26-Nov-2023

ବଲାଙ୍ଗିର(ପ୍ରେରଣା ଖବର)- ଶ୍ରୀକୃଷ୍ଣ ଚୈତନ୍ୟ ସେବା ସଂସ୍ଥାନ ଟିକ୍ରାପଡ ବଲାଙ୍ଗିର ଆନକୂଲ୍ୟରେ ଗତକାଲି ପଂଚକୁଣ୍ଡିୟ ବିଶ୍ୱ ଶାନ୍ତି ମହାଯଜ୍ଞରେ ଅଭିନାଶ ବେହେରା ଓ ବନେଶ୍ୱରୀ ବେହେରା, ଦୁର୍ଗା ଚରଣ ସାହୁ ଓ ସରିତା, ଲିଙ୍ଗରାଜ ସାହୁ ଓ ତାଙ୍କ ଧର୍ମପତ୍ନୀ, ଭାଗିରଥି ସାହୁ ଓ କବିତା, ସୋମନାଥ ସାହୁ ଓ ତାଙ୍କ ଧର୍ମପତ୍ନୀ, ସୁବାଷ ଦାଶ ଓ ତାଙ୍କ ଧର୍ମପତ୍ନୀ, ପ୍ରମୋଦ ପ୍ରଧାନ ଓ ତାଙ୍କ ଧର୍ମ ପତ୍ନୀ , ରାଜୀବ ହୋତା ଓ ତାଙ୍କ ଧର୍ମପତ୍ନୀ କର୍ତ୍ତା ଭାବରେ ରହିଥିବା ବେଳେ ପ୍ରହରୀ ଛକ ଠାରେ ମହାସମାରୋହରେ ନାମଯଜ୍ଞ ଅନୁଷ୍ଠିତ ହେଉଥିଲା ।

ସନ୍ଧ୍ୟାରେ ଆୟୋଜିତ ଆଧ୍ୟାତ୍ମିକ ସଭାରେ ସନ୍ତକ କୁମାର ବହିଦାର ସଭାପତିତ୍ୱ କରିଥିଲେ l ପ୍ରବଚିକା ଏଲୋରା ମିଶ୍ର, ବରିଷ୍ଠ ଆଇନଜୀବୀ ଅମରେନ୍ଦ୍ର ମିଶ୍ର ଓ ନାଟ୍ୟଭୂଷଣ ଜଗଦାନନ୍ଦ ଛୁରିଆ ବରେଣ୍ୟ ଅତିଥି ରୂପେ ଯୋଗ ଦେଇଥିଲେ । ସମାରୋହ କମିଟିର ସଭାପତି ପ୍ରକାଶ କୁମାର ନେପାକ, ସଂପାଦକ ଅଙ୍କୁଶ ହୋତା, ମହିଳା ମଣ୍ଡଳ ସଭାନେତ୍ରୀ ବନେଶ୍ୱରୀ ବେହେରା, ବରିଷ୍ଠ ସଦସ୍ୟ ରବି ଅଗ୍ରୱାଲ ଓ ରାଜେନ୍ଦ୍ର ମିଶ ମଂଚାସୀନ ଥିଲେ ।  ସଭା ସଂଯୋଜନା କରିଥିଲେ ମଧୁସୁଦନ ନାୟକ ।

ଆଧ୍ୟାତ୍ମିକ ଓ ସାମାଜିକ କ୍ଷେତ୍ରରେ ବିଶେଷ ଅବଦାନ ପାଇଁ କମିଟିର ଅନୁମୋଦନ କ୍ରମେ ମହେନ୍ଦ୍ର କୁମାର ଅଗ୍ରୱାଲଙ୍କୁ ସ୍ୱତନ୍ତ୍ର ସମ୍ମାନ ପ୍ରଦାନ କରାଯାଇଥିଲା । ପ୍ରତିଦିନ ଭଳି ଏହି ଦିନ ମଧ୍ୟ ୯ ଜଣ ସ୍ୱର୍ଗତ ପ୍ରତିଷ୍ଠାତା ସଦସ୍ୟମାନଙ୍କୁ ମରୋଣତ୍ତର ସମ୍ମାନ ପ୍ରଦାନ କରାଯାଇଥିଲା ଯାହାକି ତାଙ୍କ ପରିବାର ବର୍ଗମାନେ ଗ୍ରହଣ କରିଥିଲେ । ସେହିପରି ୭ ଜଣ ବରିଷ୍ଠ ସଦସ୍ୟଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଶେଷରେ ରବି ଅଗ୍ରୱାଲ ଧନ୍ୟବାଦ ଅର୍ପଣ କରିଥିଲେ । ମଂଚ ପରିଚାଳନାରେ ବିଶେଷ ସହଯୋଗ କରିଥିଲେ ବିକାଶ ସା, ଜିତେନ୍ଦ୍ର କୁମାର ନାଗ, ସଂଜୟ ଶତପଥି ଓ ପିଙ୍କୁ ପଣ୍ଡା । ଛାତ୍ରଛାତ୍ରୀ ମାନଙ୍କ ମଧ୍ୟରେ ଅନୁଷ୍ଠିତ ହୋଇଥିବା ସଂଗୀତ ପ୍ରତିଯୋଗିତାର କୃତୀ ଛାତ୍ରଛାତ୍ରୀ ମାନଙ୍କୁ ସାର୍ଟିଫିକେଟ ଓ ଟ୍ରଫି ଦେଇ ପୁରସ୍କୃତ କରାଯାଇଥିଲା । ଆସନ୍ତା କାଲି କାର୍ତ୍ତିକ ପୂର୍ଣ୍ଣିମାରେ ନାମଯଜ୍ଞ  ପୂର୍ଣ୍ଣାହୁତି ହେବାକୁ ଯାଉଥିବା ବେଳେ ଆଜି ସଂଧ୍ୟାରେ ଭକ୍ତ ଓ ଶ୍ରଦ୍ଧାଳୁଙ୍କ ପ୍ରବଳ ଜନସମାଗମ ପରିଲକ୍ଷିତ ହୋଇଥିଲା ।