10-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ) କଣ୍ଟାମାଳ ବ୍ଲକ ଖୁଣ୍ଟିଗୋରା ପଞ୍ଚାୟତ ଅନ୍ତର୍ଗତ ମସିଣାଗୋରା ସରସ୍ଵତୀ ଶିଶୁ ବିଦ୍ୟା ମନ୍ଦିର ପ୍ରଧାନଆଚାର୍ଯ୍ୟ ସୁଶାନ୍ତ ସାହୁ  ଙ୍କ   ଅଧ୍ୟକ୍ଷତାରେ ଜେଜେ ବାପା/ ଜେଜେ ମାଆ ସମ୍ମିଳନୀ କାର୍ଯ୍ୟକ୍ରମ  ଅନୁଷ୍ଠିତ ହୋଇ ଯାଇଛି। ଏହି  କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପଞ୍ଚାୟତ ଉଚ୍ଚବିଦ୍ୟାଳୟ ର ପ୍ରଧାନ ଶିକ୍ଷକ ସୋମନାଥ ସାହୁ 
 

 ଦୀପ ପ୍ରଜ୍ବଳନ କରିଥିଲେ  । ସମ୍ମାନୀତ ଅତିଥି ଭାବେ ବୌଦ୍ଧ ଜିଲ୍ଲା ପ୍ରମୁଖ କାର୍ତ୍ତିକେଶ୍ଵର ବେହେରା ,  କୋଷାଧ୍ୟକ୍ଷ ମନ୍ଦରଧର ବେହେରା ଉପସ୍ଥିତ ଥିଲେ । ମୁଖ୍ୟ ବକ୍ତା ଭାବେ ପ୍ରବଚକ ପଣ୍ଡିତ ଚମ୍ପେଶ୍ବର ପାଣିଗ୍ରାହୀ  ଉପସ୍ଥିତ ରହି  ଜେଜେ ବାପା ଜେଜେ ମାଆ ମାନେ ଶିଶୁ ମାନଙ୍କ ପ୍ରତି ପରିବାର ରେ ଆଗ୍ରହ ସୃଷ୍ଟି କରିବାର ମୁଖ୍ୟ ପାହାଚ ବୋଲି ବକ୍ତବ୍ୟ ରଖିଥିଲେ। ପ୍ରଧାନ ଆଚାର୍ଯ୍ୟ ସୁଶାନ୍ତ ସାହୁ ଅତିଥି ପରିଚୟ କରିଥିବା ବେଳେ ଆଚାର୍ଯ୍ୟା ସଂଧ୍ୟାରାଣୀ ମନହିରା ମଞ୍ଚ ପରିଚାଳନା କରିଥିଲେ ।  କୋଷାଧ୍ୟକ୍ଷ ମନ୍ଦରଧର ବେହେରା ଧନ୍ୟବାଦ ଅର୍ପଣ କରି ଥିଲେ। ଶିଶୁ ବାଟିକା ବିଭାଗ ର  ଶିଶୁ ବାଟିକା  ପ୍ରମୁଖ  ଝରଣା ପ୍ରଧାନ ଓ ଆଚାର୍ଯ୍ୟା ମମିତା ରଣା  ଶିଶୁ ଭାଇ ଭଉଣୀ ମିଶି ମାଆ ମାନଙ୍କୁ ନେଇ ନୃତ୍ୟ ଗୀତ ପରିବେଶଣ କରି ଥିଲେ । ଜେଜେ ବାପା ଜେଜେ ମାଆ ମାନେ ଛୁଞ୍ଚି ରେ

ସୂତା  ଲଗାଇ ବା ଓ ଗପ କାହାଣୀ ପ୍ରତିଯୋଗୀତା କରାଯାଇ  ପୁରସ୍କୃତ କରାଯାଇଥିଲା ।  ଆଚାର୍ଯ୍ୟା  ବେଦମତୀ କୁଦେଇ ,ମମିତା ରଣା, ଅଙ୍କିତାଶ୍ରୀ ମହାରଣା, ଆଚାର୍ଯ୍ୟ ରୋଶନ ସାହୁ, ସୁଶାନ୍ତ ମାଝୀ, ଶ୍ରୀକାନ୍ତ କୁଦେଇ ,ସେବିକା ସୁରୁସୂତା ଭୋଇ ,ବାହନ ଚାଳକ ରାଜକୁମାର ରଣା ତଥା ପରିଚାଳନା ସମିତି ର ସମସ୍ତ କାର୍ଯ୍ୟକର୍ତ୍ତା ବନ୍ଧୁ ସହଯୋଗ କରିଥିଲେ।