26-Aug-2026

ବିନିକା(ହିମାଂଶୁ ଶେଖର ପୁଟେଲ) ଅଙ୍କା ବଙ୍କା ହେଇ କେନାଲ ଆସିଛେ ସତ ହେଲେ ପାଏନ ବୁନ୍ଦେ ନାହିଁ ବରଷ ବରଷ ହେଲାନ କେନାଲ ରେ ଟିକେ ବି ହୀରାକୁଦ ଜଳଭଣ୍ଡାର ରୁ ପାଣି ନାହିଁ ଆସବାର କିନ୍ତୁ ରାଜସ୍ୱ ବିଭାଗ ଚାଷୀ ମାନଙ୍କ ଠାରୁ ଜଳକର ଆଦାୟ କରି ଆସୁଛେ଼ । ଇ ବିଷୟ ନେ ଗାଁର ଚାଷୀ ମାନେ ଏକତ୍ରିତ ହୋଇ ଅନେକ ବାର ପ୍ରଶାସନ ଠାନେ ଆପତ୍ତି ଅଭିଯୋଗ କରି ଆସୁଥିଲେ ମଧ୍ୟ କେନେସି ନେତା କି ସରକାରୀ ଅଧିକାରୀ ଶୁଣୁ ନଥିଲେ ।ହେଲେ ପୁନର୍ବାର ଗ୍ରାମର ଚାଷୀମାନେ ବର୍ତ୍ତମାନର ବିନିକା ତହସିଲଦାରଙ୍କ ଠାରେ ଅଭିଯୋଗ କରିବା ପରେ ଅଧିକାରୀ ମାନଙ୍କ କୁମ୍ଭକର୍ଣ୍ଣ ନିଦ୍ରା ଭଙ୍ଗ ହୋଇଥିଲା ଅଭିଯୋଗ ପତ୍ରକୁ ଭିର୍ତ୍ତି କରି ରାଜସ୍ୱ ଓ ଜଳସେଚନ ବିଭାଗର ତଦନ୍ତ ଆରମ୍ଭ ହୋଇଛି ।ଘଟଣାଟି ହେଉଛି ଖୋଦ ବିନିକା ବିଜ୍ଞାପିତ ଅଞ୍ଚଳ ପରିଷଦ ଅଧିନସ୍ତ ୧୨ନଂ ୱାର୍ଡ ଭମରପାଲି ଗ୍ରାମରେ । କାହିଁ କେତେ ଅମଳରୁ ଏହି ଗ୍ରାମର ଚାଷୀମାନେ କେନାଲ ରୁ ପାଣି ନପାଇ ଉଠା ଜଳସେଚନ ପ୍ରକଳ୍ପ ମାଧ୍ୟମରେ ନିଜର ଜୀବନ ଜୀବିକା ବଞ୍ଚେଇବା ସହିତ ଦୁନିଆକୁ ଆହାର  ଯୋଗାଉଛନ୍ତି ।କିନ୍ତୁ ଅତ୍ୟନ୍ତ ଦୁଃଖର ବିଷୟ କେନାଲ ନଥିବା ସତ୍ତ୍ବେ ମଧ୍ୟ କୁଆଡେ ପ୍ରଶାସନ ପ୍ରତି ବର୍ଷ ଗ୍ରାମକୁ ଯାଇ ଚାଷୀଙ୍କ ଠାରୁ ଜଳକର ଆଦାୟ କରୁଥିଲା ।ଅଭିଯୋଗ ପରେ ରାଜସ୍ବ ବିଭାଗ ଓ ଜଳସେଚନ ବିଭାଗର ଅଧିକାରୀ ମାନେ ଭମରପାଳି ଗ୍ରାମ କୁ ସରଜମିନ ତଦନ୍ତ କରିଥିଲେ ।ତଦନ୍ତ ବେଳେ ଗ୍ରାମର ଚାଷୀମାନେ ହୀରାକୁଦ ଜଳଭଣ୍ଡାର ରୁ ନିର୍ଗତ ଜଳ ବିଶେଷ କରି ଚାଷୀଙ୍କ ପାଇଁ ବ୍ୟବହାର ଉପଯୋଗୀ ହେଲେ କେନାଲ କାର୍ଯକାରୀ ହେବାଦିନ ଠାରୁ ଅଦ୍ୟାବଧି ଗ୍ରାମର ଅଙ୍କା ବଙ୍କା କେନାଳକୁ ପାଣି ଆସିନଥିବା କହିଥିଲେ ।ସୂଚନା ଯୋଗ୍ୟ ଯେ ଗତ ୨୦୧୯ବର୍ଷ ସେପ୍ଟେମ୍ବର ମାସରେ ମଧ୍ୟ ଏନେଇ ତଦନ୍ତ ହୋଇଥିଲା ହେଲେ କୌଣସି ସୁଫଳ ଚାଷୀ ପାଇନଥିଲେ ।ତେବେ ଆରମ୍ଭରୁ ଆଜି ସୁଦ୍ଧା ଚାଷୀମାନେ ଜଳକର ନଦେଇ କେବଳ ସେସ୍ ଅର୍ଥ ଦେଇ ଆସୁଥିଲେ।ତେଣୁ ଗ୍ରାମର ସବୁ ଚାଷୀ ମାନଙ୍କ ଉପରେ ରହିଥିବା ଜଳକର ବକେୟା ୧୪ଲକ୍ଷ। ଟଙ୍କାକୁ ସମ୍ପୂର୍ଣ୍ଣ ଛାଡ଼ କରାଯାଉ,ଗାଁ କୁ ଆସିଥିବା ଅଙ୍କା ବଙ୍କା କେନାଲର ସରଳୀକରଣ ଯୁଦ୍ଧ ଦଳର କାଳୀନ କରାଯାଉ,କେନାଲ ମରାମତି ପରେ ପର୍ଯ୍ୟାପ୍ତ ପରିମାଣରେ ପାଣି ଯୋଗାଇ ଦିଆଯାଉ ଆଦି ଦାବୀ ଉପରେ ଉଭୟ ବିଭାଗର ଅଧିକାରୀ ମାନେ ପଦକ୍ଷେପ ସ୍ୱରୂପ ତୁରନ୍ତ ସମସ୍ୟାର ସମାଧାନ କରିବାକୁ ଗ୍ରାମର ଚାଷୀକୁଳ ଦାବୀ କରିଥିଲେ ।ତଦନ୍ତ ବେଳେ ବିନିକା ତହସିଲଦାର ରେଶ୍ମା ଭୋଇ, ରାମପୁର କେନାଲ ବିଭାଗ ଯନ୍ତ୍ରୀ, ବିନିକା ରାଜସ୍ୱ ଅଧିକାରୀ,ଚାଷୀ ରାମଜୀ ବାବୁ,ସୁବ୍ରତ ବାବୁ,ସଞ୍ଜୀବ ବାବୁ,ପଦ୍ମନାଭ ପଣ୍ଡା,ରଘୁବୀର ବାବୁ,ଉମାଶଙ୍କର ମିଶ୍ର,ଲକ୍ଷ୍ମୀନାରାୟଣ ଦାନୀ,ଗଦାଧର ପାତ୍ର,ମାଗିରାମ ପ୍ରଧାନ,ପ୍ରେମରାଜ ସେଠୀ,ଗୋପୀନାଥ ଝାଙ୍କର ପ୍ରମୁଖଙ୍କ ସମେତ ଚାଷୀ ଉପସ୍ଥିତ ଥିଲେ।