30-Nov-2023

କଣ୍ଟାବାଞ୍ଜି(ଆନନ୍ଦ ମୋଟେ ): କଣ୍ଟାବାଞ୍ଜି ପ୍ରେସ କ୍ଳବ ପକ୍ଷରୁ ସ୍ଥାନୀୟ ହରିଭବନ ଠାରେ ଟିଟିଲାଗଡ଼ ଏସ.ସି.ଡି. ଚକ୍ଷୁ ଡାକ୍ତରଖାନା ସହଯୋଗରେ ନିଶୁଳ୍କ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା । କଣ୍ଟାବାଞ୍ଜି ନଗରପାଳ ବରିୟାମ ସିଂ ସାଲୁଜା ମୁଖ୍ୟ ଅତିଥି ଭାବେ ଯୋଗ ଦେଇ ଶିବିର ଉଦଘାଟନ କରିଥିଲେ । ସମ୍ମାନୀୟ ଅତିଥି ଭାବେ ମହିଳା ପ୍ରସୂତି ରୋଗ ବିଶେଷଜ୍ଞ କଣ୍ଟାବାଞ୍ଜି ଡାକ୍ତରଖାନା ମେଡିକାଲ ଅଫିସର ଡାକ୍ତର ଏସ.ପି.ଡି. ପଣ୍ଡା, ଉପଖଣ୍ଡ ସୂଚନା ଏବଂ ଲୋକ ସମ୍ପର୍କ ଅଧିକାରୀ ରାଜେନ୍ଦ୍ର ମାଝି , ପ୍ରେସ କ୍ଳବ ସଭାପତି ପ୍ରଭଜିତ ସିଂ ସାଲୁଜା , ଏସ.ସି.ଡି. ଚକ୍ଷୁ ଡାକ୍ତରଖାନା ଟେକନିସିଆନ ରଶ୍ମିତା ତାଣ୍ଡି, ସୋସିଆଲ ୱାର୍କର ସୁଶୀଲ ନାଗ ପ୍ରମୁଖ ମଂଚାସୀନ ଥିଲେ। ଆଜିର ଏହି ଶିବିରରେ ୨୩୬ ରୁ ଅଧିକ ଲୋକ ନିଜର ଚକ୍ଷୁ ଚିକିତ୍ସା କରେଇଥିବା ବେଳେ ସେମାନଙ୍କ ଭିତରୁ ୯୦ ଲୋକଙ୍କ ମୋତିଆ ବିନ୍ଦୁ ଅପରେସନ ପାଇଁ ଚି଼ହ୍ନଟ କରାଯାଇଥିଲା । ଗତ ୪ ବର୍ଷ ଭିତରେ ପ୍ରେସ କ୍ଲବ ଏଭଳି ଏକାଧିକ ଶିବିର ଆୟୋଜନ କରି ୨୨୮୦ ଲୋକଙ୍କ ନିଶୁଳ୍କ ଚକ୍ଷୁ ପରୀକ୍ଷା କରାଇଥିବା ବେଳେ ୮୫୦ ଜଣଙ୍କ ସଫଳ ମୋତିଆ ବିନ୍ଦୁ ଅସ୍ତ୍ରୋପ୍ରଚାର କରେଇ ସାରିଛି । ତେବେ ଏଭଳି ଶିବିର ଆୟୋଜନ କରିଥିବାରୁ ପ୍ରେସ କ୍ଲବକୁ ଉପଖଣ୍ଡ ସୂଚନା ଏବଂ ଲୋକ ସମ୍ପର୍କ ଅଧିକାରୀ ରାଜେନ୍ଦ୍ର ମାଝି ଧନ୍ୟବାଦ ଜଣାଇଥିଲେ । ଅନ୍ୟ ପକ୍ଷରେ ମାନବ ସେବା ହିଁ ଭଗବାନ ସେବା ଏଭଳି ସେବା ଜାରି ରହୁ ବୋଲି ମୁଖ୍ୟ ଅତିଥି ଶ୍ରୀ ସାଲୁଜା ପ୍ରେସକ୍ଲବ କୁ ପ୍ରଶଂସା କରିଥିଲେ । ସଭାର ମଞ୍ଚ ପରିଚାଳନା ପ୍ରେସ କ୍ଲବ କାର୍ଯ୍ୟକାରୀ ସଭାପତି ସୁରଦାସ ବାଗ କରିଥିବା ବେଳେ କୋଷାଧକ୍ଷ ହନି ସିଂ, ଉପସଭାପତି ମନୋଜ ଶର୍ମା, ସୁବ୍ରତ ମହାକୁର , ପରାମର୍ଶଦାତା ଆଶିଷ ଖଇତାନ, ଆନନ୍ଦ ମୋଟେ, ଦୁର୍ଗାପ୍ରସାଦ ଗୁପ୍ତା, ସଦସ୍ୟ ସୁଶାନ୍ତ ବେହେରା , କମଳ ଅଗ୍ରୱାଲ , ଅମିତ ଶର୍ମା, ଦେବେଶ ସିଂଘଲ, ସେଲୁ ଜୈନ , ଟିଟିଲାଗଡ଼ ଏସସିଡ଼ି ହସ୍ପିଟାଲ ର ଟେକନିସିଆନ ମିଖଲ ନାଗ, ସ୍ମିତା ରଣା, କଣ୍ଟାବାଞ୍ଜି ଡାକ୍ତରଖାନା ଟେକନିସିଆନ ଗଜପତି ବେହେରା ସହ ଯୁବ ସମାଜସେବୀ ଦିଗେଶ୍ୱର ଠେଲା, ଅଗ୍ରୱାଲ ସଭା ଟ୍ରଷ୍ଟ ପ୍ରମୁଖ ସହଯୋଗ କରିଥିଲେ । ଆଗକୁ ପ୍ରେସ କ୍ଲବ ନିଶୁଳ୍କ ସ୍ୱାସ୍ଥ୍ୟ ଶିବିର , ମେଗା ରକ୍ତଦାନ ଶିବିର କରିବା ପାଇଁ ପ୍ରସ୍ତୁତ ହେଉଥିବା ପ୍ରେସ କ୍ଲବ ସଭାପତି ଶ୍ରୀ ସାଲୁଜା ସୂଚନା ଦେଇଥିଲେ ।