11-Dec-2023

ବଲାଙ୍ଗିର (ପ୍ରେରଣା ଖବର ): ଓଡିଶାର କଳା ସାହିତ୍ଯ ଓ ସଂସ୍କୃତିର  ମୂଳଦୁଆ ଥିଲେ କୋଶଲ ନାଟ୍ୟ ମହର୍ଷି ଗୁରୁ ଭଗବାନ ସାହୁ। ତାଙ୍କର ତ୍ୟାଗପୂତ ଜୀବନ ଓ ସଂସ୍କୃତି ସମର୍ପିତ  ପ୍ରାଣତା  ହିଁ ଆଜିର    ଯୁବପିଢି ପାଇଁ  ଉଜ୍ଜ୍ବଳ ଆଲୋକ ର ବତୀଘର ସଦୃଶ୍ୟ  ବୋଲି ମତ ପ୍ରକାଶ ପାଇଛି ଗୁରୁ ଭଗବାନ ସାହୁ  ରାଜ୍ଯ ସ୍ତରୀୟ  ସ୍ମୃତିକମିଟିର  ଆନୁକୂଲ୍ୟରେ ସଂସ୍କାର ଭାରତୀ ର ବଲାଙ୍ଗୀର ଶାଖା ଆୟୋଜନରେ ବଲାଙ୍ଗୀର ଯାଦବ ଭବନ ଠାରେ ଅନୁଷ୍ଠିତ  ଗୁରୁ ଭଗବାନ ସାହୁଙ୍କ  ୨୩ତମ ଶ୍ରାଦ୍ଧବାର୍ଷିକୀ ଅବସରରେ ଅନୁଷ୍ଠିତ ଆଲୋଚନା ଚକ୍ରରେ। ସଂସ୍କାର ଭାରତୀ ର ପଶ୍ଚିମ ପ୍ରାନ୍ତ  ମହାମନ୍ତ୍ରୀ ନାଟ୍ୟଶ୍ରୀ ଗଦାଧର ବାରିକ ସଭାପତିତ୍ବ ରେ ଅନୁଷ୍ଠିତ 'ପଶ୍ଚିମ ଓଡିଶାର ଭାଷା,କଳା ଓ ସଂସ୍କୃତି ଏବଂ ଗୁରୁ ଭଗବନ ସାହୁ' ଶୀର୍ଷକ ଆଲୋଚନାଚକ୍ର ଓ କବିତା ପାଠୋତ୍ସବ ରେ ଅତିଥି ବକ୍ତା ଭାବରେ। ଡକ୍ଟର ଶ୍ରୀକର ମିଶ୍ର,  ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଚିତ୍ରଶିଳ୍ପୀ ତଥା ସଂସ୍କାର ଭାରତୀ ବଲାଙ୍ଗୀର ଶାଖା ସଭାପତି  ବାସୁଦେବ ମେହେର,କବି ସନ୍ଦୀପ କୁମାର କୁଅଁର  ମଂଚାସୀନ ହୋଇ ଆଲୋଚନା କରିବା ସହ ଗୁରୁ ଭଗବାନ ସାହୁଙ୍କ ଶବ୍ଦ ନୃତ୍ୟକୁ ପ୍ରଚାର କରାଗଲେ ତାହାହିଁ ହେବ ଶ୍ରେଷ୍ଠ ଶ୍ରଦ୍ଧାଞ୍ଜଳୀ ବୋଲି ମତ ଦେଇଥିଲେ ।ଏହି ଅବସରରେ ଡକ୍ଟର ଶ୍ରୀକର ମିଶ୍ର,  ନାଟ୍ୟଭୂଷଣ ଜଗଦାନନ୍ଦ ଛୁରିଆ, କବୟତ୍ରୀ ସବିତା ମହରା,  କବୟତ୍ରୀ ଚୁମକି ଦାଶ ମିଶ୍ର, କବୟତ୍ରୀ ବାସନ୍ତୀ ମଂଜରୀ ହନୁମାନଙ୍କୁ ସମାଜସେବା, ଶିକ୍ଷା ଓ ସାହିତ୍ୟ ତଥା କବିତା କ୍ଷେତ୍ରରେ ଉଲ୍ଲେଖଯୋଗ୍ଯ ଅବଦାନ ପାଇଁ  ଗୁରୁ ଭଗବାନ ସାହୁ ସ୍ମୃତି ସମ୍ମାନରେ ସମ୍ବର୍ଦ୍ଧିତ କରାଯାଇଥିଲା । ଆଲୋଚନାରେ ଅନ୍ଯମାନଙ୍କ ମଧ୍ୟରେ  ସବିତା ମହରା, ଚୁମକୀ ଦାସ,ଧର୍ମେନ୍ଦ୍ର ପ୍ରଧାନ,ବାସନ୍ତୀ ମଂଜରୀ ହନୁମାନ ଓ ଡକ୍ଟର ଭବାନୀ ଶଂକର ପଟେଲ  ବକ୍ତବ୍ଯ ପ୍ରଦାନ କରିଥିଲେ।

ଏହି ଅବସରରେ ଖୁସି ସାଂସ୍କୃତିକ ଓ ଗବେଷଣା  କେନ୍ଦ୍ର ର କଳାକାର ମାନେ  ସୁନ୍ଦର ଲୋକନୃତ୍ଯ  ପରିବେଷଣ କରିଥିବା
ବେଳେ  ନୃତ୍ଯ ଶିଳ୍ପୀ ମାନଙ୍କର ଗୁରୁ ସୁଶ୍ରୀ ଜ୍ୟୋତିରେଖା ତ୍ରିପାଠୀ ଙ୍କୁ ସ୍ମୃତିଫଳକ ଦେଇ ସମ୍ମାନିତ କରାଯାଇଥିଲା।

ପ୍ରାରମ୍ଭିକ ସଂଗୀତର ପରିବେଷଣ ସହ ଶେଷରେ ଧନ୍ୟବାଦ ଅର୍ପଣ କରିଥିଲେ ନିସାର ଅହମ୍ମଦ ନିସାର। କାର୍ଯ୍ୟକ୍ରମ ଆୟୋଜନ ରେ ସହଯୋଗିତା କରିଥିଲେ ବାସୁଦେବ ସା,କିଶୋର ଜାଲ।