28-Nov-2023

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ଟିକ୍ରାପଡା ଠାରେ ଆୟୋଜିତ ହେଉଥିବା ବିଶ୍ୱ ଶାନ୍ତି ମହାଯଜ୍ଞ ଓ ୫୦ ତମ ନାମଯଜ୍ଞ ଉଦଯାପିତ ହୋଇଯାଇଛି l ପଞ୍ଚମ ଦିନ ଯଂଜ୍ଞ କର୍ତ୍ତା ଦାୟିତ୍ୱ ମୁଖ୍ୟକର୍ତ୍ତାଙ୍କ ସହ ରାଜେନ୍ଦ୍ର ମିଶ୍ର, ସମ୍ବିତ ପଣ୍ଡା, ସୁବାଷ ସା, ମହେନ୍ଦ୍ର ବାଗ, ଶିବ ପ୍ରସାଦ ସାହୁ, ସୁଧାଂଶୁ ଶେଖର ଦେଓ, ସନ୍ତୋଷ ପ୍ରଧାନ ପ୍ରମୁଖ ସମସ୍ତେ ତାଙ୍କ ଧର୍ମପତ୍ନୀଙ୍କ ସହ ତୁଲାଇଥିଲେ l ନାମଯଜ୍ଞରେ ସୁଦୂର କଳାହାଣ୍ଡି, ବରଗଡ଼, ସୋନପୁରରୁ ବିଭିନ୍ନ କୀର୍ତ୍ତନ୍ୟ ଗୁରୁ ପ୍ରଭୁଙ୍କର ନାମ ନେଇଥିଲେ l କମିଟି ତରଫରୁ ଆୟୋଜିତ ବେଦ ଓ ଗୀତା ଉଚ୍ଚାରଣ ହୁଳହୁଳି, ଶଙ୍ଖ, ରଙ୍ଗୋଲି ପ୍ରତିଯୋଗିତା ମାନ ଅନୁଷ୍ଠିତ ହୋଇଥିଲା l ସନ୍ଧ୍ୟା ପ୍ରହର ଭୋଗରେ ପଡ଼ାର

ମହିଳା ମାନଙ୍କ ଦ୍ୱାରା ତିଆରି କରାଯାଇଥିବା ଛପନ ଭୋଗ ବେଶ ଆକର୍ଷଣୀୟ ହୋଇଥିଲା l ସନ୍ଧ୍ୟା କାର୍ଯ୍ୟକ୍ରମରେ ବିଶିଷ୍ଠ ଜୀର୍ତ୍ତନ ଗାୟିକା ଦେବକୀ ସାହୁ ମଞ୍ଚରେ କୀର୍ତନ୍ୟ ପରିବେଷଣ କରିଥିଲେ l ସଭାରେ ଅତିଥି ରୂପେ ଲୋଇସିଂହା ବିଧାୟକ ମୁକେଶ ମହାଳିଙ୍ଗ, ଯୁବ ନେତା ଅର୍କେଶ ନାରାୟଣ ସିଂହଦେଓ ଓ ଗୋପାଳଜୀ ପାଣିଗ୍ରାହୀ ଯୋଗ ଦେଇଥିଲେ l ସଭାରେ ପୂର୍ବତନ ନଗରପାଳ ପ୍ରଦୀପ ସାହୁ ସଭାପତିତ୍ୱ କରିଥିଲେ l ଆୟୋଜକ କମିଟି ସଭାପତି ପ୍ରକାଶ କୁମାର ନେପାକ, ସଂପାଦକ ଅଙ୍କୁଶ ହୋତା, ବରିଷ୍ଠ ଉପଦେଷ୍ଟା ଭଗବାନ ବଗର୍ତି, ମହିଳା କମିଟି ସଭାନେତ୍ରୀ ବନେଶ୍ୱରୀ ବେହେରା ଓ ସମ୍ପାଦିକା ଲିନା ମହାନ୍ତି, ସଭ୍ୟ ସୁବାଷ ସା, ପ୍ରମୁଖ ବକ୍ତବ୍ୟ ରଖିଥିଲେ l ଗୁରୁଶ୍ରୀ ଘାସିରାମ ମିଶ୍ର ଓ ନାଟ୍ୟ ଭୂଷଣ ଜଗଦାନନ୍ଦ ଛୁରିଆ ଙ୍କୁ କମିଟି ତରଫରୁ ମାନପତ୍ର ଓ ଉପଢୌକନ ଦେଇ ସ୍ୱତନ୍ତ୍ର ସମ୍ମାନ ପ୍ରଦାନ କରାଯାଇଥିଲା l ସ୍ବର୍ଗତ ପ୍ରତିଷ୍ଠାତା ସଭ୍ୟ ଓ ଅନ୍ୟ ପ୍ରତିଷ୍ଠାତା ସଭ୍ୟ ମାନଙ୍କ ସହ ସହଯୋଗୀତା ପାଇଁ ମଧୁସୂଦନ ନାୟକଙ୍କୁ ମଧ୍ୟ ସମ୍ମାନିତ କରାଯାଇଥିଲା l ସଭାପତି ପ୍ରକାଶ ନେପାକ ଧନ୍ୟବାଦ ଅର୍ପଣ କରିଥିଲେ l ବିଶ୍ୱଶାନ୍ତି ମହାଯଜ୍ଞର ଉଦଯାପନୀ ଉତ୍ସବ ୨୭.୧୧.୨୩ ସକାଳ ୧୦ ଘଣ୍ଟା ସମୟରେ ସମସ୍ତ ଯଜ୍ଞକର୍ତ୍ତାଙ୍କ ଦ୍ୱାରା ହୋମ କାର୍ଯ୍ୟ ସରିବା ପରେ ପୂର୍ଣ୍ଣାହୁତି ହୋଇଥିବା ବେଳେ ଦିବା ୧୧ ଘଣ୍ଟାରେ ଅଙ୍କୁଶ ହୋତା ଓ ସାଗରୀକାଙ୍କ ଦ୍ୱାରା ହୋମକାର୍ଯ୍ୟ ସମାପନ କରି ନାମଯଜ୍ଞ ମଧ୍ୟ ଉଦଯାପିତ ହୋଇଥିଲା l ମହାଯଂଜ୍ଞ ଓ ନାମଯଜ୍ଞର ନଗର କୀର୍ତନ୍ୟରେ

ବଲାଙ୍ଗିର ବିଧାୟକ ନରସିଂହ ମିଶ୍ର ଯୋଗଦାନ କରିଥିଲେ l ସମସ୍ତ କମିଟି ସଭ୍ୟ ସଭ୍ୟା ଓ ପଡ଼ାବାସୀ ଏକ ଆକର୍ଷଣୀୟ ଶୋଭାଯାତ୍ରାରେ ସାମିଲ ହୋଉ ନଗର ପରିକ୍ରମା ସହ ରାଧା ମାଧବଙ୍କୁ ରାଧାକୃଷ୍ଣ ମନ୍ଦିରରେ ପୁଣି ବିରାଜମାନ କରାଇଥିଲେ l  ଏହି ମହାଯଜ୍ଞ ଓ ନାନାଯଜ୍ଞ ର ସୁବର୍ଣ୍ଣ ଜୟନ୍ତି ସମାରୋହ ସଫଳତା ସହ ସମାପନ ହୋଇଥିବାରୁ କମିଟିର ସଭାପତି ପ୍ରକାଶ କୁମାର ନେପାକ ସମସ୍ତଙ୍କର ସହଯୋଗ ପାଇଁ ଧନ୍ୟବାଦ ଅର୍ପଣ କରିଛନ୍ତି l