30-Nov-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ): କଣ୍ଟାମାଳ ବ୍ଲକ ରୁଣ୍ଡିମହୁଲ ଗ୍ରାମ ପଞ୍ଚାୟତ ଅନ୍ତର୍ଗତ ଟଙ୍ଗିଆପାଲି ଠାରେ ଦ୍ଵିତୀୟ ତରଣୀସେନ ମେମୋରିଆଲ କ୍ରିକେଟ ଟୁର୍ଣାମେଣ୍ଟ ଉଦଯାପିତ ହୋଇଯାଇଛି । ପ୍ରଥମ ମ୍ୟାଚ୍ ରେ ମନୁମୁଣ୍ଡା ଦଳ ପ୍ରଥମେ ବ୍ୟାଟିଂ କରି ୧୦ ଓଭରରେ ୧୧୭ ରନ କରିଥିବା ବେଳେ ତରଭା ଦଳ ୧୦୩ ରନ କରି ଥିଲେ । ୨ୟ ମ୍ୟାଚ୍ ରେ ୫ ଓଭର ଖେଳରେ ତରଭା ଦଳ ୭୫ ରନ କରି ଥିବା ବେଳେ ମନମୁଣ୍ଡା ୬୧ ରନ କରିଥିଲେ । ୩ୟ ମ୍ୟାଚ୍ ଖେଳରେ ୨ ଓଭରରେ ମନମୁଣ୍ଡା ଦଳ ୨୩ ରନ କରିଥିବା ବେଳେ ତରଭା ଦଳ ୧୯ ରନ କରିଥିଲେ। ମନମୁଣ୍ଡା ଦଳ ଚାମ୍ପିଅନ ହୋଇଥିବା ବେଳେ ତରଭା ଦଳ ରନର୍ସଅପ ହୋଇଥିଲେ । ଏହି କ୍ରିକେଟ ଖେଳକୁ ତ୍ରିଜିବ ଗୁରଣ୍ଡି ଓ ରାଜ କିଶୋର ସାହୁ ପରିଚାଳନା କରିଥିଲେ । ଖେଳରେ ବିଧାୟକ ପ୍ରତିନିଧି  ସୁଧାଂଶୁ ରଣା, ଜିଲ୍ଲାପରିଷଦ ଉପାଧ୍ୟକ୍ଷ ଶଙ୍କର୍ଷଣ ପ୍ରଧାନ, ରୁଣ୍ଡିମହୂଲ୍ ସେବା ସମବାୟ ସଭାପତି ସୁଧୀର କୁମାର ଖଟୁଆ, ରୁଣ୍ଡିମହୂଲ୍ ସରପଞ୍ଚ ପଞ୍ଚାନନ ସାହୁ,  ସମିତି ସଭ୍ୟ ଲିଙ୍ଗରାଜ ଦନ୍ତା,  ସ୍ୱେ ଚ୍ଚାସେବୀ ଶିତିକଣ୍ଠ ମିଶ୍ର, ପୂର୍ବତନ ସମିତି ସଭ୍ୟ ସନ୍ତୋଷ ଦନ୍ତା, ବିଜେପି ନେତା ଅନିଲ କୁମାର ପ୍ରଧାନ, ରାଜ୍ୟ ବିଜେଡି ସମ୍ପାଦକ ସୁଧୀର ମହାକୁଡ, ସୁଦାମ ଚରଣ ବାରିକ, ଉମାକାନ୍ତ ସାହୁ , ଲକ୍ଷ୍ମୀ ପ୍ରସାଦ ଦନ୍ତା,  ସରକାରୀ ଓକିଲ ରାଧାବଲ୍ଲବ ପ୍ରଧାନ ଉପସ୍ଥିତ ରହି ବିଜୟ ଚାମ୍ପିଅନ ଦଳକୁ  ଏବଂ ରନ୍ସପଅପ୍ ଦଳକୁ  ଟ୍ରଫି ପ୍ରଦାନ କରିଥିଲେ ।ଖେଳକୁ ସୁରଥ ମହାକୁଡ, ମୁନା ଦନ୍ତା, ବିନୋଦ ମହାକୁଡ , ଋତୁରାଜଙ୍କ ସହିତ ଲକ୍ଷ୍ମୀ ନାରାୟଣୀ କ୍ରିକେଟ କ୍ଲବର ସମସ୍ତ ସଦସ୍ୟ ସହଯୋଗ କରିଥିଲେ ।