30-Nov-2023

ଡୁଙ୍ଗୁରିିପାଲିି, (ଅରବିନ୍ଦ ମିଶ୍ର)-ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ବଡକର୍ଲ୍ଲେ ହାଇସ୍କୁଲ ପ୍ରାଙ୍ଗଣରେ ଏକ ଦିବସୀୟ ଜୁନିୟର ରେଡକ୍ରସ ସଚେତନତା ଶିବିର ଅନୁଷ୍ଠିତ ହୋଇଯାଇଛି । ବ୍ଲକ ଶିକ୍ଷାଅଧିକାରୀ ଗଣେଶ କିିଷାନ ମୁଖ୍ୟଅତିଥି ଭାବରେ ଯୋଗଦେଇ ଜୁିନିୟର ରେଡକ୍ରସ ସହାୟତାରେ ସାମଜରେ ମାନବୀୟ ସେବା ଯୋଗାଇବାକୁ ଆହ୍ୱାନ ଦେଇଛନ୍ତି । ସମ୍ମାନୀତ ଅତିଥି ଭାବରେ ଜିଲ୍ଲା ପରିଷଦ ସଦସ୍ୟ ଗଣେଷ ଭୋଇ, ସରପଂଚ ରୋହିତ ସାହୁ, ପରିଚାଳନା କମିଟୀ ସଭାପତି ପଦ୍ମନାଭ ପୂଜାରୀ  କାର୍ଯ୍ୟକ୍ରମରେ ଯୋଗଦେଇ ମତବ୍ୟକ୍ତ କରିଥିଲେ । ଜିଲ୍ଲ ଜୁନିୟର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ଶିବିରର ଉଦ୍ଦେଶ୍ୟ ଜ୍ଞାପନ କରିବା ସହିତ ଆସନ୍ତା ମାସରେ ହେବାକୁ ଥିବା ଜିଲ୍ଲା ସ୍ତରୀୟ ଶିକ୍ଷା ଓ ତାଲିମ ଶିବିର ସଂପର୍କିତ କାର୍ଯ୍ୟକ୍ରମ ବିଷୟରେ ମାର୍ଗଦର୍ଶନ କରିଥିଲେ । ପ୍ରଧାନଶିକ୍ଷକ ପ୍ରମୋଦ ପ୍ରଧାନ ଶିବିରରେ ଅଧ୍ୟକ୍ଷତା କରିଥିଲେ । ଶିବିରରେ ବ୍ଲକର ବିଭିନ୍ନ ସ୍କୁଲରୁ

 ଯୋଗଦେଇଥିବା ଜୁନିଅର ଛାତ୍ରଛାତ୍ରୀ ଏବଂ ପରାମର୍ଶଦାତା ମାନଙ୍କୁ ସାଧନକର୍ମି ହୃଷିକେଶ ଡାଙ୍ଗ, ନିମାଇ ଚରଣ  ମଲ୍ଲୀକ, ତପସ୍ୱିନୀ ଦାଶ, ଗୋପେଶ ପଣ୍ଡା, ହୃଷିକେଶ ଚାନ୍ଦ ପ୍ରମୁଖ ପ୍ରାଥମିକ ଚିକିତ୍ସା , ରେଡକ୍ରସ ଆନ୍ଦୋଳନ, ରକ୍ତଦାନ ଅଭିଯାନ, ରକ୍ଷକ ଭଳି ଜୀବନ ଉପଯୋଗୀ କୌଶଳ  ବିଷୟରେ ତାଲିମ ଦେଇଥିଲେ । ଗ୍ରାମର ଜନାସାଧାରଣଙ୍କୁ ରକ୍ତଦାନ, ସ୍ୱାସ୍ଥ୍ୟ, ପରିବେଶ, ରେଡକ୍ରସ ସେବା ସଂପର୍କରେ ସଚେତନ କରିବା ଉଦ୍ଦେଶ୍ୟରେ   ଏକ

ଗ୍ରାମ୍ୟ  ଶାନ୍ତି ଶୋଭାଯାତ୍ରା ଆୟୋଜିତ ହୋଇଥିଲା । ଅନୁଷ୍ଠିତ ହୋଇଥିବା କୁଇଜ୍ କମ୍ପିଟିସନର କୃତୀ ପ୍ରତିଯୋଗୀ ପୁନମ ପଧାନ, ଲିପସା ଜୁଆଡି ଓ ଦିପ୍ତୀମୟୀ ସେଠ ଙ୍କୁ  ଅତିଥି ବୃନ୍ଦ ପୁରସ୍କୃତ କରିଥିଲେ । ସାମଗ୍ରିକ ଭାବରେ କାର୍ଯର୍୍ୟକ୍ରମକୁ ହୃଷିକେଶ ଡାଙ୍ଗ ସଂଯୋଜନା କରିଥିବା ବେଳେ ବିସିସି ନିିମାଇ ଚରଣ ମଲ୍ଲୀକ ପରିଚାଳନା କରିଥିଲେ । ରାମପୁର ନୋଡାଲ ସ୍କୁଲର ପରାମର୍ଶଦାତ୍ରୀ ତରଙ୍ଗିନୀ ମହାପାତ୍ରା ନିଜସ୍ୱ ଶିବିର ଅନୁଭୁତି ବର୍ଣ୍ଣନା କରିଥିଲେ । ଶିକ୍ଷକ ରସିକ ପଧାନ ସ୍ୱାଗତ ଅଭିଭାଷଣ ଦେଇଥିଲେ । ସ୍କୁଲର ବରିଷ୍ଠ ପରାମର୍ଶଦାତା ରବିନ୍ଦ୍ର ଦୀପ ଧନ୍ୟବାଦ ଅର୍ପଣ କରିଥିଲେ । ଶିକ୍ଷକ ରମାକାନ୍ତ ପଧାନ, ଗରୁଡ ଅଦାବର, ରମାବଲ୍ଲଭ ବାରିକ, ଉମେଶ ମିଶ୍ର, ସାଧନୁ ପଧାନ, ମିଳନ ପଧାନ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।