30-Nov-2023

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ): ଆଜି ସୁବର୍ଣ୍ଣପୁର ଜିଲ୍ଲାର ସରକାରୀ ଏ ଏନ ଏମ ତାଲିମ ସଭାଗୃହ ଠାରେ ରକ୍ତଦାତା ଓ ପ୍ରବର୍ତ୍ତକ ଙ୍କ ଏକ ଦିବସୀୟ ତାଲିମ ଶିବିର ଅନୁଷ୍ଠିତ ହୋଇ ଯାଇଛି ।ଏହି ତାଲିମ ଶିବିରରେ ଜିଲ୍ଲା ରକ୍ତ କେନ୍ଦ୍ର ଅଧିକାରୀ ଡାକ୍ତର ଦୁର୍ଗାଦତ୍ତ ଦାଶ ଓ ଏ ଡି ଏମ ଓ ରମେଶ ଚନ୍ଦ୍ର ସ୍ବାଇଁ ଉପସ୍ଥିତ ରହି ରକ୍ତର ଆବଶ୍ୟକତା ଓ ବିଭିନ୍ନ ରୋଗରେ ରକ୍ତ ର ଆବଶ୍ୟକତା ଉପରେ ଆଲୋଚନା କରିଥିଲେ l ସେହିପରି

ରକ୍ତ ପ୍ରବର୍ତ୍ତକ ଉମାକାନ୍ତ ନାଗ ରକ୍ତଦାନ ଶିବିର ଆୟୋଜନ ରକ୍ତ ଦାତା ଓ ପ୍ରବର୍ତ୍ତକଙ୍କ ଭୂମିକା ବିଷୟରେ ଆଲୋଚନା କରି ଥିଲେ । ଅନ୍ୟ ମାନଙ୍କ ମଧ୍ୟରେ ସ୍ୱଚ୍ଛ ଭାରତ ସଂଗଠନର ଉଦ୍ୟୋକ୍ତl ସାୟଦ ଅଲିମୁଲ ଇସଲମ, ଇନ୍ଦୁମତି ପୁରୋହିତ, ରକ୍ତ କେନ୍ଦ୍ର କମିଟି ର ବରିଷ୍ଟ ସଦସ୍ୟ ସମାଜସେବୀ ଶ୍ରୀବତ୍ସ ମଲିକ, ରକ୍ତ ଦାତା ତଥା ମୋଟିଭେଟର ଗତିକୃଷ୍ଣ ମିଶ୍ର ,ଆମ ଓଡ଼ିଶା ସମ୍ବାଦର ଆୟୋଜକ ରତନ ପଟ୍ଟନାୟକ, ସମାଜ ପ୍ରତିନିଧି ସ୍ୱାଧୀନ ମେହେର ଓ ଜିଲ୍ଲା ସ୍ବାସ୍ଥ୍ୟ ପରିଦର୍ଶକ ପ୍ରମୋଦ କୁମାର ସାହୁ, ଏ ଡି ପି ଏଚ୍ ୟୁ , ବୃନ୍ଦାବନ ସାହୁ ପ୍ରମୁଖ ମଞ୍ଚରେ ଉପସ୍ଥିତ ରହି ନିଜ ନିଜ ମତ ରଖିଥିଲେ l ସ୍ୱଚ୍ଛ ଭାରତ, ବୁଢ଼ାରଜା ୟୁଥ୍ ଏସୋସିଏସନ୍, ଶୋଭା କେୟାର ର ମେନେଜର ସୁବାସ ପଣ୍ଡା, ଆଶା ନର୍ସିଂ ହୋମ ର ମେନେଜର ବୃନ୍ଦାବନ ମଲିକଙ୍କ ସମେତ ୫୦ ରୁ ଉର୍ଦ୍ଧ୍ବ ରକ୍ତ ପ୍ରବର୍ତ୍ତକ ଯୋଗ ଦେଇଥିଲେ l ଜିଲ୍ଲାର ରକ୍ତଦାତା ପ୍ରବର୍ତ୍ତକ ସେବା ସଂଘ ସଭାପତି ମନୋଜ କୁମାର ପଣ୍ଡା ସଭା ପରିଚାଳନା କରି

ବିସ୍ତାର ଭାବେ ବୁଝାଇ ପ୍ରବର୍ତ୍ତକଙ୍କୁ ଉତ୍ସାହିତ କରିଥଲେ l ଜିଲ୍ଲାର ୫୦ ଜଣ ରକ୍ତ ପ୍ରବର୍ତ୍ତକ ତଥା ଏ ଏନ୍ ଏମ୍ ତାଲିମ ପ୍ରାପ୍ତ ଛାତ୍ରୀଙ୍କୁ ବ୍ଲଡ଼ ମୋଟିଭେଟର ପ୍ରମାଣପତ୍ର ପ୍ରଦାନ କରାଯାଇ ଥିଲା l ଜିଲ୍ଲା ରକ୍ତ କେନ୍ଦ୍ରର ଟେକ୍ନିସିଆନ ଜଗତ ନାରାୟଣ ଦରୁଅନ, ଟିଟୁ ଭୋଇ ,ଟଙ୍କଧର କୁଅଁର ପ୍ରମୁଖ ଶିବିର ପରିଚାଳନା କରିଥିଲେ ।