07-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ):  ଅବହେଳିତ ଅନୁନ୍ନତ ପଛୁଆ ଜିଲ୍ଲା ଭାବେ ଓଡ଼ିଶାର ମଧ୍ୟ ଭାଗରେ ଥିବା ବୌଦ୍ଧ ଜିଲ୍ଲାରେ ସେବା, ସଂସ୍କାର ଏବଂ ସଂଘର୍ଷ କୁ ସଂଗଠନର ମୂଳମନ୍ତ୍ର କରି ସମଗ୍ର ବୌଦ୍ଧ ଜିଲ୍ଲାରେ ଗର୍ଜନ ସେନାର କାର୍ଯ୍ୟକର୍ତ୍ତା ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ କାମ କରୁଛନ୍ତି। ଜିଲ୍ଲାର କଣ୍ଟାମାଳ ଓ ହରଭଙ୍ଗା ବ୍ଲକ ଭଳି ଉପାନ୍ତ ଓ ଅନୁନ୍ନତ ଅଞ୍ଚଳରେ ଗର୍ଜନ ସେନା ତାର ସ୍ବେଛାକୃତ କାର୍ଯ୍ୟକ୍ରମ ମାଧ୍ୟମରେ ଲୋକଙ୍କ ଓ ଅଂଚଳର ବିଭିନ୍ନ ସମସ୍ୟା ଉପରେ ସଂଘର୍ଷ ପାଇଁ ନିଷ୍ପତ୍ତି ନେଇଛି l  ଏହି ପଡି଼ପେକ୍ଷୀରେ କଣ୍ଟାମାଳ ବ୍ଲକ
ଅନ୍ତର୍ଗତ ବରଗାଁ ଅଞ୍ଚଳର ଯୁବ ସ୍ଵେଚ୍ଛାସେବୀ ଶାନ୍ତନୁ ପ୍ରଧାନଙ୍କୁ ବୌଦ୍ଧ ଜିଲ୍ଲା ବିକାଶ ଗର୍ଜନ ସେନାର କଣ୍ଟାମାଳ ବ୍ଲକ୍ ସେନା ପ୍ରମୁଖ ଭାବେ ଚୟନ କରାଯାଇଥିବା ଗର୍ଜନ ସେନା ଜିଲ୍ଲା ସେନା ପ୍ରମୁଖ ବାଲ୍ମିକୀ ମହାକୁଡ ଆଜି ଏକ ପ୍ରେସ ବିଜ୍ଞପ୍ତି ଜରିଆରେ ସୁଚନା ଦେଇଛନ୍ତି। ଆଗାମୀ ଦିନରେ ବୌଦ୍ଧ ଜିଲ୍ଲାକୁ ଏକ ସ୍ବତନ୍ତ୍ର ଗାରିମା ମୟ ପରିଚୟ ସୃଷ୍ଟି କରିବାରେ ଗର୍ଜନ ସେନା ସହାୟକ ହେବ ବୋଲି ସଙ୍ଗଠନ ଦାବି କରିଛି।