25-Nov-2023

ବିନିକା(ହିମାଂଶୁ ଶେଖର ପୁଟେଲ): ଶାନ୍ତିପ୍ରିୟ ବିନିକା ଅଞ୍ଚଳ ଦିନକୁ ଦିନ ଅଶାନ୍ତରେ ପରିଣତ ହେବାରେ ଲାଗିଛି l ବଢ଼ି ଚାଲିଛି ରାହାଜାନୀ, ଲୁଟ ଘଟଣା। ରାସ୍ତା ମାନଙ୍କରେ ଯିବା ଆସିବା ମସ୍କିଲ ହୋଇ ପଡ଼ିଲାଣି । ନିରାପଦ ମଣୁ ନାହାନ୍ତି ଲୋକେ ।ବିଶେଷ କରି ଲୁଟେରା ମାନେ ଲୋକଙ୍କ ଠାରୁ ଲୁଟ କରିବା ପାଇଁ ବିଭିନ୍ନ ନିଛାଟିଆ ସ୍ଥାନରେ ଛପି ରହୁଛନ୍ତି ଏବଂ ସେମାନେ ସଫକ ମଧ୍ୟ ହେଉଛନ୍ତି । ଲୋକଙ୍କ ସୁରକ୍ଷା ପାଇଁ କାର୍ଯ୍ୟ କରୁଥିବା ପୋଲିସ ଠିକ ଭାବରେ ପେଟ୍ରୋଲିଂ କରୁନଥିବାରୁ ଦୁର୍ବୃତ୍ତ ମାନେ ସକ୍ରିୟ ହୋଇ ବେଫିକର ଭାବରେ ଲୁଟ,ରାହାଜାନୀ କରୁଥିବାର ସାଧାରଣରେ ଆଲୋଚନା ହେଉଛି।ଯାହାକି ଏହି ଅଞ୍ଚଳରେ ଅନେକ ଥର ଲୁଟେରା ଙ୍କ କବକରୁ ମୁକ୍ତି ନପାଇ ଲୋକେ ଲୁଟର ଶିକାର ହୋଇଥିଲେ ମଧ୍ୟ ଲୁଟ ସାମଗ୍ରୀ ତ ମିଳିବା ଦୂରର କଥା ଲୁଟେରା ମାନେ ମଧ୍ୟ ପୋଲିସ କୁ ଚକମା ଦେଖାଇ ଧରା ପଡୁ ନାହାନ୍ତି ।ଯାହାର ଅଭଳି ଏକ ଘଟଣା ପୁଣି ଗତକାଲି ରାତିରେ ଘଟିଛି ।ବିନିକା ବ୍ଲକ ସେଲେଡି ଗ୍ରାମର ଜନାର୍ଦ୍ଦନ ତ୍ରିପାଠୀ ନାମକ ଜଣେ ବ୍ୟକ୍ତି କୌଣସି କାମ ସାରି ରାତି  କୌଡିଆମୁଣ୍ଡା ରୁ ରାତି ପ୍ରାୟ ଆଠଟା ସମୟରେ ନିଜ ବାଇକ ଯୋଗେ ବାଉଁସୁନି କେନାଲ ରାସ୍ତାରେ ଫେରୁ ଥିବା ବେଳେ ସାହା ଜ ବାହାଳ ମାଇନର ଠାରେ ୩ଜଣ ମୁଖା ପିନ୍ଧା ଦୁର୍ବୃତ୍ତ ତାଙ୍କୁ ଜବରଦସ୍ତ ଅଟକାଇ ମାଡ ମାରି ନିକଟ ଜଙ୍ଗଲ କୁ ନେଇ ଯାଇଥିଲେ । ସେଠାରେ ତାଙ୍କର ହାତ ଘଣ୍ଟା,ମୋବାଇଲ ଓ କିଛି ଟଙ୍କା ସହ ବାଇକ କୁ ଲୁଟି ଚଂପଟ ମାରିଥିଲେ ।ଫଳରେ ଅନ୍ଧାର ରାତିରେ ଜନାର୍ଦ୍ଦନ ଜଙ୍ଗଲରେ ରାସ୍ତା ନପାଇ ଭୟଭୀତ ଅବସ୍ଥାରେ ଥାଇ ମଧ୍ୟ ସାହସ  ନ ହରାଇ କୌଣସି ପ୍ରକାରରେ ଘରକୁ ଆସିଥିଲେ।ଆଜି ସକାଳେ ଥାନାକୁ ଆସି ଲିଖିତ ଅଭିଯୋଗ କରିଥିବା ଜଣା ପଡିଛି।ତେବେ ମୁଖା ପିନ୍ଦା ଡକାୟତ ମାନଙ୍କୁ ପୋଲିସ ଧରିବାରେ ସଫଳ ହେବ ନା ପୁଣି ସେମାନେ ପୋଲିସ ଆଖିରେ ଧୂଳି ଦେଇ ନିଜର କାର୍ଯ୍ୟକଳାପ ଜାରି ରଖିବା ରେ ସଫଳ ହେବେ ତାହା ସମୟ ହିଁ କହିବ।