02-Dec-2023

ବଲାଙ୍ଗୀର, ( ପ୍ରେରଣା ଖବର ) : ମାନବ ସେବା ହିଁ ମାଧବ ସେବା। ପ୍ରକୃତରେ ବିପଦ କିମ୍ବା ଅସହାୟ ଅବସ୍ଥାରେ ଥିବା ବ୍ୟକ୍ତିଙ୍କୁ ସହାୟତା କରିବା ହିଁ ସମାଜ ସେବାର ପ୍ରମାଣ ଦେଇଥାଏ। ଏହି ମାନବିକତାର ପରିଚୟ ସୃଷ୍ଟି କରିଛନ୍ତି ଗଞ୍ଜାମ ଜିଲ୍ଲା ଅନ୍ତର୍ଗତ ଖଲ୍ଲିକୋଟ ବ୍ଲକ ଅନ୍ତର୍ଗତ  ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟ, କଞ୍ଚଣା ରେ କାର୍ଯ୍ୟରତ ବିଜ୍ଞାନ ଶିକ୍ଷକ ନିରଞ୍ଜନ ବିଶ୍ୱାଳ। ଶିକ୍ଷାଦାନ କରିବା ସହିତ ରେଡ୍ କ୍ରସ୍ କାର୍ଯ୍ୟକ୍ରମ , ସ୍କାଉଟ୍ ମାଷ୍ଟର, ହେଲଥ ଏବଂ ୱେଲନେସ୍ ଆମ୍ବାସାଡାର ଦାୟିତ୍ଵ ବହନ କରନ୍ତି। ସେ ରାଜ୍ୟ ସରକାରଙ୍କ ୫ଟି କାର୍ଯ୍ୟକ୍ରମରେ ବିଦ୍ୟାଳୟ ସ୍ତରରେ ନୋଡାଲ ଅଫିସର ଅଟନ୍ତି ।  ବଲାଙ୍ଗୀର ଜିଲ୍ଲାର ଭୀମ ଭୋଇ ମେଡିକାଲ ପରିସର ମଧ୍ୟରେ ସହଯୋଗ ଫାଉଣ୍ଡେସନ ଦ୍ଵାରା ରବିବାର ଦିନ ୪୦୦ ରୁ ଉର୍ଦ୍ଧ୍ବ ବ୍ୟକ୍ତି ମାନଙ୍କୁ ଆହାର ଯୋଜନାରେ ନିଜକୁ ସାମିଲ୍ କରି ସମସ୍ତଙ୍କର ପ୍ରଶଂସାର ପାତ୍ର ହୋଇପାରିଛନ୍ତି। ସେବାକୁ ବ୍ରତ କରିଥିବା ଯୋଗୁଁ  ବଲାଙ୍ଗୀର ଜିଲ୍ଲାର କ୍ରୀଡା ଅଧିକାରୀ ପରାଶର ବାଗଙ୍କ  ଦ୍ଵାରା ସହଯୋଗ ଫାଉଣ୍ଡେସନ ତରଫରୁ ନିରଞ୍ଜନ ବିଶ୍ୱାଳକୁ ସମ୍ମାନୀତ କରାଯାଇଛି । କଟକ ଜିଲ୍ଲାର ନିଆଳି ବ୍ଲକର ସେଳଦା ଗ୍ରାମ ତାଙ୍କର ଜନ୍ମସ୍ଥାନ ଅଟେ। ପିତା ନିତ୍ୟାନନ୍ଦ ବିଶ୍ଵାଳ ଜଣେ ଉତ୍ତମ କୃଷକ ଅଟନ୍ତି ଏବଂ ମାତା ଉର୍ମିଳା ବିଶ୍ଵାଳ ଜଣେ ଭଲ ଗୃହିଣୀ ତଥା ଧର୍ମପରାୟଣ ବ୍ୟକ୍ତି ଅଟନ୍ତି । ତାଙ୍କର ଧର୍ମପତ୍ନୀ ସୁମିତ୍ରା ସାମଲ ଜଣେ ସରକାରୀ ବିଦ୍ୟାଳୟରେ ଶିକ୍ଷୟତ୍ରୀ ଅଟନ୍ତି। ଯେ ସଦାସର୍ବଦା ସେବମୂଳକ କାର୍ଯ୍ୟ କରିବା ପାଇଁ ଉତ୍ସାହିତ କରିଥାନ୍ତି।  ମାନବୋପକର କାର୍ଯ୍ୟକ୍ରମରେ ଆନନ୍ଦ ଅନୁଭବ କରନ୍ତି ବୋଲି ଶ୍ରୀବିଶ୍ୱାଳ ମତବ୍ୟକ୍ତ କରିଛନ୍ତି। ଶିକ୍ଷକ ତଥା ସମାଜସେବୀ ନିରଞ୍ଜନ ବିଶ୍ଵାଳ ଏହିଭଳି ଆଗକୁ ଆହୁରି ସମାଜସେବା ମୂଳକ କାର୍ଯ୍ୟକ୍ରମ କରିବାର ଲକ୍ଷ୍ୟ ରଖିଛନ୍ତି ।