01-Dec-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଲକ ଅନ୍ତର୍ଗତ ଫୁଲମୁଠି ଶ୍ରୀ ଶ୍ରୀ ବ୍ରଜ ବିହାରୀ ନାଟ୍ୟ ସଂସଦ ତରଫରୁ ଆସନ୍ତା ୨୦ରୁ୨୪ତାରିଖ ପର୍ଯ୍ୟନ୍ତ ୫ଦିନ ଧରି ହେବାକୁ ଯାଉଥିବା ଗୋକୁଳାଷ୍ଟମୀ ଯାତ୍ରା ମହୋତ୍ସବରେ କଂସ ଦରବାର ପାଇଁ ଶୁକ୍ରବାର କଂସ ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଯାତ୍ରା କମିଟି ସଭାପତି ଆନନ୍ଦ କୁମାର ହୋତାଙ୍କ ନେତୃତ୍ୱରେ ଯାତ୍ରା କମିଟି ସଦସ୍ୟ ଓ ଗ୍ରାମବାସୀ ପ୍ରାରମ୍ଭରେ ମା ପୂର୍ଣ୍ଣବାସି ଓ ଶ୍ରୀଶ୍ରୀ ବ୍ରଜ ବିହାରୀ ପ୍ରଭୁଙ୍କ ପୂଜାର୍ଚ୍ଚନା କରି ଗୋପେଶ୍ୱର ମନ୍ଦିର ସମ୍ଭୁଖରୁ ଏକ ବିରାଟ ଢୋଲ,ନିଶାନ ବାଦ୍ୟର ତାଳେ ତାଳେ ଶୋଭାଯାତ୍ରାରେ ଅନ୍ତର୍ଡ଼ା ଗ୍ରାମକୁ ପହଞ୍ଚିଥିଲେ । ସ୍ଥାନୀୟ ଗ୍ରାମ୍ୟ ମଣ୍ଡପ ଠାରେ ଆୟୋଜିତ ବର୍ଣ୍ଣାଢ଼୍ୟ ଉତ୍ସବରେ ବ୍ରାହ୍ମଣ ମାନଙ୍କ ଦ୍ଵାରା ଶ୍ଳୋକ ପଠନ କରାଯାଇଥିଲା।ପରେ ଗ୍ରାମବାସୀଙ୍କ ତରଫରୁ ପ୍ରମୋଦ କୁମାର ଦାଶ କଂସ ଭୂମିକାରେ ଅଭିନୟ କରୁଥିବା ଦୁର୍ଦ୍ଦାନ୍ତ ଖଳନାୟକ ତଥା ଅଭିନେତା ଗୋପାଳ ପଣ୍ଡାଙ୍କୁ ଉପଡ଼ୋକନ ଦେଇ ବରଣ କରିଥିଲେ ।ସେହିପରି ଯାତ୍ରା ଉଦୋକ୍ତା ତଥା ବର୍ଷୀୟାନ ୯୨ବର୍ଷୀୟା କଳାକାର ଗଣେଶରାମ ଦାଶ ମନ୍ତ୍ରୀ ସୁନିଲ ଡାଙ୍ଗଙ୍କୁ ଉପଢ଼ୌକନ ପ୍ରଦାନ କରିଥିଲେ।ସୂଚନା ଯୋଗ୍ୟ ଯେ ୧୪୨ବର୍ଷ ଧରି ବ୍ରଜ ବିହାରୀ ନାଟ୍ୟ ସଂସଦ ପକ୍ଷରୁ ଅନୁଷ୍ଟିତ ଏହି ଯାତ୍ରାର ମହୁଲଟିକ୍ରା ପଡ଼ିଆ ମଥୁରା ନଗରୀରେ କଂସର ରାଜୁତି,ଫୁଲମୁଠି ଗୋପପୁରରେ କୃଷ୍ଣ ବଳରାମଙ୍କ ଲୀଳା ଅନୁଷ୍ଟିତ ହେବ । କଂସ ବରଣ ପରେ ମହାରାଜଙ୍କ ତରଫରୁ ଅତିଥି ସତ୍କାର କରି ବନ୍ଧୁ ପଣ ନିର୍ବାହ କରାଯାଇଥିଲା । ଏହି କାର୍ଯ୍ୟକ୍ରମରେ ଯାତ୍ରା ପ୍ରସନ୍ନ ରଥ,ଯୁଧିଷ୍ଟିର ଦାଶ,ରାଜ କୁମାର ମିଶ୍ର,ବୃନ୍ଦାବନ ଦାଶ,ମହେଶ୍ୱର ସାହୁ,କିର୍ତନ୍ୟ ସାହୁ,ଶଶିଭୂଷଣ ମିଶ୍ର,ଚୈତନ୍ୟ ଦାଶ,ଭୀମସେନ ସାହୁ,ନୀଳାମ୍ବର ସାହୁ,ସୁଧୀର ପଣ୍ଡା,ଭୁବନ ମହାକୁର,ରଞ୍ଜନ ନାଏକ,ଶେଖର ଶର୍ମା,ଅପୁ ଦାଶ,ସଞ୍ଜୀବ ମେହେର, ବାବୁଳୁ ବରିହା,ସୁଶାନ୍ତ ମିଶ୍ର ପ୍ରମୁଖଙ୍କ ସମେତ ଗ୍ରାମବାସୀ ଯୋଗଦେଇଥିଲେ ।