07-Dec-2023

କଳାହାଣ୍ଡି(ତ୍ରିନାଥ ବେଶ୍ରା): କଳାହାଣ୍ଡି ଜିଲ୍ଲା ଭବାନୀପାଟଣା ଅଧିନସ୍ଥ ନାରଙ୍ଗୀ ଖଳା ଠାରେ ନାଗରିକ ବିକାସ ସଂଗଠନ ପକ୍ଷରୁ ସାମ୍ୱାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା ଜିଲ୍ଲାରେ ରବି ଫସଲ ଚାଷ କରିବାକୁ ଚାହୁଁଥିବା ଚାଷୀ ମାନଙ୍କ ପାଇଁ ଉଚିତ ସମୟ ପୂର୍ବରୁ ମାଗଣା ବିହନର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ। ଏଥିସହିତ ଡିସେମ୍ବର ପ୍ରଥମ ସପ୍ତାହ ସୁଦ୍ଧା ପର୍ୟ୍ୟାପ୍ତ ପରିମାଣର ବିହନ ଚାଷୀ ମାନଙ୍କୁ ଯୋଗାଇ ଦେଲେ ଠିକ୍ ସମୟରେ ଚାଷ କାର୍ଯ୍ୟ ହୋଇପାରିବ ବୋଲି ସଙ୍ଗଠନ ପରିଚାଳକ ବିଭାଗୀୟ ଅଧିକାରୀଙ୍କୁ ଅନୁରୋଧ କରିଛନ୍ତି।
ଜୁଲାଇ ମାସରୁ, ନାଗରିକ ବିକାଶ ସଙ୍ଗଠନ ତରଫରୁ ଅକ୍ଟୋବର ୧୫ ତାରିଖ ସୁଦ୍ଧା ସମସ୍ତ ଆଗ୍ରହୀ ଚାଷୀ ମାନଙ୍କୁ ରବି ଫସଲ ପାଇଁ ବିହନ ଯୋଗାଇ ଦେବା ନିମନ୍ତେ ବ୍ଲକ ଓ ଜିଲ୍ଲା କର୍ତ୍ତୃପକ୍ଷଙ୍କ ସହ ନିୟମିତ ଭାବେ ପରାମର୍ଶ କରିଆସୁଛି। କୃଷକମାନଙ୍କର ଏକ ବିସ୍ତୃତ ତାଲିକା ଯାହାକି ବ୍ଲକ ଏବଂ ଜିଲ୍ଲା କୃଷି ଅଧିକାରୀଙ୍କୁ ଦିଆଯାଇଛି। କିନ୍ତୁ ଦୁର୍ଭାଗ୍ୟବଶତଃ ଅନେକ ଚାଷୀ ଏପର୍ଯ୍ୟନ୍ତ ବିହନ ପାଇନାହାନ୍ତି, ଯାହା ଦ୍ୱାରା ସେମାନଙ୍କର ଚାଷ ବୃତ୍ତି ପାଇଁ ଏକ ଆହ୍ୱାନ ସୃଷ୍ଟି କରିଛି।ନାଗରିକ ବିକାଶ ସଙ୍ଗଠନର କର୍ମକର୍ତ୍ତl କଲ୍ୟାଣୀ ଦାସ, ଉପେନ୍ଦ୍ର ଶୁନାନୀ, ଅର୍ଜୁନ ଭାଇ, ମଧୁସୁଦନ ନାୟକ, ବାବୁଲାଲ ତାଣ୍ଡି,, ଜଗନ୍ନାଥ ଶଗଡ଼ିଆ, ପର୍ଶୁ ରାମ ନାୟକ, ସୁଦର୍ଶନ ନାୟକ, ତ୍ରିନାଥ ବେଶ୍ରା, ଯୁଗେଶ୍ୱର୍ ନାୟକ, ଉପସ୍ଥିତ ରହି ଏହି କାର୍ଯ୍ଯକ୍ରମକୁ ସହଯୋଗ କରିଥିଲେ l