11-Dec-2023

ବିନିକା(ହିମାଂଶୁ ଶେଖର ପୁଟେଲ) ପେଶା ଚାକିରୀ ହେଲେ ନିଶା ସାମାଜିକ କାର୍ଯ୍ୟକ୍ରମକୁ ବେଶି ଗୁରୁତ୍ତ୍ଵ ଦେବା ।ଆଜି ସେହି ସାମାଜିକ କାର୍ଯ୍ୟକ୍ରମର ସଫଳତା ଜାତୀୟ ସ୍ତରରେ ମିଳିଥିବାରୁ ଅତ୍ୟନ୍ତ ଖୁସି ବୋଲି ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି ।ସେ ଆଉ କେହି ନୁହେଁ । ସେ ହେଉଛନ୍ତି ବିନିକା ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ।ଆଜି ଭାରତୀୟ ଦଳିତ ସାହିତ୍ୟ ଏକାଡେମୀ ତରଫରୁ ନୂଆଦିଲ୍ଲୀ ସ୍ଥିତ ପଞ୍ଚଶିଲା ଆଶ୍ରମ ଠାରେ ଅନୁଷ୍ଟିତ ଏକ ସ୍ଵତନ୍ତ୍ର କାର୍ଯ୍ୟକ୍ରମରେ ଡ଼ ଆମ୍ବେଦକର ସାହିତ୍ୟ ଦଳିତ ଏକାଡେମୀ ଆୱାର୍ଡ଼ ଅର୍ଥାତ ଭିରାଙ୍ଗନା ଜଲକରିବାଇ ନ୍ୟାସନାଲ ଆୱାର୍ଡ଼ରେ ରେଖା ପ୍ରଧାନଙ୍କୁ ସମ୍ମାନିତ କରାଯାଇଛି । ନ୍ୟାସନାଲ ସେମିନାର ସଭାପତି ଡ଼ଃ ଏସ.ପି ସୁମନ ଶେଖରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ନେପାଲ ରାଜା,ପୂର୍ବତନ କେନ୍ଦ୍ର ମନ୍ତ୍ରୀ ସତ୍ୟ ନାରାୟଣ ଝାଟିଆ ଅତିଥି ଭାବରେ ଯୋଗଦେଇ ଅଧ୍ୟକ୍ଷା ଶ୍ରୀମତୀ ରେଖା ମ୍ୟାଡାମଙ୍କୁ ଉପଢ଼ୌକନ ଓ ମାନପତ୍ର ଦେଇ ସମ୍ବର୍ଦ୍ଧିତ କରିଥିଲେ।ସୂଚନା ଯୋଗ୍ୟ ଯେ ସୋସିଆଲ ସର୍ଭିସ ଓ ଲିଟ୍ରେସି ଏକ୍ଟିଭିଟିଜ ଆଦି କାର୍ଯ୍ୟକ୍ରମକୁ ଶ୍ରୀମତୀ ରେଖା ସଫଳତାର ସହିତ ସମ୍ପାଦନା କରି ଆସୁଥିବାରୁ ତାଙ୍କୁ ଏହି ଆୱାର୍ଡ଼ ମିଳିଛି ।ଅନ୍ୟ ପକ୍ଷରେ ସାମାଜିକ କାର୍ଯ୍ୟକ୍ରମ ବ୍ୟତୀତ କଳା କ୍ଷେତ୍ରରେ ମଧ୍ୟ ତାଙ୍କର ପାରଦର୍ଶିତା ରହିଛି ।ଅତୀତରେ ବିଶ୍ୱ ପ୍ରସିଦ୍ଧ ବରଗଡ ଧନୁଯାତ୍ରାରେ ଦେବକୀ ଭୂମିକା ନିଭାଇଥିଲେ।ସେହିପରି କଲେଜ ତରଫରୁ ଏବଂ ଲୋକାଲିଟି ସ୍ତରରେ ହେଉଥିବା ବିଭନ୍ସ୍ ସାମାଜିକ,ସାଂସ୍କୃତିକ କାର୍ଯ୍ୟକ୍ରମକୁ ମଧ୍ୟ ତୁଲାଇବାରେ ପ୍ରମୁଖ ଭୂମିକା ନେଉଛନ୍ତି ।