26-Aug-2026

ଲୋଇସିଂହା, (ବିନୋଦ ଦୀପ) ଲୋଇସିଂହା କଲେଜରେ ଛଅ ଦିନ ବ୍ୟାପି ଚାଲିଥିବା ଆତ୍ମ ସୁରକ୍ଷା ତାଲିମ ଶିବିର ଆଜି ଉଦଯାପିତ ହୋଇଯାଇଛି। ଗତ ୧୮ ଜୁଲାଇରୁ ଚାଲିଥିବା ଏହି ଆତ୍ମ ସୁରକ୍ଷା ତାଲିମ ଟି ଶକ୍ତିଶ୍ରୀ ନାରୀ ସଶକ୍ତି ସେଲ ଆନୁକୂଲ୍ୟ ରେ ଆୟୋଜିତ ହୋଇଥିଲା। ପ୍ରାରମ୍ଭିକ ଭାବେ କଲେଜ ଅଧ୍ୟକ୍ଷ ଶ୍ରୀଯୁକ୍ତ ଦେବଦତ୍ତ ଗୁରୁ ଙ୍କ ଅଧ୍ୟକ୍ଷତାରେ ଆୟୋଜିତ ଉଦଯାପନୀ ଉତ୍ସବ ରେ ପ୍ରାଧ୍ୟାପିକା ଶାନ୍ତିପ୍ରିୟା ହୋତା , ପ୍ରାଧ୍ୟାପିକା ତୃପ୍ତିମୟୀ ନାୟକ, ପ୍ରଧ୍ୟାପକ ଜଗନ୍ନାଥ ମହାପାତ୍ର ପ୍ରମୁଖ ଯୋଗଦାନ କରି ବକ୍ତବ୍ୟ ପ୍ରଦାନ କରିଥିଲେ। 'ସଶକ୍ତି ' ସେଲ୍ ର ସଂଯୋଜିକା ଅଧ୍ୟାପିକା ଗୀତାଞ୍ଜଳି ପଣ୍ଡା, ଓ ସହ-ସଂଯୋଜିକା ଅଧ୍ୟାପିକା ସୋନାଲି ଶବର 'ଶକ୍ତିଶ୍ରୀ ' ସେଲ୍ ର ଉଦ୍ଦେଶ୍ୟ ତଥା ନାରୀ ସଶକ୍ତିକରଣ ଉପରେ ବକ୍ତବ୍ୟ ପ୍ରଦାନ କରିଥିଲେ। ଦୀର୍ଘ ୬ ଦିନ ବ୍ୟାପୀ ଚାଲିଥିବା ଆତ୍ମସୁରକ୍ଷା ତାଲିମ ଶିବିରରେ ସୁଶ୍ରୀ କମଳିନୀ ମହାଲିଙ୍ଗ ଓ ସ୍ନେହଲତା ପାଣ୍ଡେ ଯୋଗଦାନ କରି ଛାତ୍ରୀମାନଙ୍କୁ ପ୍ରଶିକ୍ଷଣ କରିଥିଲେ। ଓଡ଼ିଆ ବିଭାଗ ମୁଖ୍ୟ ଅଧ୍ୟାପଜ ଜଗମୋହନ ଦର୍ଜୀ ସଭା ପରିଚାଳନା କରିଥିଲେ ଏବଂ ଶେଷରେ ଡ଼.ଜଳଧର ମାଝୀ ଧନ୍ୟବାଦ ଅର୍ପଣ କରିଥିଲେ l