01-Dec-2023

ମୁରିବାହାଲ(ସୁଦାମ ଚରଣ ବଘାର ): ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦରମହକୁମା ସ୍ଥିତ ଗୋଷ୍ଠୀ ଶିକ୍ଷା ଅଧିକାରୀ କାର୍ଯ୍ୟାଳୟ ପରିସରରେ ଭିନ୍ନକ୍ଷମ ଛାତ୍ରଛାତ୍ରୀ ମାନଙ୍କ ପାଇଁ ବ୍ଲକ ସ୍ତରୀୟ ଖେଳ ଓ ସାଂସ୍କୃତିକ ପ୍ରତିଯୋଗିତା ସମାରୋହ ଅନୁଷ୍ଠିତ ହୋଇଯାଇଛି।ବିଇଓ ଶାନ୍ତୁନୁ କୁମାର ପଢିହାରୀ ଙ୍କ ତତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁରିବାହାଲ ତହସିଲଦାର ଆଯୁବ ମଣ୍ଡଳ ମୁଖ୍ଯ ଅତିଥି ଭାବରେ ଯୋଗଦାନ କରି ସମାରୋହ କୁ ଉଦଘାଟନ କରିଥିଲେ। ସମ୍ମାନିତ ଅତିଥି ଭାବରେ ମୁରିବାହାଲ ଏବିଇଓ କୋଦଣ୍ଡଧର ଭୋଇ, ହିରା ସିଂ ମାଝୀ,ଶିକ୍ଷକ ନେତ୍ରାନନ୍ଦ ମହାକୁର, ଯୋଗଦେଇ ଥିଲେ। ଶିକ୍ଷକ ଅଶୋକ କୁମାର ସାହୁ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବିଆରଟି ଜୟ ଗୋପାଳ ଷଡଙ୍ଗୀ, ଏମଡିଏମ ଡିଓ ରୁପେଶ ଷାଣ୍ଢ, ବିଆରଟି ନବୀନ କୁମାର ସାହୁ ,ଡିଓ ନାରାୟଣ ବେହେରା,ଆଇଇଭି ଯୁଧିଷ୍ଠିର ପଧାନ ପ୍ରମୁଖ ତଥା କାର୍ଯ୍ୟାଳୟ ର କର୍ମଚାରୀ ବ୍ରୁନ୍ଦ କାର୍ଯ୍ୟକ୍ରମ ରେ ସହଯୋଗ କରିଥିଲେ।ଏହି କାର୍ଯ୍ୟକ୍ରମ ରେ ମୁରିବାହାଲ ବ୍ଲକ ର ବାରଟି କ୍ଲଷ୍ଟର ୧୦୦ ରୁ ଉର୍ଧ ଭିନ୍ନକ୍ଷମ

ଛାତ୍ରଛାତ୍ରୀ ପ୍ରତିଯୋଗିତା ରେ ଅଂଶ ଗ୍ରହଣ କରିଥିଲେ। ସଂଗୀତ, ମ୍ଯୁଜିକ ଚେୟାର, ଚାମଚ ଦୌଡ ପ୍ରତିଯୋଗିତା ଅନୁଷ୍ଠିତ ହୋଇଥିଲା। କ୍ରୁତିତ୍ବ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ଆସନ୍ତା ଡିସେମ୍ବର ମାସ ୩ ତାରିଖ ରେ ଅନୁଷ୍ଠିତ ଭିନ୍ନକ୍ଷମ ଦିବସରେ ପୁରସ୍କାର ବିତରଣ କରାଯିବା ନେଇ କାର୍ଯ୍ୟାଳୟ ତରଫରୁ ସୂଚନା ମିଳିଛି। ଶେଷରେ ବିଆରଟି ଜୟ ଗୋପାଳ ଷଡଙ୍ଗୀ ଧନ୍ଯବାଦ ଅର୍ପଣ କରିଥିଲେ।