29-Oct-2023

ବୀରମହାରାଜପୁର,(ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀରେ ରବିବାର ଗଜଲକ୍ଷ୍ମୀ ପୂଜା ଆରମ୍ଭ ହୋଇଯାଇଛି। ଗଜଲକ୍ଷ୍ମୀ ପୂଜା ଚଳିତ ବର୍ଷ ୪୧ ବର୍ଷରେ ପହଞ୍ଚିଛି।‌ ଉପଖଣ୍ଡ ରେ ହେଉଥିବା ସମସ୍ତ ଗଜଲକ୍ଷ୍ମୀ ପୂଜା ଠାରୁ ଏହା ସବୁବେଳେ ସର୍ବାଗ୍ରେ ରହିଥାଏ। ଚଳିତ ବର୍ଷ ମଧ୍ୟ ଏହା ତାର ଶ୍ରେଷ୍ଠତ୍ବ ବଜାଇ ରଖିଛି। ଶନିବାର କଳସ ଶୋଭା ଯାତ୍ରା ବହୁତ ଧୁମଧାମରେ କାର୍ଯ୍ୟ ସମାପନ ହୋଇଥିଲା। ରବିବାର ସକାଳୁ ରୀତିନୀତି ଅନୁସାରେ ମାଁ ଗଜଲକ୍ଷ୍ମୀଙ୍କ ପୂଜା କାର୍ଯ୍ୟ ଆରମ୍ଭ ହୋଇଛି। ଏହି ଅବସରରେ ନବାହ ପାରାୟଣ କାର୍ଯ୍ୟ ମଧ୍ୟ ଆରମ୍ଭ ହୋଇଛି।  ଚଳିତ ବର୍ଷ ପୂଜା କମିଟିର ପ୍ରାୟ ୧ ଶହରୁ ଉର୍ଦ୍ଧ୍ବ ସଭ୍ୟ ଆଜି ଠାରୁ କାଷ୍ଟ ଓ ନିଷ୍ଠାର ସହ ବ୍ରତ ଆରମ୍ଭ କରିଛନ୍ତି। ଏ ବର୍ଷ ଆକର୍ଷଣୀୟ ମେଢ଼,ସୁଉଚ୍ଚ ତୋରଣ ଓ ରଙ୍ଗୀନ ଆଲୋକମାଳାରେ ଝଲସୁଛି ସମଗ୍ର ଅଞ୍ଚଳ ।  ଏହା ସହିତ ମୁରାସୁର ଦରବାର ଶୁଭାରମ୍ଭ ହୋଇଥିବା ବେଳେ ପ୍ରତ୍ୟହ ଆଧୁନିକ ଓ ଲୋକନୃତ୍ୟ ସାଙ୍ଗକୁ ମୁକ୍ତାକାଶ ନାଟ୍ୟାଭିନୟ ଲୋକଙ୍କୁ ଖୁବ ଆମୋଦ ଦେଉଛି। ଏହା ବାଦ୍ ମିନାବଜାର, ଚକ୍ରଦୋଳି ସାଙ୍ଗକୁ ବିଭିନ୍ନ ଘରକରଣା ସାମଗ୍ରୀର କିଣାବିକା ଯୋଗୁଁ ଖୁବ ଗହଲି ଲାଗୁଛି। ଆଜି ଠାରୁ ପ୍ରତ୍ୟହ ଦିନ ବେଲା ବ୍ୟାସ ଅଜିତ ଦାସ ଙ୍କ ଦ୍ଵାରା ରାମାୟଣ ପାରାୟଣ କାର୍ଯ୍ୟକ୍ରମ ହେଉଛି। ଏହା ସହ ହନୁମାନ ପୂଜା ଓ ଯଜ୍ଞ ମଧ୍ୟ ହେଉଥିବା ଦେଖିବାକୁ ମିଳିଛି।‌ ସକାଳେ ଲକ୍ଷ୍ମୀପୁଜା ହେବା ସହିତ ସନ୍ଧ୍ୟାରେ ଆଳତୀ ବେଳେ ଶ୍ରଦ୍ଧାଳୁଙ୍କ ଗହଳି ଲାଗି ରହୁଛି। ପୂଜାରେ ପଣ୍ଡିତ ସଚ୍ଚିଦାନନ୍ଦ ପଣ୍ଡା, ସଦାନନ୍ଦ ପଣ୍ଡା, ପ୍ରଦୀପ ରଥ ଓ ବନମାଳୀ ଚାନ୍ଦ ପ୍ରମୁଖ ବିଭିନ୍ନ ପୂଜା କାର୍ଯ୍ୟ ଦାୟିତ୍ଵ ତୁଲାଉଥିବା ବେଳେ ଲକ୍ଷ୍ମୀ ମଣ୍ଡପରେ ଉତ୍ତର ପଧନ,ରିନା ପଧନ, ରାମାୟଣ ମଣ୍ଡପ ରେ ସନତ ସିଂ, ସ୍ନେହଲତା ସିଂ ଓ ହନୁମାନ ମଣ୍ଡପରେ ସହଦେଵ ମହାକୁର, ବିଣାପାଣି ମହାକୁର କର୍ତ୍ତା ଭାବେ ଦାୟିତ୍ଵ ତୁଲାଉଛନ୍ତି। ପୂଜା କମିଟି ର ପରିଚାଳନା ସଭାପତି ଲବ କୁମାର ସାହୁ, ଉପ ସଭାପତି ଧନଞ୍ଜୟ ସାହୁ, ସମ୍ପାଦକ ତ୍ରୟଞ୍ଜିବୀ ମିଶ୍ର, ସହ ସମ୍ପାଦକ ବିଦ୍ୟାଧର ଖୁର୍ଡୀଆ, କୋଷାଧ୍ୟକ୍ଷ ସତ୍ୟମୋହନ ବେଦପାଣି, ଉପଦେଷ୍ଟା ରାଜ ଗୋପାଲ ପାଣିଗ୍ରାହୀ ଓ କୁଶ କୁମାର ସାହୁ, ଚିତ୍ତରଞ୍ଜନ ସାହୁ, ମନୋଜ ନାଏକ, ଶାନ୍ତାନୁ କ୍ଷେତି, ବଳରାମ ପଧାନ, ଲୋକନାଥ ସାହୁ,ପଦ୍ମନାଭ ପଧାନ, ଉତ୍ତର ନାଏକ, ହିମାଂଶୁ ପଧାନ, ସନ୍ତୋଷ ସମର୍ଥ, ଅନନ୍ତ ସାହୁ, ପରାସର ସେଠି, ମନୋଜ ସାହୁ, ଆଦିତ୍ୟ ସାହୁ, ବିଶ୍ଵନାଥ ଦାସ, ସତ୍ୟବ୍ରତ ଦୁଆରିଙ୍କ ସହ ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।