଉଲ୍ଲେଇବା ପାଇଁ ବାଧ୍ଯ ହେବୁ ବୋଳି ସଂଘ ପକ୍ଷରୁ କୁହାଯାଇଛି। ଏହି ଦାବୀପତ୍ର ଦେବା ବେଳେ ପଶ୍ଚିମ ଓଡ଼ିଶା ସେବା ସଂଘ ସଭାପତି ରାଜେଶ ବଗର୍ତ୍ତୀ, ଜମ୍ଭୋବତି ଥନାପତି, ଗୁଳାପୀ ସେଲମା, କାନ୍ତି ବଗର୍ତ୍ତୀ, ବେଳମତି ସେଲମା, ବିନୋଦିନୀ ସେଲମା, ଡୁଲେଶ୍ଵରୀ ମାନହିର ଆଦି ଉପସ୍ଥିତ ଥିଲେ ।